Yaʼia, na mörö ira ba zi sambua nahia ba lö hadöi khöra dane-dane saro wa lafalua daʼö, daʼa zi tobali tandra wa no mohorö ira. Tobali, moguna lafazökhi panitia pengadilan.​—1 Korindro 6:18.

Lahaogö lafatimbaisi ira boto zatua sokubaloi hadia mufazökhi panitia pengadilan ero so zalua. Duma-dumania: Hadia si fakawa zi darua niha andrö? Hadia no irai labeʼe khöra mene-mene ira satua sokubaloi sanandrösa ba lala wangoromaʼö faʼomasira khö nawöra? Hadia mbörö wa mörö ira ba zi sambua nahia ba zi bongi? Hadia no laʼera-era wamalua daʼö? Hadia lö lala tanö böʼö irege lafili daʼö, mazui so zalua si tebai mutimbagö si lö mudöna-döna mazui tanö böʼönia irege mörö ira ba zi sambua nahia? (Zangombakha 9:11) Hezo mörö ira? Ero hadia ia zalua, no faböʼö-böʼö ba tola manö so wangombakha tanö böʼö zotatugöi angetula ndra satua sokubaloi.

Na no lafatimbaisi fefu wangombakha andrö, boto zatua sokubaloi zotatugöi hadia mufazökhi panitia pengadilan mazui löʼö.