16-22 Mbaŵa si Siwa
SINUNÖ 85-87
Sinunö 41 ba Fangandrö | Fehede Famasao (1 men.)
1. Itolo Ita Fangandrö Enaʼö So Khöda Waʼanau Gölö
(10 men.)
Andrö khö Yehowa enaʼö ibeʼe khöu waʼomuso dödö (Si 86:4)
Andrö wanolo khö Yehowa enaʼö lö faröi ndraʼugö (Si 86:11, 12; w12-IN 15/5 25 ¶10)
Yafaduhu dödömö wa itema wangandrömö Yehowa (Si 86:6, 7; w23.05 13 ¶17-18)
SOFU KHÖU SAMÖSA, ’Na alua khögu gabula dödö, hadia asese ulau mangandrö ba ara ginötö niʼogunaʼögu ba wangandrö?’—Si 86:3.
2. Girö-Girö ba Wamati
(10 men.)
-
Si 86:11—Hewisa enaʼö lö khöda famodombua tödö ba wamosumange Yehowa? (w20.06 13 ¶17, 18)
-
Ba wombaso Sura Niʼamoniʼö ba migu daʼa, hadia girö-girö ba wamati nisöndramö?
3. Fombaso Sura Niʼamoniʼö
(4 men.) Si 86:1–87:7 (th famahaʼö 12)
4. Lala ba Wamörögö Fahuhuosa
(3 men.) FANURIAIGÖ SI LÖ RESMI. Beʼe khönia wamahaʼö ba Zura Niʼamoniʼö. (lmd famahaʼö 3 numero 5)
5. Mufuli Mufalukhaisi
(4 men.) FANURIAIGÖ SI LÖ RESMI. Beʼe wamahaʼö ba Zura Niʼamoniʼö ba niha si no irai manutunö ösi dödönia khöu sanandrösa ba zalua barö-barö daʼa. (lmd famahaʼö 7 numero 4)
6. Mubaliʼö Nifahaʼö
(5 men.) lff famahaʼö 15 numero 5. Fatunö ba niha nifahaʼöu enaʼö lö tebulö ifahaʼö ia hewaʼae na lö molalaʼö weʼamöi ba nomonia. (lmd famahaʼö 10 numero 4)
Sinunö 83
7. Böi Awuwu
(5 men.) Huhuo si fao fanofu.
Futa VIDEO. Aefa daʼö, beʼe wanofu-nofu daʼa:
-
Hana wa itaria lö khöda faʼaterou dödö ba wanuriaigö?
-
Hana wa tebai awuwu ita?
8. Böi Böhöli Wameʼe Famahaʼö ba Zura Niʼamoniʼö!
(10 men.) Huhuo si fao fanofu.
Ba halöwö si tohude nifalua ba mbaŵa daʼa, hadia no öbörögö öʼogunaʼö brosur Lala ba Wanöndra Faʼohahau Dödö Sagötö Faʼara! ba wameʼe famahaʼö ba Zura Niʼamoniʼö? Na no öfalua daʼö, hasambalö omuso dödöu! Ba tefarou göi dödö niha böʼö ba wamorege si no öfalua. Hizaʼi, na lö nasa nifahaʼömö niha ba Zura Niʼamoniʼö, te ömane tödöu wa zaya-zaya gölö wamorege si no öfalua. Na so khöu waʼide-ide dödö börö me lö hadöi niha nifahaʼöu ba Zura Niʼamoniʼö, hadia zinangea öfalua?
Futa VIDEO ’Omasiga Maforomaʼö Wa Sangai Halöwö Ndraʼaga khö Lowalangi Maforomaʼö Waʼebolo Dödöʼ—Na Manuriaigö. Aefa daʼö, beʼe wanofu-nofu daʼa:
-
Na ba wamaigida hulö lö mofozu ita ba wamalua halöwö fanuriaigö, hewisa wa möi fanoloda nisura ba 2 Korindro 6:4, 6?
-
Hadia manö wombulöʼö nifaluamö na öʼila wa lö mofozu ndraʼugö ba wamörögö famahaʼö ba Zura Niʼamoniʼö?
Törö tödöu, faʼomuso dödö nisöndrada tenga ha börö me ato niha nifahaʼöda ba Zura Niʼamoniʼö. Hizaʼi, omuso dödöda börö me taʼila wa omuso dödö Yehowa ba wamorege si no tafalua. (Luk 10:17-20) Andrö, böi böhöli wefao ba halöwö si tohude andre soroi ba dödö ”börö me no miʼila wa tenga zaya-zaya gölö waʼerege dödömi ba wangai halöwönia”!—1Ko 15:58.
9. Famahaʼö Zura Niʼamoniʼö ba Gangowuloa
(30 men.) bt faza 15 ¶13-14, kotak ba ngaʼörö 121
