Brosur Haniha Zamalua Somasi Yehowa ba Ginötö Andre? tefazökhi ia ena’ö tola latutunö ero wamobörö mazui ba wangasiwai famaha’ö ba Zura Ni’amoni’ö. * Famaha’ö 1 irugi 4 zanolo nifaha’öda ena’ö itugu aboto ba dödönia haniha ita, famaha’ö 5 irugi 14 zanolo ya’ira ena’ö la’ila hadia nifaluada, ba famaha’ö 15 irugi 28 zangoroma’ö khöra hadia nifalua organisasida. Lala sabölö sökhi ya’ia da’ö na teföfö wamaha’öda ya’ia. Hiza’i, moguna göi ta’ame’egö tödö na so wamaha’ö sadöni dödönia. Tola latutunö ia lima ofeta fulu menit börö me hasagörö nga’örönia ero sambua famaha’ö.

• Farou dödönia ba wamaigi fanofu si tobali tuho wamaha’ö

• Faoma mibaso ero sambua famaha’ö, tola misamuzaigö ba wombaso, mazui ero sambua ngenoli

• Tutunö hadia nibasomi. Oguna’ö wanofu si so tou ba nga’örö wamaha’ö hegöi gambara. Baso ba tutunö ayati si no muhenaigö. Tutunö khönia wa tuho side-ide si no mu’aitöni fanema li moroi ba wanofu si so ba duho siföföna

• Na so kotak ”Alui Danö Bö’ö Nasa”, faoma mibaso da’ö ba farou dödönia ba wamalua da’ö