”So Khögu Wanötöna khö Lowalangi”
”Adamo safuria andrö, ba no tobali eheha sangorifi.”—1 KORINDRO 15:45.
1-3. (a) Hadia wamaha’ö si oföna nifaduhusida tödö? (b) Hana wa tohude sibai wanusugi? (Faigi gambara ba wamobörö wamaha’ö.)
HADIA niwa’ömö na so zanofu khömö, hadia wamaha’ö si oföna sibai ba nifaduhusimö tödö? Tatu manö öwa’ö wa Yehowa no Somböi ba same’e fa’auri. Tola manö göi öwa’ö wa faduhu dödömö khö Yesu Keriso si no mame’e fa’aurinia tobali höli. Ötutunö göi wa ba zi so miföna, auri nono mbanua Lowalangi sagötö fa’ara ba Waradaiso. Hiza’i, hadia ötutunö wa fanusugi no sambua nifaduhusimö tödö sabölö ö’omasi’ö?
2 Hewa’ae tatötöna ena’ö te’efa’ö ita na alua wamakao sabölö-bölö ba ta’okhögö wa’auri si lö aetu, hiza’i moguna tatörö tödöda wa fanusugi no sambua famaha’ö si tohude nifaduhusida tödö. Itutunö sinenge sotöi Faulo hana wa tohude sibai wanusugi. Imane, ”Na lö 1 Korindro 15:12-19.) Hiza’i, aboto ba dödöda wa no tesusugi Yesu. Börö me faduhu dödöda wa no tesusugi ia, andrö wa tenga simane niha Sadukai’o ita si lö faduhu tödö wa tola ifuli auri niha si no mate. Hewa’ae la’o’aya ita niha bö’ö, hasambalö itugu aro wamatida wa tola isusugi niha si no mate Lowalangi.—Mareko 12:18; Halöwö Zinenge 4:2, 3; 17:32; 23:6-8.
femaoso zi mate sa, ba lö’ö göi mususugi Keriso.” Na lö tesusugi Yesu, tebai mamatörö ia tobali Razo ba zorugo ba lö eluaha wanuriaigö nifaluada. (Baso3 Imane Faulo wa famaha’ö ”ba wemaoso zi mate” no tobali ”wamobörö fangombakha Keriso”. (Heberai’o 6:1, 2) Faduhu dödönia wa hasambalö so wanusugi. (Halöwö Zinenge 24:10, 15, 24, 25) Hewa’ae fanusugi andre famaha’ö si oföna si no tafaha’ö ita ba Daromali Lowalangi, hiza’i moguna tahaogö tafaha’ö ita ba da’ö. (Heberai’o 5:12) Hadia mbörö?
4. Hadia wanofu-nofu si tola tumbu ba dödöda sanandrösa ba wanusugi?
4 Ba ginötö so niha zamörögö mamaha’ö ya’ira ba Zura Ni’amoni’ö, si to’ölönia lafaha’ö ira ba wanusugi salua ba götö föna, simane fanusugi Lazaro. Lafaha’ö göi ira wa faduhu sibai dödö Gaberahamo, Yobi hegöi Danieli wa ba zi so miföna ifuli auri niha si no mate. Hiza’i, hadia wanemau li na so niha zanofu khömö, hadia dandra ba Zura Ni’amoni’ö sangoroma’ö wa tola tafaduhusi tödö wanusugi si no mufabu’u ngaotu fakhe silalö? Ba hadia no itutunö Sura Ni’amoni’ö hawa’ara alua wanusugi ba zi so miföna? Fanema li ba wanofu da’a, möi fanga’aro’ö wamatida.
FANUSUGI SI NO MUFA’ELE’Ö NGAOTU FAKHE SILALÖ
5. Hadia zi oföna tatutunö?
5 Te aoha khöda wokhalaigö na i’anemai’ö tesusugi zi samösa niha, lö ara me no aefa mate ia. (Yohane 11:11; Halöwö Zinenge 20:9, 10) Hiza’i, hadia faduhu dödöda wa niha si no mate ngaotu fakhe silalö tola tesusugi ia ba zi so miföna? Hadia faduhu dödöda wa tola alua zi no mufabu’u andrö ba niha si no ara mate mazui ba niha sawena mate? Sindruhunia, so sambua wanusugi nifaduhusida tödö si no alua ngaotu fakhe me no aefa tefa’ele’ö ia. Hadia wanusugi da’ö? Ba hadia gamakhaitania ba dötönafö ni’okhögöda sanandrösa ba wanusugi ba zi so miföna?
6. Hewisa Zinunö 118, alua ia khö Yesu?
6 Data’oguna’ö Zinunö 118, te nisura Dawido, ba wanutunö sambua wanusugi si no mufa’ele’ö ngaotu fakhe fatua lö alua ia. Ba Zinunö da’ö so ngawua wehede, ”He Yehowa tolo!” ba ”Ya’ahowu zi so andrö ba döi Yehowa.” Da’a wama’ele’ö sanandrösa khö Mesia. Latötöi wehede da’a niha me möi Yesu ba Yeruzalema me 9 Nisana, hauga hari fatua lö mate ia. (Zinunö 118:25, 26; Matai’o 21:7-9) Hiza’i, hadia gamakhaita Zinunö 118 ba wanusugi salua ngaotu fakhe aefa da’ö? Nehegö nasa hadia niwa’ö zinunö da’ö, ’Gowe andrö, nitibo’ö zotomo andrö, ba no tobali gowe siföföna.’—Zinunö 118:22.
Lö latema’ö Mesia ira ’sotomo’ (Faigi ngenoli si-7)
7. Hewisa wanimbagö niha Yahudi Yesu?
7 ’Sotomo’ si lö manema’ö Mesia ya’ia da’ö ira sondrönia’ö Yahudi. Tenga ha la’osiwawöi Yesu mazui lö latema’ö ia tobali Keriso. Hiza’i, ato niha Yahudi sangandrö khö Wilato ena’ö labunu Yesu. (Luka 23:18-23) Da’ö mbörö wa no fao ira ba wamunu Yesu.
Isusugi Yesu Lowalangi tobali ’gowe siföföna’ (Faigi ngenoli si-8, 9)
8. Hewisa wa tola tobali ’gowe siföföna’ Yesu?
8 Na no labunu ba lö latema’ö Yesu, hewisa wa tobali ia ’gowe siföföna’? Alua da’ö ha na tesusugi ia. Ba wanutunö da’ö, i’oguna’ö sambua gamaedola Yesu sanandrösa khö zi samösa zokhö kabu samatenge niha khö ndra sohalöwö ba kabunia. Hiza’i, lafakao niha nifatengenia andrö ira sohalöwö. Ba gafuriatania, ifatenge nononia ba itötöna ena’ö lafondro-ndrongo ia ira sohalöwö ba kabunia. Hiza’i, labunu nononia andrö. Me no aefa itutunö gamaedola da’ö Yesu, itötöi wama’ele’ö nisura ba Zinunö 118:22. (Luka 20:9-17) I’oguna’ö göi ayati da’ö sinenge sotöi Fetero me fahuhuo ia khö ndra ’salawa, satua mbanua niha Yahudi, ba sangila amakhoita khöra, ba Yeruzalema’. Itutunö sanandrösa khö ’Yesu, banua Nazareta, si no labunu, nisusugi Lowalangi, moroi ba ngai zi mate.’ Aefa da’ö imane, ’Da’ö ”gowe andrö, ni’ositengagömi, ya’ami sotomo, gowe si no tobali gowe siföföna.”’—Halöwö Zinenge 3:15; 4:5-11; 1 Fetero 2:5-7.
9. Hadia zalua sahöli-höli dödö nifa’ele’ö ba Zinunö 118:22?
9 Ba da’ö oroma wa Zinunö 118:22, ifa’ele’ö sanandrösa ba wanusugi salua ngaotu fakhe me no aefa tefa’ele’ö. Labunu ba lö latema’ö Mesia. Hiza’i, ifuli auri ia ba tobali ia gowe siföföna. Me no aefa tesusugi Yesu, itema sambua döi sebua si lö ”nibe’e ba niha, ba gulidanö, ba wangorifi ya’ita”.—Halöwö Zinenge 4:12; Efeso 1:20.
10. (a) Hadia nifa’ele’ö Zinunö 16:10? (b) Hana wa tola faduhu dödöda wa tenga khö Dawido tefanandrösa Zinunö 16:10?
10 Datatutunö ayati tanö bö’ö sanandrösa ba wanusugi. Alua ia töra saribu fakhe me no aefa tefa’ele’ö. Da’a zanga’aro’ö tödöda wa tola alua Zinunö 16, tabaso hadia wehede Dawido, ”Lö’ö sa ölulu ba mbanua tou nosogu ba lö ötehe, i’ila satulö tödö andrö khöu wa’obou barö danö.” (Zinunö 16:10) Tenga da’ö geluaha wehede Dawido wa lö irai mate ba so ia ba Lewatö. No itutunö khöda Taromali Lowalangi wa itugu atua ba ”mate Dawido, itörö lala ndra tuania, ba lako’o ia ba Mbanua Dawido andrö”. (1 Razo 2:1, 10) Na simanö, ha’ökhö tefanandrösa ayati da’ö?
wanusugi hewa’ae no ara tefa’ele’ö mazui tefabu’u ia. Ba11. Hamega itutunö Fetero Zinunö 16:10?
11 Töra saribu fakhe me no aefa isura Dawido wehede da’ö, itutunö Fetero ha’ökhö tefanandrösa Zinunö 16:10. Hauga migu me no aefa mate ba tesusugi Yesu, fahuhuo Wetero ba ngahönö niha Yahudi hegöi proselit. (Baso Halöwö Zinenge 2:29-32.) Ifasugi ba dödöra wa no mate Dawido ba no lako’o ia. Ba lö itutunö Sura Ni’amoni’ö wa so zi lö fao tödö ba wehede Wetero me imane, ’I’ila Dawido hadia zi so föna, ba itörö linia wemaoso’ Mesia.
12. Hewisa wa’alua Zinunö 16:10, ba hadia zi tola tafaduhusi tödö sanandrösa ba wanusugi?
12 Ifaduhu’ö Fetero zalua andre me itötöi wehede Dawido nisura ba Zinunö 110:1. (Baso Halöwö Zinenge 2:33-36.) Börö me itutunö da’ö Fetero moroi ba Zura Ni’amoni’ö, te’aro’ö dödö niha wa Yesu andrö sindruhu-ndruhu ”So’aya ba Keriso”. Aboto ba dödö niha wa alua nifa’ele’ö ba Zinunö 16:10 me tesusugi Yesu. Ba gafuriata, i’oguna’ö ngawua wehede si fagölö Faulo me fahuhuo ia ba niha Yahudi ba mbanua Gandriokhia ba Wizidia. Adöni dödöra da’ö irege omasi ira nasa ena’ö itugu aboto ba dödöra. (Baso Halöwö Zinenge 13:32-37, 42.) Da’a göi zangaro’ö tödöda wa tola tafaduhusi tödö wama’ele’ö si so ba Zura Ni’amoni’ö sanandrösa ba wanusugi hewa’ae awena alua ia ngaotu fakhe aefa da’ö.
HAWA’ARA ALUA WANUSUGI?
13. Hadia manö zi tola tasofu sanandrösa ba wanusugi?
13 Tatu omuso dödöda me ta’ila wa tola alua wanusugi ngaotu fakhe me no aefa tefa’ele’ö ia. Hiza’i, so ösa zanofu, ’Hadia moguna ara ubaloi ena’ö tola falukhado ba niha ni’omasi’ögu? Hawa’ara alua wanusugi andrö?’ Ifatunö khö ndra sinengenia Yesu wa so zalua si lö la’ila ba si tebai la’ila. So ösa zalua, ha Ama zi tola motatugöi baŵa ba inötönia. (Halöwö Zinenge 1:6, 7; Yohane 16:12) Hiza’i, so ösa zi tola ta’ila sanandrösa hawa’ara alua wanusugi.
14. Hadia gamaehutania wanusugi Yesu ba niha nisusugi fatua lö ya’ia?
14 Fanusugi si tohude nisura ba Zura Ni’amoni’ö ya’ia da’ö fanusugi Yesu. Na lö tesusugi ia, tebai falukha ita ba niha ni’omasi’öda si no mate. Niha nisusugi fatua lö Yesu, simane niha nisusugi Elia ba Elisa hasambalö ifuli mate ba tobali ira tambu ba lewatö, tebai auri ira sagötö fa’ara. Hiza’i, Roma 6:9; Fama’ele’ö 1:5, 18; Kolose 1:18; 1 Fetero 3:18.
no ”tesusugi [Yesu] moroi ba ngai zi mate”. Ba ”lö’ö sa’ae mate Keriso . . . lö sa’ae ilawa ia fa’amate”. Ba zorugo, auri ia ”irugi zi lö aetu”.—15. Hana wa mufotöi Yesu ”sia’a”?
15 Me tesusugi Yesu ba zorugo tobali boto eheha, da’a wanusugi ba zorugo si oföna ba sabölö tohude. (Halöwö Zinenge 26:23) Hiza’i, tenga ha ya’ia nisusugi si möi ba zorugo. No ifabu’u Yesu wa ira sinengenia si lö faröi, fao ira khönia ba wamatörö. (Luka 22:28-30) Hiza’i, awena latema luora na no aefa mate ira. Simane Yesu, tesusugi ira tobali boto eheha. Aefa da’ö, isura Faulo wa ”no mususugi Keriso, moroi ba ngai zi mate, no sia’a ia ba zi no mate andrö”. Iwa’ö Faulo wa hasambalö so niha bö’ö nisusugi ba zorugo. Imane, ”Ba oi niföfö’ö: Sia’a, ba Keriso, ba fanetenia, ba tana khö Keriso andrö, na so ia.”—1 Korindro 15:20, 23.
16. Hawa’ara alua wanusugi ba zorugo?
16 Moroi ba wehede Waulo, tola ta’ila hawa’ara alua wanusugi ba zorugo. Alua da’ö sagötö wa’atohare Keriso. No ara lafaduhu’ö ira Samaduhu’ö Yehowa moroi ba Zura Ni’amoni’ö wa tebörögö tohare Keriso me döfi 1914. So ita nasa sagötö wa’atoharenia, ba no itugu ahatö wangohori ulidanö si lö sökhi andre.
17, 18. Hadia zalua ba niha nibayoini sagötö wa’atohare Keriso?
17 Oya nitutunö Zura Ni’amoni’ö sanandrösa ba wanusugi ba zorugo. ”Lö edöna mabini’ö khömi, ya’ami ira talifusö, hewisa ba zi no mate andrö . . . Na mamati ita sa, no mate Yesu ba no ifuli auri, ba ba zimanö göi ifatörö’ö khö Yesu Lowalangi zi no mate andrö, awönia . . . Ya’ita andre, sauri, si tosai, irugi wa’aso Zo’aya andrö, ba tenga föna zi no mate ita dania. Ya’ia dania, So’aya, zi möi mitou, moroi ba zorugo, na so we’ao andrö, . . . Ba oföna maoso zi no mate andrö, ba khö Keriso. Awena dania tefazawa ita, ya’ita sauri, si tosai, ba lawuo, fao ita khöra, ba wamaondragö So’aya, ba dalu mbanua; ba tobali awö Zo’aya ita, si lö mamalö-malö.”—1 Tesalonika 4:13-17.
18 Alua wanusugi si oföna na no aefa tebörögö wa’atohare Keriso. Niha nibayoini sauri sagötö alua wamakao sabölö-bölö hasambalö ”tefazawa [ira] . . . ba lawuo”. (Matai’o 24:31) Hadia geluahania? Ya’ira si no ”tefazawa”, lö ’mörö ira ba wa’amate’. Eluahania, lö ara ginötö wa’amatera. Hiza’i, na mate ira, ’i’ozumaigö tobali ira, ha mamö’i hörö wa’ara, na telau dorofe safuria andrö’.—1 Korindro 15:51, 52.
19. Hadia geluahania ”wemaoso zi sökhi”?
19 Iada’a, ato niha Keriso si lö faröi, lö tebayoini ba lö tefili ira tobali samatörö awö Keriso ba zorugo. Hiza’i, ladöna-döna ”wa’aso mbaŵa Zo’aya” na ihori dania gulidanö si lö sökhi andre. Lö hadöi niha sangila hawa’ara alua da’ö. Hiza’i, so dandra sangoroma’ö wa no itugu ahatö ia. (1 Tesalonika 5:1-3) Na tohare gulidanö si bohou khö Lowalangi, alua wanusugi tanö bö’ö. Tesusugi niha ba gulidanö ba la’okhögö dötönafö ena’ö mo’ahonoa ba lö irai mate ira sa’ae. Da’a ”wemaoso zi sökhi” moroi ba zi no alua ba götö föna, börö me niha nisusugi ba mböröta ifuli mate ira.—Heberai’o 11:35.
20. Hana wa faduhu dödöda wa toföfö wa’alua wanusugi?
20 Iwa’ö Sura Ni’amoni’ö wa ”oi niföfö’ö” wanusugi niha si möi ba zorugo. (1 Korindro 15:23) Andrö wa tola faduhu dödöda wa toföfö wanusugi salua ba gulidanö. Hiza’i, tola manö manofu ita: Ba Wamatörö Keriso si Saribu Fakhe, hadia oföna lasusugi niha sawena mate, ba latema’ö ira niha sangila ba sangomasi’ö ya’ira? Hadia oföna lasusugi niha si lö faröi ba götö föna sonekhe ba wondrönia’ö, ena’ö tola latolo ba wamöfö’ö ono mbanua Lowalangi ba gulidanö si bohou? Hadia zalua ba niha si lö irai mamosumange Yehowa? Hawa’ara ba hezo tesusugi ira? Oya wanofu-nofu si tumbu ba dödöda. Hiza’i, lö moguna ta’abusi tödö da’ö. Abölö sökhi na tabaloi ba tafaigi hadia nifalua Yehowa ba ginötö da’ö. Hasambalö owua-wua dödöda.
21. Hadia dötönafö ni’okhögömö?
21 Gasa-gasa da’ö, moguna ta’aro’ö wamatida khö Yehowa. Moroi khö Yesu no ifabu’u wa hasambalö itörö tödönia niha si no mate ba ifuli tesusugi ira. (Yohane 5:28, 29; 11:23) Dandra tanö bö’ö sangoroma’ö wa ifuli isusugi niha si no mate Yehowa oroma ba wehede Yesu me iwa’ö wa Aberahamo, Iza’aki hegöi Yakobo ”a’oi sa auri ira khönia”. (Luka 20:37, 38) Simane Faulo, ta’okhögö dani si sökhi ba wanguma’ö, ”So khögu wanötöna khö Lowalangi . . . wa so wemaoso zi mate.”—Halöwö Zinenge 24:15.