25:1-12

Hewaʼae khö ndra niha nibayoini tefanandrösa gamaedola Yesu sanandrösa ba zi dafulu ono alawe, hizaʼi fefu niha Keriso tola latema mbuania. (w15-IN 15/3 12-16) ”Andrö böi miförö börö me lö miʼila mbaŵa hegöi inötö.” (Mat 25:13) Hadia tola ötutunö geluaha gamaedola Yesu andre?

• Marafule (ayati 1)—Yesu

• Ono alawe satua-tua ba si no mamaʼanö yaʼira (ayati 2)—Niha Keriso nibayoini si lö faröi ba wamalua halöwöra, mohagö ira ba tobali sulu irugi gamozua götö danö andre (Fil 2:15)

• Feʼao: ”Hiza marafule!” (ayati 6)—Tandra wa no tohare Yesu

• Ono alawe si bodo (ayati 8)—Niha Keriso nibayoini si mörö ba si faröi

• Ono alawe satua-tua lö labagi wanikha niʼokhögöra (ayati 9)—Na no aefa wamatandro safuria, niha nibayoini si lö faröi tebai saʼae latolo niha nibayoini si faröi

• ”Tohare marafule” (ayati 10)—Tohare Yesu ba wanguhuku fatua lö awai wamakao sabölö-bölö

• Fao nono alawe satua-tua khö marafule ba walöwa ba muduhö mbawandruhö (ayati 10)—Iʼowuloi ba zorugo niha nibayoini si lö faröi Yesu, ba niha si faröi lö latema luora