Dozi ita, itaria tarasoi waʼabu dödö. Hizaʼi, tenga daʼö geluahania wa ambö mamati ita khö Yehowa. Itaria göi irasoi zimane daʼö Yehowa. (1Mo 6:​5, 6) Hizaʼi, hewisa na asese mazui ara tarasoi waʼabu dödö?

Andrö wanolo moroi khö Yehowa ba wangandrö. Iʼameʼegö tödö sibai hadia niʼera-erada hegöi nirasoida Yehowa. Iʼila na omuso dödöda mazui abu dödöda. Iʼila göi hadia mbörö wa so khöda wangera-ngera mazui tödö simane daʼö. (Si 7:9b) Sabölö tohudenia, iʼameʼegö tödö ita Yehowa ba tola itolo ita ba wanaögö abula dödö mazui depresi.—Si 34:18.

Rorogö wangera-ngeramö faböi fawuka. Tola manö lö khöda faʼomuso dödö na so khöda wangera-ngera si lö baga, ba tola tekiko wahuwusada khö Yehowa. Börö daʼö, moguna tarorogö dödöda, farahu ba daʼö wangera-ngera hegöi nirasoida.—Amd 4:23.

FUTA VIDEO HEWISA WA TOLA SO WAʼATULÖ SANGAʼASOGÖ FAʼAHONO DÖDÖ KHÖ NDRA TALIFUSÖDA HEWAʼAE LATAÖGÖ DEPRESI, BA BEʼE WANEMA LI BA WANOFU-NOFU DAʼA:

• Hadia manö nifalua Nikki ba wanaögö depresi?

  Fanema limö

• Hana wa iwaʼö tödönia wa moguna iʼalui wanolo moroi khö ndra doto?—Mat 9:12

  Fanema limö

• Hewisa wangodaligönia fanolo moroi khö Yehowa?

  Fanema limö