Oya tesöndra artikel hegöi video sadöni dödö niha wamaigi si so ba beranda situs web khöda. (Hal 13:48) Sasenia, nitutunö ba artikel hegöi video manandrösa ia ba duria si bohou, mazui hadia niʼangeragö niha, hegöi sasese ladunö-dunö niha.

Hewisa wangogunaʼöu beranda jw.org ba wanuriaigö?

• Aseseʼö fareso situs web khöda. Faigi artikel hegöi video si bohou si so ba beranda, hegöi si so ba gamaudu ”Böi Taluʼi”. Ba nehegö hewisa lalamö ba wangogunaʼö yaʼia ba wanuriaigö. (Enaʼö öʼila artikel hegöi video tanö böʼö si bohou mufazökhi, klik ”Faigi Danö Böʼönia”.) Na asese öfareso situs web khöda, tola ösöndra duho-tuho si bohou si tola öʼogunaʼö ba wanuriaigö.

• Ogunaʼö artikel hegöi video si so ba beranda ba wamörögö fahuhuosa. Tola manö adöni dödö niha ba duho-tuho si so ba beranda andrö.

• Foromaʼö beranda situs web khöda ba niha nifalukhaisimö. Foromaʼö khönia duho-tuho sadöni dödö si so ba beranda, aefa daʼö fatunö khönia hewisa lala enaʼö isöndra informasi si so ba situs web khöda.

• Kirim link. So ösa niha si lö omasi fahuhuo khöda, hizaʼi omasi ira ba wamokai situs webda. Börö daʼö, böi aombö dödöu ba wokirim link khö zi samösa niha. Tola öbeʼe khönia link beranda situs web khöda, link artikel, mazui video si so ba beranda andrö.