”Döna-Döna khö Yehowa ba Lau zi Sökhi”
”Döna-döna khö Yehowa ba lau zi sökhi, . . . ba fa’ua wa’adölö dödö.”
SINUNÖ: 49, 18
1. Me ifazökhi niha Yehowa, hadia wa’abölö si tohude nibe’enia?
IFAZÖKHI niha Yehowa si fao fa’abölö si tohude. Ibe’e khöda lala wangera-ngera si tola manolo ya’ita ba wangasiwai gabula dödö hegöi ba wo’angeraigö si so miföna. (Gamaedola 2:11) Ibe’e khöda wa’abölö, irege tola tafalua hadia ia ni’era-erada ba tola mofozu gohitö dödöda. (Filifi 2:13) Ibe’e göi khöda dödö side-ide, sotatugöi si sökhi hegöi si lö sökhi. Tödöda side-ide zanolo ya’ita ba wotimbagö horö hegöi ba wamareso zalada.
2. Hadia nitötöna Yehowa khöda sanandrösa ba wangoguna’ö fa’abölöda?
2 Itötöna Yehowa ena’ö ta’oguna’ö wa’abölöda andrö ba lala si sökhi. Hadia mbörö? Börö me i’omasi’ö ita ba i’ila wa tola owua-wua dödöda ba ginötö ta’oguna’ö buala si no ibe’e khöda. Duma-dumania, imane ba Mbuku Ni’amoni’ö Heberai’o, ”Lua-lua nikhoi dödö zowölö-ölö, ba no hare,” ba ”fefu hadia ia ni’ilamö ölau tangau, ba wa’abölömö andrö, ba ölau”. (Gamaedola 21:5; Zangombakha 9:10) Imane ba Mbuku Ni’amoni’ö Yunani, ”Ba talau sa’ae zi sökhi, me no baŵania khöda, ba niha fefu,” ba ”faoma mitolo nawömi, balazi hadia nitema zamösana, buala andrö”. (Galatia 6:10; I Fetero 4:10) Ba da’a ta’ila wa omasi Yehowa na tafalua hadia ia zoguna khöda samösa hegöi ba niha bö’ö.
3. Hadia zi tebai ifalua niha?
3 Omasi Yehowa na ta’oguna’ö wa’abölöda. Hiza’i, i’ila wa so zi tebai tafalua. Duma-dumania, tebai taheta walömo’ahonoada, horö hegöi fa’amate. (I Razo 8:46) Tebai tafatörö nawöda niha börö me fefu ita tola tahalö gangetula samösa. Gofu hewisa wa’atua-tua ni’okhögöda hegöi si no irai tatörö, tebai nasa takhamö lala wangera-ngera Yehowa.
Ba ginötö ötaögö gabula dödö, ”Döna-döna khö Yehowa ba lau zi sökhi”
4. Hadia nitutunöda ba wamaha’ö andre?
4 Moguna böi aetu tatehegö khö Yehowa ba wame’e khöda fanuturu lala, faduhu dödöda wa hasambalö itolo ita ba ifalua hadia ia zi tebai tafalua ba wa’aurida. Hiza’i, omasi göi Yehowa na ta’angeraigö hadia manö zi tola tafalua ba wangasiwai gabula dödö hegöi ba wanolo niha bö’ö. (Baso Zinunö 37:3.) Moguna ’tadöna-döna khö Yehowa ba talau zi sökhi’. Moguna göi ’tafalua wa’adölö dödö’. Hewisa ena’ö tola tafalua da’a? Datatutunö duma-duma niha sangodaligö Yehowa simane Noakhi, Dawido, hegöi niha tanö bö’ö si lö faröi ba wamosumange Lowalangi. Ba da’ö tola ta’ila wa so zi tebai lafalua, hiza’i lafili ba wangosambua’ö tödöra ba zi tola lafalua.
BA GINÖTÖ IFASUI ITA FA’ALÖSÖKHI
5. Tutunö zalua khö Noakhi.
5 Auri Noakhi ba ginötö ”anönö danö horö” ba safönu fa’alösökhi. (I Moze 6:4, 9-13) Hewa’ae i’ila Noakhi wa hasambalö ihori Yehowa wa’alösökhi salua ba gulidanö, hiza’i sindruhu-ndruhu fatuwu ia ba nifalua niha. Ba zalua andre, aboto ba dödö Noakhi wa so zi tebai ifalua, hiza’i i’ila göi hadia zi tola ifalua.
Si tola tafalua ba wanuriaigö (Faigi ngenoli si-6-9)
6, 7. (a) Hadia zi tebai ifalua Noakhi? (b) Hewisa wa tola fagölö zalua khöda simane salua khö Noakhi?
6 Si tebai ifalua Noakhi: Lö faröi Noakhi ba wanuriaigö turia wamangelama moroi khö Yehowa. Hiza’i, tebai ifaso niha ba wanema’ö da’ö. Lö hadöi si tola ifalua ena’ö alio Anönö Danö Idanö. Faduhu dödö Noakhi wa hasambalö ifalua zi no ifabu’u Yehowa ba wangohori fa’alösökhi. Faduhu dödönia wa ifalua da’ö Lowalangi ba ginötö si tefaudu.
7 No so ita göi ba gulidanö safönu fa’alösökhi, ba ta’ila wa no ifabu’u Yehowa wa hasambalö ihori fefu da’ö. (I Yohane 2:17) Fatua lö alua da’ö, tebai tafaso niha ba wanema ’turia somuso dödö sanandrösa ba Mbanua Lowalangi’. Ba lö hadöi si tola tafalua ena’ö alio tohare ”wamakao sabölö-bölö”. (Matai’o 24:14, 21) Simane Noakhi, moguna ta’okhögö wamati saro, faduhu dödöda wa ba zi lö aratö hasambalö ihori wa’alösökhi andre Lowalangi. (Zinunö 37:10, 11) Faduhu dödöda wa lö itehegö Yehowa na itugu ara alua wa’alösökhi ba gulidanö andre töra moroi ba ginötö si no itatugöi.
Simane Noakhi, moguna ta’okhögö wamati saro, faduhu dödöda wa ba zi lö aratö hasambalö ihori wa’alösökhi andre Lowalangi
8. Hezo i’osambua’ö dödönia Noakhi? (Faigi gambara ba wamobörö wamaha’ö.)
8 Si tola ifalua Noakhi: Moroi na afatö dödönia ba zi tebai ifalua, i’osambua’ö dödönia ba zi tola ifalua. Lö faröi Noakhi ba wanuriaigö turia wamangelama moroi khö Yehowa. (II Fetero 2:5) Halöwö da’a zanolo ya’ia irege aro wamatinia. Tenga ha fanuriaigö manö nifaluania, i’o’ö göi wanuturu lala moroi khö Yehowa ba wamazökhi owo.
9. Hewisa wa tola ta’o’ö duma-duma Noakhi?
9 Simane Noakhi, oya zi tola tafalua ba ”wangai halöwö Zo’aya”. (I Korindro 15:58) Duma-dumania, tola fao ita ba wamazökhi nahia hegöi ba wondrorogö Balai Mbanua Lowalangi, Balai Kebaktian, falulu fohalöwö ita ba wangai halöwö ba kebaktian wilayah hegöi ba kebaktian regional, mohalöwö ba gödo ndraha mazui ba RTO. Sabölö tohudenia, owölö-ölö ita ba wamalua halöwö fanuriaigö, ena’ö itugu aro dötönaföda ba zi so miföna. Itutunö samösa talifusöda ira alawe si lö faröi wa ba ginötö fahuo-huo ia ba niha bö’ö sanandrösa ba howu-howu ni’asogö Mbanua Lowalangi, aboto ba dödönia wa so niha si no taya dötönafö ba lawa’ö wa lö irai taya gabula dödö nitaögöra. Simane nitutunö dalifusöda andre, ta’okhögö dötönafö, ba da’ö zanga’aro’ö ya’ita ba ginötö fahuo-huo ita ba niha bö’ö sanandrösa ba da’ö. Tötönafö da’a zanolo ya’ita ena’ö lö aetu tagohi wa’auri si lö aetu!
BA GINÖTÖ TAFALUA HORÖ
10. Tutunö zalua khö Dawido.
10 Niha si lö faröi Razo Dawido, ba sindruhu-ndruhu i’omasi’ö ia Yehowa. (Halöwö Zinenge 13:22) Hiza’i, ifalua horö sebua Dawido, ihoröni Mbaseba. Sabölö lö sökhinia, ibini’ö zala nifaluania andrö ba so ba dödönia wamunu fo’omo Mbaseba sotöi Uria ba wasuwöta. Ifa’ohe’ö zurania Dawido same’e fanuturu lala ena’ö mate Uria! (II Zamueli 11:1-21) Ba gafuriatania, la’ila niha horö nifalua Dawido andrö. (Mareko 4:22) Me alua da’ö, hadia nifalua Dawido?
Na no tafalua horö (Faigi ngenoli si-11-14)
11, 12. (a) Me no aefa ifalua horö Dawido, hadia ia zi tebai ifalua sa’ae? (b) Hadia nifalua Yehowa khöda na tafalalini gera-erada?
11 Si tebai ifalua Dawido: Tebai ibulö’ö zi no ifalua. Ba tefakao ia börö horö nifaluania andrö gasa-gasa wa’aurinia. (II Zamueli 12:10-12, 14) Andrö wa moguna mamati ia. Faduhu dödönia wa na sindruhu-ndruhu ifalalini gera-erania, i’efa’ö horönia Yehowa ba itolo ia ba wanaögö lua-lua horö nifaluania andrö.
12 Börö me lö mo’ahonoa ita, tola tafalua horö. Hiza’i, so zala sabölö ebua moroi ba danö bö’ö, ba tola manö tebai tabulö’ö zala nifaluada andrö irege tefakao Galatia 6:7) Hiza’i, faduhu dödöda ba nifabu’u Lowalangi, na tafalalini gera-erada itolo ita ba wanaögö famakao andrö hewa’ae na börö zalada samösa wa tola alua ia.
13. Hadia nifalua Dawido ba wanga’azökhi mangawuli fahuwusania khö Yehowa?
13 Si tola ifalua Dawido: Omasi ia ifuli i’azökhi wahuwusania khö Yehowa. Hewisa wamaluania da’ö? Itema’ö wanolo moroi khö Yehowa. Duma-dumania, itema mene-mene moroi khö Natano, sama’ele’ö khö Yehowa. (II Zamueli 12:13) Mangandrö göi Dawido khö Yehowa ba i’ombakha’ö horö nifaluania, da’a zangoroma’ö wa sindruhu-ndruhu ifuli omasi ia falulu fohalöwö khö Yehowa. (Zinunö 51:3-19) Moroi na isala-salaikö manö ia tödönia, ihalö wamaha’ö ba zala nifaluania andrö. Lö irai tumbu ba dödönia sa’ae ba wamalua horö si no irai ifalua. Hauga fakhe aefa da’ö, mate ia. Hiza’i, itörö tödö Yehowa ia börö me lö faröi ia.
14. Hadia wamaha’ö nihalöda moroi ba duma-duma Dawido?
14 Hadia wamaha’ö nihalöda moroi ba duma-duma Dawido? Na no tafalua horö sebua, moguna tafalalini gera-erada soroi ba dödö, tatutunö horö nifaluada andrö khö Yehowa, ba ta’andrö ena’ö ibe’e aefa ia khöda. (I Yohane 1:9) Moguna göi tafatunö khö ndra satua sokubaloi, börö me tola latolo ita ba wanga’azökhi mangawuli fahuwusada khö Yehowa. (Baso Yakobo 5:14-16.) Ba ginötö tatema wanolo moroi khö Yehowa, no taforoma’ö wa faduhu dödöda ba zi no ifabu’u wa i’efa’ö zalada. Moguna göi tafaha’ö ita ba zala nifaluada, ba lö aetu tafosumange Yehowa si fao fa’afaduhu dödö.
SALUA TANÖ BÖ’Ö
Mofökhö (Faigi ngenoli si-15)
15. Hadia wamaha’ö nihalöda moroi ba duma-duma Khana?
15 Tola göi ö’angeraigö niha si lö faröi tanö bö’ö nisura ba Zura Ni’amoni’ö si faduhu tödö khö Yehowa, ba samalua hadia zi tola lafalua ba ginötö göna ira abula dödö. Duma-dumania, Khana. Tebai mo’ono ia ba tebai ibulö’ö zalua andrö. Hiza’i, faduhu dödönia wa hasambalö irara dödönia Yehowa. Andrö, lö iböhöli ba wangai halöwö ba tabernakel ba itutunö khö Yehowa hadia ia nirasoinia andrö ba wangandrö. (I Zamueli 1:9-11) No duma-duma si sökhi da’a! Ba ginötö mofökhö ita mazui tataögö gabula dödö tanö bö’ö si tebai tabulö’ö, tola tatou’ö khö Yehowa noro dödöda andrö ba faduhu dödöda wa hasambalö i’ame’egö tödö ita. (I Fetero 5:6, 7) Tafalua hadia zi tola tafalua ena’ö tasöndra mbua moroi ba gangowuloa niha Keriso hegöi ba waö-waö halöwö tanö bö’ö si no ihenaigö organisasi Yehowa.
Faduhu dödö Khana khö Yehowa, andrö lö iböhöli ba wangai halöwö ba tabernakel hegöi ba wangandrö
So ndraono samöhöli ba wamosumange Yehowa (Faigi ngenoli si-16)
16. Hadia wamaha’ö nihalö zatua moroi khö Zamueli?
I Zamueli 8:1-3) Itou’ö ba danga Yehowa fefu gabula dödönia. Hiza’i, ifalua hadia zi tola ifalua ena’ö lö faröi ia khö Lowalangi ba i’omusoi’ö dödö Namania si so ba zorugo. (Gamaedola 27:11) Iada’a, ato göi zatua si no tobali niha Keriso, alua khöra zimane da’ö. Faduhu dödöra wa simane duma-duma nibe’e Yesu sanandrösa khö zi samösa ama sangokhögö ono matua sangohorigö ana’ania, omasi Yehowa ba wanema’ö mangawuli niha samalua horö si no mamalalini era-era. (Luka 15:20) Hiza’i, tola la’osambua’ö dödöra ira satua si no tobali niha Keriso ba wangoroma’ö fa’alöfaröi khö Yehowa, ba ladöna-döna wa duma-dumara andrö tola möi fondrönisi dödö ndraonora ena’ö lafuli ira khö Yehowa.
16 Hewisa göi zatua si lö faröi si so iraono si no mondröi ba wamosumange Yehowa? Sama’ele’ö sotöi Samueli, tebai ifaso ndraononia si no ebua-bua ena’ö lö faröi ira khö Lowalangi. (Fa’ambö-ambö ba gefe (Faigi ngenoli si-17)
17. Hana wa no duma-duma si sökhi khöda lakha mbanua si numana?
17 Duma-duma si sökhi tanö bö’ö ya’ia da’ö lakha mbanua si numana sauri ba götö Yesu. (Baso Luka 21:1-4.) Lö si tola ifalua sanandrösa ba niha sangai si tenga tana khöra ba bait, ba tebai ibulö’ö zindruhu sanandrösa ba wa’aurinia wa ya’ia niha si numana. (Matai’o 21:12, 13) Hiza’i, faduhu dödönia ba wamarou dödö nibe’e Yehowa ena’ö ituhini wamosumange satulö. Oböwö ia ba ibe’e ”dombua rimi”, fefu gefe ni’okhögönia. Iforoma’ö ira alawe si lö faröi andre wa sindruhu-ndruhu i’odaligö Yehowa. I’ila wa na i’ofönai’ö wamosumange Yehowa ba wa’aurinia, hasambalö i’asogö fefu zoguna khönia Yehowa. Simanö göi ita, na ta’ofönai’ö Mbanua Lowalangi ba wa’aurida, da’ö zangoroma’ö wa faduhu dödöda khö Yehowa ba ha sambalö i’asogö fefu zoguna khöda.
18. Be’e duma-duma samösa dalifusöda sangokhögö fangera-ngera satulö.
18 Iada’a, ato ndra talifusöda sangoroma’ö fa’afaduhu dödö khö Yehowa, la’osambua’ö dödöra ba zi tola lafalua tenga ba zi tebai lafalua. Angeraigö sanandrösa khö dalifusöda sotöi Malcolm si lö faröi irugi ba wa’amatenia me döfi 2015. Ba zi hauga fakhe, oya zi sökhi hegöi si lö sökhi salua khönia hegöi khö wo’omonia. Imane, ”Itaria, abua khöda wanahö fa’auri andre, lö tatu-tatu, ba abua wanaögö ya’ia.” Hadia mene-mene nibe’e Malcolm? ”Angandrö ena’ö itugu sökhi ba lö tebulö wamosumangemö Yehowa si tefaudu ba wa’abölömö. Osambua’ö dödömö ba zi tola öfalua tenga ba zi tebai öfalua.” *
19. (a) Hana wa tefaudu sibai ayati nifili ba ndröfi 2017 andre? (b) Hewisa wa tola tafalua ayati 2017 andre ba wa’aurida?
19 Itugu ”tedou-dou manö walösökhi” ba gulidanö andre, da’ö mbörö wa hasambalö itugu oya gabula dödö nitaögöda. (II Timoteo 3:1, 13) Börö da’ö, böi ta’angera-ngeraigö manö gabula dödö salua khöda. Hiza’i, moguna ta’okhögö wa’afaduhu dödö saro khö Yehowa ba ta’osambua’ö dödöda ba zi tola tafalua. Da’ö mbörö wa sökhi sibai ayati nifili ba ndröfi 2017, ”Döna-döna khö Yehowa ba lau zi sökhi!”
Ayati ba ndröfi 2017: ”Döna-Döna khö Yehowa ba Lau zi Sökhi.”
^ par. 18 Faigi Menara Pengawal 15 mbaŵa si Fulu 2013, nga’örö 17 irugi 20.