I’ombakha’ö khö ndra nifaha’önia Yesu,”Yasimanö hagami andrö yahumaga ba niha ena’ö la’ila mbua-buami andrö si sökhi ba ena’ö lasuno Namami andrö si so ba zorugo.” (Matai’o 5:16) Da’ö mbörö wa ma’oguna’ö fakake nifazökhi niha sagatua-tua, ya’ia da’ö Internet. Situs Web khöma, jw.org, ya’ia da’ö sondrunö-ndrunö sanandrösa ba zi faduhu dödö, ba halöwö ndra Samaduhu’ö Yehowa. Hadia zi tola öhalö ba da’ö?

Fanema li moroi ba Zura Ni’amoni’ö ba zasese lasofu-sofu. Tola ösöndra wanema li moroi ba wanofu-nofu sanandrösa ba wa’auri sasese lasofu niha. Duma-dumania, risalah Hadia Tola Samuza Inötö Aheta Ita ba Gabula Dödö? ba Hadia Tola Ifuli Auri Niha si No Mate? no tehenaigö ba Internet ba zi töra 600 ngawalö li. Tola göi ösöndra mbuku Ni’amoni’ö Terjemahan Dunia Baru ba zi töra 130 ngawalö li ba so mbuku tanö bö’ö nasa, duma-dumania Apa yang Sebenarnya Alkitab Ajarkan? Ba buku si bohou lafazökhi Menara Pengawal ba Sedarlah! Oya ba gotalua mbuku andre zi tola mubaso ba mufondro-ndrongo ba Internet mazui muhalö ba format sabölö oya la’oguna’ö niha, simane MP3, PDF, mazui EPUB. Tola manö göi öhalö mato ha’uga nga’örö ba öbe’e na so zomasi mombaso, ba li somasi ira! Buku ba ngawalö li si lö hede no tehenaigö ba video. Tola öhalö drama wombaso Sura Ni’amoni’ö, drama Zura Ni’amoni’ö, ba sinunö si sökhi famondrongo

Angombakhata si ndruhu sanandrösa khö ndra Samaduhu’ö Yehowa. So gangombakhata si bohou ba klip video sanandrösa ba halöwö nifaluama ba zi sagörö ulidanö, sangombakha hadia zalua khö ndra talifusö Samaduhu’ö Yehowa, ba hewisa wame’ema fanolo ba niha. Tola ö’ila hawa’ara alua gangowuloa sebua ba zi so miföna, ba hezo nahia gödo si so ba soi bö’ö.

Börö da’a wa tola maturiaigö zi ndruhu irugi wondrege danö. Niha sato moroi ba ngawalö soi fefu la’ila hadia gunania khöra duria andre. Mangandrö ndra’aga ena’ö ”alio terongo misa daromali Yehowa” ba zi sagörö ulidanö si tobali famolakhömi Lowalangi.—II Tesalonika 3:1.

• Hewisa jw.org wanolonia niha sato ena’ö aboto ba dödöra zi ndruhu moroi ba Zura Ni’amoni’ö?

• Hadia zomasi’ö ö’alui ba situs Web khöma?