FAʼAURI NIHA KERISO
Laforege Ira Kubalo ba Wanolo Ono Mbanua Yehowa
Ato niha ba ginötö andre, lö faduhu dödöra ba niha si so kuaso. Hadia mbörö? Börö me iʼotarai mböröta ato zangogunaʼö kuasora ba wangalui tana khöra samösa. (Mik 7:3) Hizaʼi, tatu taʼandrö sibai saohagölö börö me tenga simane daʼö ndra satua sokubaloi. Lafahaʼö ira enaʼö laʼogunaʼö kuasora ba wanolo ono mbanua Yehowa.—Est 10:3; Mat 20:25, 26.
Tenga simane niha sangokhögö kuaso ba gulidanö andre, lafalua halöwöra ira satua sokubaloi tobali sondröniaʼö börö me laʼomasiʼö Yehowa hegöi ono mbanuania. (Yoh 21:16; 1Fe 5:1-3) Yesu zameʼe fanuturu lala khö ndra satua sokubaloi ba wanolo ira talifusöda enaʼö larasoi samösa wa yaʼira andrö ösi nomo Yehowa ba lö tebulö ahatö ira khönia. Laʼanemaiʼö labeʼe wanolo na so mbiri-biri Yehowa zinangea muʼabölöʼö, ba labeʼe wanolo ba ginötö alua zi lö mudöna-döna soʼamakhaita ba medis mazui bencana alam. Na so zinangea öʼandrö tolo, böi so khöu waʼalawö-lawö ba wotelefo ndra satua sokubaloi ba mbanua niha Keriso si farahu yaʼugö.—Yak 5:14.
FAIGI VIDEO KUBALO SONDROROGÖ BIRI-BIRI, BA BEʼE WANEMA LI BA WANOFU-NOFU DAʼA:
-
Hadia mbua nitema Mariana me no aefa itema wanolo moroi khö ndra satua sokubaloi?
-
Hadia mbua nitema Elias me no aefa itema wanolo moroi khö ndra satua sokubaloi?
-
Me no aefa öfaigi video daʼa, hewisa dödömö khö ndra satua sokubaloi?
