Tebe’e halöwö khö Yeremia ba wamangelama niha Yahudi wa lö aratö lahori ira börö me no la’olifugö Lowalangira Yehowa. (Yer 13:25) Hana wa tola awuwu wamati nono mbanua andrö? Fongambatö ndraono Gizara’eli lö la’okhögö wahuwusa si sökhi khö Lowalangi. Ba da’a oroma wa ira matua si tobali högö yomo ba nomo, no la’osiwawöi mene-mene nisura ba VMoze 6:5-7.

Iada’a, fongambatö sangokhögö fahuwusa si sökhi khö Yehowa tola la’aro’ö mbanua niha Keriso. Ira matua si tobali högö yomo ba nomo tola itolo nösi nomonia ena’ö lö la’olifugö Yehowa. Lalania ya’ia da’ö na lafalua Wamaha’ö zi Sambua Omo ba ginötö si no latatugöi hegöi ba zi tefaudu soguna ba nösi nomo. (Zin 22:28) Na no aefa lafaigi video ”Taromali Andre . . . Ötanö ba Dödöu”—Fanofu-nofu ba Nösi Nomo, be’e wanema li moroi ba wanofu-nofu andre:

• Hewisa wa so ösa wongambatö sofozu ba wangasiwai ngawalö gabula dödö salua ero na lafalua famaha’ö zi sambua omo?

• Hadia mbuania na mufalua Wamaha’ö zi Sambua Omo ba ginötö si no tetatugöi hegöi ba zi tefaudu soguna ba nösi nomo?

• Ero na mafalua wamaha’ö zi sambua omo, hadia manö daha-taha khögu, ba hadia nifaluagu ba wangasiwaisi daha-taha andrö?