Waʼö Zindruhu
”Faoma si duhu milau khö nawömi.”—ZAKHARIA 8:16.
1, 2. Hadia niʼogunaʼö Gafökha ba wangafökhöiʼö dödö niha?
SO ÖSA penemuan sameʼe sökhi waʼauri niha simane telefo, bola wandru, moto hegöi kulkas. So göi penemuan si möi famaʼala waʼauri simane fana, ranjau darat, roko hegöi bom atom. Hizaʼi, so nasa zabölö ara moroi ba daʼa fefu si möi fangafökhöiʼö dödö niha. Hadia daʼö? Falimosa! Falimosa eluahania tawaʼö hadia zi lö atulö ba wolimo si samösa niha. Haniha zi oföna sibai falimo? Afökha! Ifotöi ia Yesu Keriso ”ama zofaya”. (Baso Yohane 8:44.) Hamega ifalua walimosa si oföna?
2 Ifalua daʼö ngahönö fakhe silalö ba Kabu Edena. Owua-wua sibai dödö Gadamo ba Khawa me toröi ira ba Waradaiso si sökhi nifazökhi Yehowa khöra. Iwaʼö khöra Lowalangi wa hasambalö mate ira na laʼa ’mbua geu famotokhi ba dödö si sökhi ba si lö sökhi’. Hewaʼae no iʼila daʼö Satana, hizaʼi iʼogunaʼö gulö ba wahuhuosa khö Khawa, ”Maʼifu sa lö mate ami.” Daʼa walimosa si oföna. Imane nasa Satana, ”Iʼila sibai sa Lowalangi: miʼa siʼaikö ia, ba 1 Moze 2:15-17; 3:1-5.
teboka hörömi, ba tobali simane Lowalangi ami, saboto ba dödö si sökhi ba si lö sökhi.”—3. Hana wa sindruhu-ndruhu lö sökhi walimosa Zatana, ba hadia lua-lua walimosania?
3 Sindruhu-ndruhu lö sökhi walimosa Zatana andrö börö me iʼila wa na faduhu dödö Khawa khönia ba iʼa mbua geu, hasambalö mate ia. Ba daʼö zalua. Ba gafuriata lö moloʼö Khawa hegöi Adamo ba niwaʼö Yehowa ba lua-luania faʼamate. (1 Moze 3:6; 5:5) Tenga ha daʼö, börö me no aekhu Gadamo ba horö, ”ikhamö fefu niha faʼamate”. Lua-luania, ”mamatörö waʼamate tobali razo . . . , ikhamö niha si lö mamalua horö simane fanawö huku nifalua Gadamo”. (Roma 5:12, 14) Daʼö mbörö wa lö moʼahonoa ita ba lö auri sagötö faʼara simane ohitö dödö Lowalangi. Faʼaurida na ikhamö ha ”fitu ngafulu fakhe, ba na anau, ba walu ngafulu fakhe” ba afönu ”fangerege dödö ba famakao”. (Zinunö 90:10) Alua daʼa fefu börö walimosa Zatana!
4. (a) Hadia manö wanofu-nofu sinangea taʼila fanema li? (b) Moloʼö Zinunö 15:1, 2, haniha zi tola tobali si fahuwu khö Yehowa?
4 Imane Yesu sanandrösa khö Zatana, ”Lö niʼagönia zi duhu börö me lö ba dödönia sindruhu.” Lö si tebulö Zatana. Lö mamalö iʼogunaʼö walimosa ba ’wamaelungu niha ba gulidanö maʼasagörö’. (Famaʼeleʼö 12:9) Hizaʼi, lö omasi ita tobali nifaelungu Zatana. Andrö, moguna taʼila wanema li moroi ba zi tölu wanofu andre. Hadia nifalua Zatana ba wamaelungu niha iadaʼa? Hadia mbörö wa falimo niha? Hewisa enaʼö tawaʼö zindruhu ero inötö irege lö taya wahuwusada khö Yehowa, simane nifalua Gadamo ba Khawa?—Baso Zinunö 15:1, 2.
LALA ZATANA BA WAMAELUNGU NIHA
5. Hadia nifalua Zatana ba wamaelungu niha iadaʼa?
5 Tola tatimbagö walimosa Zatana. Imane sinenge sotöi Faulo, ”Taʼila dandrawa nifaluania.” (2 Korindro 2:11) Taʼila wa Satana zamatörö ulidanö, simane agama sofaya, famatörö si lö sökhi, ba fangalui kefe si fao fakhögusa. (1 Yohane 5:19) Andrö wa lö tokea ita ba nifalua Zatana hegöi bekhu si fao khönia ba wondrönisi dödö niha sebua kuaso enaʼö ”falimo”. (1 Timoteo 4:1, 2) Duma-dumania, so ösa zangalui kefe, laʼogunaʼö iklan ba wamawa gama-gama si möi famaʼala hegöi ba wanöndra hare sebua.
6, 7. (a) Hadia mbörö wa itugu lö sökhi na falimo zondröniaʼö ba agama? (b) Hadia walimosa nirongou niwaʼö ndra sondröniaʼö ba agama?
6 Itugu lö sökhi na falimo zondröniaʼö agama. Hadia mbörö? Na faduhu dödö niha ba wamahaʼö sofaya nibeʼera ba ifalua zi fatuwu khö Lowalangi, tola taya ginötö nibeʼe khönia ba wanöndra faʼauri si lö aetu. (Hosea 4:9) Iʼila Yesu wa si falimo zondröniaʼö agama ba götönia. Si fao faʼabarani imane khöra, ”Alai ami sangila amakhoita hegöi Farizaiʼo samini tödö! Mitöröi nasi awö danö, enaʼö fao zi samösa niha ba agamami. Ba na no fao ia . . . mibeʼe irege sinangea tehuku ia ba Gehena” yaʼia daʼö faʼamate sagötö faʼara. (Mataiʼo 23:15) Iwaʼö Yesu wa niha sondröniaʼö agama sofaya fagölö simane amara Afökha, ”samunu niha”.—Yohane 8:44.
7 Iadaʼa, ato göi zondröniaʼö ba agama. Lafotöi ira pastor, fandrita mazui tanö böʼönia. Simane ira Farizaiʼo, lö lafahaʼö zindruhu moroi ba Daromali Lowalangi, hizaʼi ”lafalalini zindruhu sanandrösa khö Lowalangi faoma faya”. (Roma 1:18, 25) So ösa walimosara simane alitö narako, noso si tebai mate, reinkarnasi (ifuli auri niha si no mate ba mboto tanö böʼö), ba fao dödö Lowalangi ba niha samalua homoseksual.
8. Hadia walimosa si lö ara tö lawaʼö ira sondröniaʼö politik, hizaʼi hewisa ita ba zalua andrö?
8 Lafalua göi walimosa ira sondröniaʼö ba politik. Ba zi lö ara tö, so walimosa sebua niwaʼöra wa no laʼasogö ’waʼatulö ba faʼahono’ ba gulidanö. Hizaʼi, ”izumaigö ikhamö ira faʼatekiko andrö ba zi lö mudöna-döna”. Andrö böi faduhu dödöda khö ndra sondröniaʼö ba politik sangumaʼö ngawalö zi möi fangaʼazökhi. Sindruhunia ’aboto ba dödöda hulö weʼaso zanagö ba zi bongi na tohare dania ngaluo Yehowa’.—1 Tesalonika 5:1-4.
HANA WA FALIMO NIHA
9, 10. (a) Hadia mbörö wa falimo niha, ba hadia lua-luania? (b) Hadia zinangea tatörö tödöda sanandrösa khö Yehowa?
9 Iadaʼa, tenga ha niha sebua kuaso manö zi falimo. Imane artikel ”Why We Lie” (Hana Wa Falimo Ita) nisura Y. Bhattacharjee, ”falimosa no bua-bua si no tetanögö ba waʼauri niha”. Eluahania, lawaʼö niha wa no si toʼölö ba lö salania na falimo. Asese falimo niha ba wolumöʼö faʼaurira, ba wombiniʼö sala mazui faʼalösökhi si no lafalua. Falimo göi ira enaʼö lasöndra gefe mazui hare. Iwaʼö göi ba artikel daʼö, so ösa niha lö fasala khöra na lalimo ”niha si fatewu, awöra wohalöwö, si fahuwu khöra hegöi niha niʼomasiʼöra”.
Ba ginötö falimo niha, tola lalimo niha böʼö hizaʼi tebai lalimo Yehowa
10 Hadia lua-lua walimosa daʼa? Faoma lö lafaduhusi tödö nawöra ba tekiko wahuwusara. Duma-dumania, khalaigö hewisa waʼafökhö dödö woʼomo ira matua si lö faröi na irongo fakawa woʼomonia, ba ilau nasa falimo ba wombiniʼö nifaluania. Mazui, khalaigö hawaʼalösökhi na so samösa ndra matua samakao foʼomonia hegöi iraononia ba nomo, hizaʼi ba gotalua niha hulö iʼomasiʼö sibai ba iʼameʼegö tödö nösi nomonia. Niha simane daʼö, tola lalimo niha böʼö hizaʼi moguna tatörö tödöda wa tebai lalimo Yehowa. Imane Sura Niʼamoniʼö wa ”fefu lö balu-balu ba no mubokai fönania”.—Heberaiʼo 4:13.
11. Hadia wamahaʼö nihalöda ba duma-duma si lö sökhi nifalua Anania hegöi Safira? (Faigi gambara ba wamobörö wamahaʼö.)
11 Ba Zura Niʼamoniʼö, so sambua duma-duma wongambatö niha Keriso Halöwö Zinenge 5:1-10.
nidönisi Zatana ba wolimo Lowalangi. Anania hegöi Safira latandraigö lalimo ndra sinenge. Lafamawa danöra ba labeʼe ösa gefenia khö ndra sinenge. Börö me omasi Anania hegöi Safira na lasuno ira ba mbanua niha Keriso, andrö wa lawaʼö khö ndra sinenge no labeʼe fefu gefe mböli danö andrö. Hizaʼi, iʼila Yehowa wa falimo ira, andrö wa ihuku ira.—12. Hadia zalua ba niha si falimo si lö mamalalini era-era, ba hadia mbörö?
12 Hewisa dödö Yehowa ba niha si falimo? Fefu niha solau falimosa si lö sökhi ba si lö mamalalini era-era, tehori ira ba ”mbaho alitö” simane Satana. Tehori ira sagötö faʼara. (Famaʼeleʼö 20:10; 21:8; Zinunö 5:7) Hadia mbörö? Börö me ba wamaigi Yehowa niha si falimo andrö fagölö simane ”niha si lö mamöhöli mamalua sogoro Lowalangi”.—Famaʼeleʼö 22:15, nisura ba gahe zura.
13. Hadia niʼilada sanandrösa khö Yehowa, ba hadia zamarou tödöda ba wamalua daʼö?
13 Taʼila wa ’lö ifuli furi linia’ Yehowa ba ”tebai falimo Lowalangi”. (4 Moze 23:19; Heberaiʼo 6:18) ”Fatuwu ba hörö Yehowa . . . lela sofaya.” (Gamaedola 6:16, 17) Na omasi ita taʼomusoiʼö dödönia, moguna tawaʼö zindruhu. Andrö, ’böi falimo ita’.—Kolose 3:9.
TAWAʼÖ ZINDRUHU
14. (a) Hadia zamaehusi niha Keriso sindruhu faoma anggota agama sofaya? (b) Tutunö goi-goi si so ba Luka 6:45.
14 Hadia sambua zamaehusi niha Keriso sindruhu faoma anggota agama sofaya? Tawaʼö zindruhu. (Baso Zakharia 8:16, 17.) Imane Faulo, ”Omasiga maforomaʼö wa sangai halöwö ndraʼaga khö Lowalangi . . . matörö zindruhu na fahuhuo.” (2 Korindro 6:4, 7) Iwaʼö Yesu hadia ”zi no fahöna ba dödö”, daʼö zalua ba mbewe. (Luka 6:45) Daʼa zangoromaʼö wa niha sanörö sindruhu iwaʼö zindruhu. Iwaʼö zindruhu ba niha si fatewu, awönia wohalöwö, si fahuwu khönia hegöi niha niʼomasiʼönia. Datatutunö ösa duma-dumania, hewisa lalada ba wangoromaʼö wa tatörö zindruhu ba ngawalö hadia ia.
Hadia zi sala ba lala waʼauri dalifusöda ira alawe si bohou ebua andre? (Faigi ngenoli si-15, 16)
15. (a) Hadia mbörö wa lö sökhi na so wamodombua lala waʼauri? (b) Hadia zanolo si bohou ebua ba wolawa fondrönisi moroi khö nawöra si fagölö döfi khöra? (Faigi nisura ba gahe zura.)
15 Na yaʼugö samösa si bohou ebua, tatu omasiʼö na latemaʼö ndraʼugö ira awö-awömö si fagölö döfi khömö. Hizaʼi, börö wondrönisi dödö simane daʼö, so ösa zi bohou ebua samodombua lala waʼauri. Na fao ira ba nösi nomora hegöi ba mbanua niha Keriso hulö niha si sökhi amuata ira, hizaʼi faehu sibai ira ba media sosial mazui na fao ba niha si tenga samosumange Yehowa. Te laʼogunaʼö wehede si lö baga, nukha si lö moadu, lafondrondrongo musik si lö baga, mabu, laʼogunaʼö narkoba, lö lafatunö wa no fakawa ira, mazui lafalua zi lö sökhi tanö böʼö. Lalimo zatuara, ira talifusöra hegöi Yehowa. (Zinunö 26:4, 5) Hizaʼi, iʼila Yehowa ba ginötö tafaduhuʼö wa tafosumange ia ba tafalua göi zi fatuwu ia. (Mareko 7:6) Abölö sökhi na tafalua niwaʼö ba gamaedola, ”Böi afökhö dödöu ba zamazökhi horö; fangataʼufi Yehowa onorogöi tödö.”—Gamaedola 23:17. * (Faigi nisura ba gahe zura.)
16. Hewisa wameʼeda fanema li ba ginötö tafoʼösi formulir ba wangai halöwö safönu inötö?
16 Na omasi ndraʼugö tobali perintis biasa mazui sohalöwö safönu inötö, duma-dumania ba Mbetieli, moguna öfoʼösi formulir. Moguna sibai ötörö zindruhu ba wameʼe fanema li sanandrösa ba kesehatanmö, hiburan nifilimö hegöi amuatamö. (Heberaiʼo 13:18) Hizaʼi, hewisa na so nifaluamö si fatuwu khö Yehowa mazui itegu ndraʼugö tödöu side-ide, ba lö nifatunömö daʼö khö ndra satua sokubaloi? Andrö wanolo khöra enaʼö tola öfosumange Yehowa si fao tödö side-ide si lö sinegu.—Roma 9:1; Galatia 6:1.
17. Hadia zinangea tafalua na lasofu khöda ira samakao sanandrösa khö ndra talifusöda?
17 Hadia nifaluamö na lö latehegö halöwöda ba mbanuamö, laraʼu ndraʼugö ira samatörö ba lasofu-sofu khöu sanandrösa khö ndra talifusöda? Hadia öfatunö khöra fefu niʼilamö? Hadia nifalua Yesu me manofu khönia Zangombakha 3:1, 7; Mataiʼo 27:11-14) Na alua khöda zimane daʼö, moguna atua-tua ita ba mangelama enaʼö böi teʼala ndra talifusöda.—Gamaedola 10:19; 11:12.
gubernur Romawi? Ifalua Yesu goi-goi si so ba Zura Niʼamoniʼö wa so ginötö ”fa lö hede-hede ba fehede”, ba so göi ginötönia lö iwaʼö! (Hewisa wotatugöimö hawaʼara ölau zi lö hede-hede ba hawaʼara ötutunö zindruhu? (Faigi ngenoli si-17, 18)
18. Hadia zinangea tafalua na lasofu khöda ira satua sokubaloi sanandrösa khö ndra talifusöda?
18 Hewisa na so samösa niha ba mbanua niha Keriso samalua horö sebua, ba öʼila hadia nifaluania andrö? Börö me ira satua sokubaloi zangonorogö tödö enaʼö lö raʼiö mbua-bua mbanua niha Keriso, te lasofu khömö hadia niʼilamö. Hadia nifaluamö, mendrua manö na samalua daʼö niha si fahuwu khömö mazui ösi nomomö? Imane Sura Niʼamoniʼö, ”Solau si duhu, ba satulö ifalua.” (Gamaedola 12:17; 21:28) Moguna öfatunö khö ndra satua sokubaloi hadia zindruhunia zalua, böi biniʼö. Moguna laʼila daʼö ira satua sokubaloi enaʼö tola latolo niha andrö ba wangaʼazökhi mangawuli fahuwusania khö Yehowa.—Yakobo 5:14, 15.
19. Hadia nitutunöda ba wamahaʼö aefa daʼa?
19 Mangandrö Dawido khö Yehowa, ”Omasi ndraʼugö zi duhu, ba dödö.” (Zinunö 51:8) Iʼila Dawido wa moguna sibai hadia zi so ba dödöda. Niha Keriso sindruhu moguna faoma ’sindruhu lalau khö nawöra’. Lala tanö böʼö ba wangoromaʼö wa faböʼö ita moroi ba anggota agama sofaya yaʼia daʼö tafahaʼö zindruhu moroi ba Zura Niʼamoniʼö. Ba wamahaʼö aefa daʼa, tatutunö hewisa lalada wamalua yaʼia ba wanuriaigö.
^ par. 15 Faigi brosur Fanema Li moroi ba zi 10 Wanofu zi Bohou Ebua, fanofu 6, ”Hewisa Wotimbagu Wanandraigö Ndra Awögu?” hegöi faza 16, ”Bermuka Dua—Haruskah Aku Mengaku?” ba mbuku Pertanyaan Kaum Muda—Jawaban yang Praktis, Jilid 2.