Na öfaha’ö ndra’ugö ba Zura Ni’amoni’ö khö ndra Samaduhu’ö Yehowa, tatu manö wa mufaigi sakali hadia duho wamaha’ö. Sökhi na tafalua göi zimane daʼö fatua lö möi ba gangowuloa ena’ö so gunania khöda. Tatema mbua na lö taböhöli ba wamomaha ya’ita.

Tatugöi nahia ba inötö ba wamaha’ö. Hezo ginötö si so khöu fa’ahono dödö? Hadia sihulö wongi fatua lö mofanö’ö wohalöwö mazui ba zibongi na no mörö ndraono? He na lö ara ginötö ni’oguna’öu wamaha’ö Ya’ugö, tatugöi ginötö si tola ö’oguna’ö ba wamaha’ö ya’ugö, ba böi tehegö so zanaha ya’ugö. Alui nahia sahono dödöu, aröu’ö zi tola mangoloi’ö tödöu simane radio, tifi, hape. Angandrö fatua lö öfaha’ö ndra’ugö. Da’ö zanolo ena’ö lö itörö tödöda halöwö tanö bö’ö ena’ö so khöda wa’ahono dödö ba wamomaha ya’ita ba Daromali Lowalangi.—Filifi 4:6, 7.

Tandra duho wamaha’ö, ba henaigö mbua gera-erau. Si föföna, alui fefu nösinia. Angeraigö duho wamaha’ö mazui faza, alui ngenoli so’amakhaita ba duhonia, ba faigi gambara awö wanofu si no muhenaigö ena’ö ta’ila hadia duhonia. Aefa da’ö, baso ero sambua ngenoli, alui wanema li moroi ba wanofu si no tesura. Bokai ba baso ayati si no tesura ba angeraigö hadia gamakhaita ayati ba nifatunö andrö. (Halöwö Zinenge 17:11) Me no ösöndra wanema li, tandra ngawua wehede ba ngenoli andrö sanolo ya’ugö ena’ö itörö tödöu hadia wanema li. Aefa da’ö, na tola, öbe’e yawa dangau na inötö owulo ba wame’e bua gera-erau samösa.

Me oya ngawalö duho nifatunö ba gangowuloa ero migu, itugu tedou wa’aboto ba dödöu nösi Zura Ni’amoni’ö.—Matai’o 13:51, 52.

• Hadia zi lö tebulö öfalua fatua lö möi’ö ba gangowuloa?

• Hewisa wangehenaigö bua gera-era nifa’emau ba gangowuloa?