Ero röfi, tabalo-baloi kebaktian regional si tola mame’e khöda famarou dödö ba wamati. Ena’ö larasoi göi niha bö’ö wa’asökhi dödö Yehowa, takaoni fefu niha ena’ö fao ira khöda ba wa’omuso dödö andre. (Zin 34:9) Ira satua sokubaloi labe’e wanuturu lala hewisa wangoguna’ö undranga andre.

• Hawa’ara alua kebaktian khöma?

• Hawa’ara tebörögö kampanye khöma?

• Hawa’ara alua gangowuloa we’amöi manuriaigö?

• Hadia gohitö dödögu ba kampanye andre?

• Haniha manö zinangea ukaoni?

Na no ö’owai zokhö omo, tola ömane:

”Mafalua kampanye andre ba zi sagörö ulidanö ba wame’e undranga ena’ö la’ondrasi gangowuloa si tebai la’olifuagö. No tesura ba undranga da’a hawa’ara ginötö hegöi nahia tefalua ia. Omasi ndra’aga na fao ami khöma ba wangondrasi angowuloa andre.”

Hewa’ae omasi ita takaoni fefu niha we’amöi ba kebaktian, moguna göi tafarou dödö niha somasi ba Daromali Lowalangi.

Ba ngaluo Satu ba Migu, tola öfaogö wame’e mbuku Turia Somuso Dödö na öbe’e undranga.