Falulu Fohalöwö khö Yehowa Ero Maʼökhö
”Si falulu fohalöwö sa ndraʼaga ba halöwö Lowalangi.”—1 KORINDRO 3:9.
1. Hadia manö lala si tola tafalua enaʼö tola falulu fohalöwö ita khö Yehowa?
ME IWÖWÖI niha gulidanö Yehowa, omasi ia na falulu fohalöwö ira khönia. Hewaʼae lö moʼahonoa niha iadaʼa, lö mamalö tola falulu fohalöwö niha si lö faröi khö Yehowa ero maʼökhö. Duma-dumania, tobali ita ’si falulu fohalöwö khö Lowalangi’ ba ginötö taturiaigö duria somuso dödö sanandrösa ba Wamatörö Lowalangi ba tabaliʼö niha tobali nifahaʼö. (1 Korindro 3:5-9) No sambua töi sebua me no ifili ita Somböi ba wamalua halöwö si tohude andre! Hizaʼi, tenga ha daʼö lalada ba wamosumange Yehowa. Ba wamahaʼö daʼa, tatutunö göi hewisa enaʼö tola falulu fohalöwö ita khö Lowalangi na tatolo nösi nomoda hegöi niha ba mbanua niha Keriso, na oböwö ita, na tatolo halöwö nifalua organisasi ba zi sagörö ulidanö hegöi na taforege ba wamalua halöwö khö Yehowa.—Kolose 3:23.
2. Hana wa tebai tafagölösi hadia zi tola tafalua khö Yehowa ba zi tola ifalua niha böʼö?
2 Ba ginötö tatutunö wamahaʼö daʼa, moguna tatörö Galatia 6:4.
tödöda wa döfi, falöfökhö, salua khöda hegöi faʼabölöda, no faböʼö-böʼö. Andrö, böi tafagölösi hadia zi tola tafalua khö Yehowa ba zi tola ifalua niha böʼö. Imane sinenge sotöi Faulo, ”Yamufareso nifaluania zamösana, ba omuso dödönia ba nifaluania andrö, tenga börö me ifaedo-faedogö ia ba niha böʼö.”—TOLO NÖSI NOMOMÖ HEGÖI NIHA BÖʼÖ BA MBANUA NIHA KERISO
3. Hana wa tola tawaʼö wa no falulu fohalöwö ita khö Lowalangi na tarorogö nösi nomoda?
3 Itötöna Yehowa enaʼö taʼameʼegö tödö nösi nomoda. Duma-dumania, moguna ölau mohalöwö ba wombönökhi zoguna ba nösi nomomö. Ato göi zatua ira alawe si toröi ba nomo ba wondrorogö onora side-ide. Moguna göi tarorogö zatuada, na no tebai ira. Moguna fefu daʼö. Imane Sura Niʼamoniʼö, ”Na so zi lö mangaʼasogö soguna ba nösi nomonia, no iʼosilöʼögö wamati ba abölö waʼalösökhinia moroi ba niha si lö mamati.” (1 Timoteo 5:8) Na so noro dödömö yomo ba nomo, tola manö lö oya zi tola öfalua khö Yehowa simane ba zomasiʼö. Hizaʼi, böi afatö dödömö! Omuso dödö Yehowa na öʼasogö zoguna ba nösi nomomö.—1 Korindro 10:31.
4. Hewisa zatua ba wangofönaiʼö Famatörö Lowalangi, ba hadia zalua na lafalua daʼö?
4 Satua si no tobali niha Keriso, moguna falulu fohalöwö ira khö Yehowa ba wanolo iraonora enaʼö laʼokhögö gohitö dödö ba wamosumange Yehowa. Ato zatua si no mamalua daʼa. Buania, lahalö gangetula iraonora ba wangai halöwö safönu inötö khö Yehowa, hewaʼae fandröndröu ira moroi ba nomo. So ösa zi tobali utusan injil, tobali perintis ba mbanua sabölö ato moguna sanuriaigö, ba so zohalöwö ba Mbetieli. Tatu manö, na fandröndröu nahia ndraonora, tebai asese falukha ira. Hizaʼi, lö laʼalui dana khöra samösa ba lafarou dödö ndraonora enaʼö lö laböhöli wangai halöwö khö Yehowa gofu hezo toröi ira. Hadia mbörö? Börö me omuso sibai dödöra na laʼofönaiʼö Yehowa iraonora ba waʼauri. (3 Yohane 4) Ato zatua sorasoi simane Hana, sangumaʼö wa no ibeʼe ”niwawalö” nononia Zamueli khö Yehowa. Larasoi wa no töi sebua falulu fohalöwö khö Yehowa na lafalua daʼö.—1 Zamueli 1:28.
5. Hewisa lalada ba wanolo ndra talifusöda ba mbanua niha Keriso? (Faigi gambara ba wamobörö wamahaʼö.)
5 Na lö hadöi noro dödömö sabua yomo ba nomo, hadia tola ötolo ndra talifusöda sofökhö, si no alawa döfi mazui soguna mutolo? Hadia tola ötolo niha sondrorogö yaʼira? Alui ba mbanua niha Keriso si fao ndraʼugö haniha manö zoguna mutolo. Duma-dumania, te so samösa dalifusöda ira alawe sondrorogö satuania si no atua. Hadia öbeʼe ginötömö tobali awö zatuania irege tola ifalua halöwö böʼö talifusöda andrö? Mazui tola ötolo ira weʼamöi ba gangowuloa, mowöli, mazui ba wangondrasi niha sofökhö ba rumah sakit. Na öfalua daʼö, te no falulu fohalöwö ndraʼugö khö Yehowa wameʼe fanema li ba wangandrö zi samösa niha.—Baso 1 Korindro 10:24.
OBÖWÖ
6. Hewisa enaʼö oböwö ita?
Moguna tatolo niha böʼö ero so ginötö
6 Laʼila niha wa oböwö niha si falulu fohalöwö khö Lowalangi. (Heberaiʼo 13:2) Ba Daromali Lowalangi, so duma-duma samahaʼö yaʼita lala ba wangoromaʼö faʼasökhi dödö. (1 Moze 18:1-5) Tola ba moguna tatolo niha böʼö ero so ginötö, gofu haniha ira, he ira ”talifusöda si sara lala wamati” mazui tenga.—Galatia 6:10.
7. Hadia mbua nitemamö na öforomaʼö waʼoböwö ba niha sangai halöwö safönu inötö?
7 Hadia tola falulu fohalöwö ndraʼugö khö Yehowa ba wangaʼasogö nahia waʼatoröi ba niha sangai halöwö safönu inötö? (Baso 3 Yohane 5, 8.) Na tafalua daʼö, tatema ba latema göi mbuania. Iwaʼö Sura Niʼamoniʼö enaʼö ”tafarou dödö nawöda zamösana”. (Roma 1:11, 12) Nehegö zalua khö dalifusöda Olaf. Me awuyu-wuyu ia, so samösa zatua samasui si lö sangowalu zangondrasi banua niha Keriso si so yaʼia. Moguna khönia nahia waʼatoröi, hizaʼi lö hadöi zi tola manolo yaʼia ba mbanua niha Keriso. Manofu Olaf khö zatuania si tenga Samaduhuʼö, hadia tola mörö zatua samasui andrö ba nomora. Latehegö ira satuania, hizaʼi ba sofa mörö Olaf. Ifalua daʼö Olaf ba lö maniasa ia. Iwaʼö wa tebai iʼolifugö zi samigu wefao khö zatua samasui! Ero sihulö wongi, oya nidunö-dunöra ba ginötö manga ira. Börö wamarou dödö nibeʼe zatua samasui andrö, ihalö gangetula Olaf ba wangai halöwö safönu inötö khö Yehowa. Ba zi no 40 fakhe, tobali ia utusan injil ba zi hauga soi.
8. Hadia mbörö wa moguna oböwö ita ba niha böʼö hewaʼae na ba wamobörö lö laʼandrö saohagölö ba nifaluada andrö? Beʼe duma-duma.
8 Oya lala ba wangoromaʼö faʼomasi ba niha si lö taʼila, hewaʼae na ba wamobörö lö laʼandrö saohagölö ba nifaluada andrö. Duma-dumania, samösa dalifusöda ira alawe ba Spanyol, ibeʼe wamahaʼö ba Zura Niʼamoniʼö khö Yesica, samösa ira alawe moroi ba Ekuador. Samuza maʼökhö me lafalua wamahaʼö, lö ibato weʼe Yesica. Isofu khönia talifusöda hana wa ilau meʼe. Itutunö Yesica wa numana waʼaurinia fatua lö findra ia ba Spanyol. Samuza maʼökhö, lö hadöi ö si tola ibeʼe khö nononia alawe, ha idanö safusi. Iʼandrö wanolo ba wangandrö me ifeförö nononia. Lö ara, laʼondrasi ia darua Zamaduhuʼö ba labeʼe khönia majalah. Hizaʼi, lö sökhi wanemaʼönia lira, isika majalah ba imane, ”Hadia daʼa gö somasi ami ubeʼe ö nonogu?” Laforege wondrara tödönia hizaʼi lö omasi ia. Ba gafuriata, labeʼe ira talifusöda ira alawe si darua andrö sambua keranjang gö föna nomonia. Lö ibato weʼe Yesica sagötö wamahaʼöra, börö me iʼila wa no iʼosilöʼögö wanema li Lowalangi ba wangandrönia. Hizaʼi, ihalö gangetula Yesica ba wamosumange Yehowa. Ba daʼa oroma wa sökhi sibai mbua ba waʼoböwö zi darua talifusöda andrö.—Zangombakha 11:1, 6.
TEHEGÖ WAʼAURIMÖ BA WANOLO HALÖWÖ ORGANISASI
9, 10. (a) Ba ginötö hadia manö latehegö waʼaurira iraono Gizaraʼeli? (b) Hadia manö zi tola lafalua talifusöda ira matua ba wanolo mbanua niha Keriso iadaʼa?
9 Ba götö föna, oya ginötö niʼokhögö ndraono Gizaraʼeli ba wanehegö faʼaurira. (2 Moze 36:2; 1 Ngaʼötö 29:5; Nehemia 11:2) Iadaʼa, oya göi ginötö niʼokhögömö ba wanehegö inötö, okhöta hegöi faʼatua-tuamö ba wanolo ira talifusöda. Na öfalua daʼö, hasambalö ösöndra waʼohahau dödö ba ifahowuʼö ndraʼugö Yehowa.
10 Ifarou ndra talifusöda ira matua Taromali Lowalangi enaʼö falulu fohalöwö ira khö Yehowa ba wangai halöwö tobali enoni hegöi satua sokubaloi. (1 Timoteo 3:1, 8, 9; 1 Fetero 5:2, 3) Omasi sibai ira latolo niha böʼö ba ngawalö hadia ia, simane ba wangai halöwö ba wamati. (Halöwö Zinenge 6:1-4) Hadia no irai iʼandrö khöu satua sokubaloi tobali petugas tata tertib, ba wotangani publikasi, daerah dinas, ba wondrorogö Balai Mbanua Lowalangi mazui tanö böʼönia? Ira talifusöda si no irai mamalua halöwö daʼa, lawaʼö wa lasöndra waʼohahau dödö.
Niha sanehegö faʼaurira ba wamalua halöwö organisasi, asese lasöndra zi fahuwu si bohou (Faigi ngenoli si-11)
11. Hadia mbua nitema zi samösa talifusöda ira alawe me fao ia ba halöwö konstruksi?
11 Niha sanehegö faʼaurira ba wamalua halöwö konstruksi, asese lasöndra zi fahuwu si bohou. Samösa dalifusöda ira alawe sotöi Margie, no 18 fakhe mohalöwö ia ba wamazökhi Balai Mbanua Lowalangi. Ba wamaluania halöwö daʼö, iʼameʼegö tödö ndra talifusöda ira alawe si bohou ebua ba ifomaha ira. Iwaʼö wa daʼa no lala si tefaudu khö ndra relawan ba wamarou dödö nawöra zamösana. (Roma 1:12) Sindruhunia, me alua gabula dödö ba waʼaurinia, labeʼe khönia wamarou dödö ira si fahuwu khönia si so ba daʼö. Hadia no irai ötehegö waʼauriu ba wamalua halöwö konstruksi? Tola mohalöwöʼö ba daʼö hewaʼae lö khöu faʼatua-tua si tohude ba wamalua halöwö daʼö.
12. Hewisa wanolomö ndra talifusöda si göna bencana?
12 Tola göi falulu fohalöwö ita khö Yehowa ba wanolo ndra talifusöda si göna bencana. Duma-dumania, tola tabeʼe dolo-tolo. (Yohane 13:34, 35; Halöwö Zinenge 11:27-30) Tola göi fao ita wanolo ba wamöföʼö mazui ba wangehaogö fefu zi tekiko me no aefa bencana. No tekiko ba molö nomo Gabriela, samösa talifusöda ira alawe moroi ba Polandia. Hizaʼi, omuso dödönia börö me latolo ia ira talifusöda ba mbanua niha Keriso sahatö ba daʼö. Me itörö tödönia zalua andrö, iwaʼö wa lö iʼangeragö haratonia si no taya, hizaʼi iʼosambuaʼö dödönia ba zi no itema. Imane, ”Salua andre zamaduhuʼö tödögu wa no töi sebua na fao ita ba mbanua niha Keriso, ba daʼö zameʼe khöda faʼohahau dödö ba faʼomuso dödö.” Daʼö göi nirasoi ndra talifusöda sato, sanema fanolo me no aefa bencana. Ira talifusöda si falulu fohalöwö khö Yehowa ba wanolo yaʼira, fao göi ira ba waʼomuso dödö.—Baso Halöwö Zinenge 20:35; 2 Korindro 9:6, 7.
13. Hewisa wa tola taʼaroʼö waʼomasida khö Yehowa na talulu waʼaurida? Beʼe duma-duma.
13 Talifusöda ira alawe sotöi Stephanie hegöi sanuriaigö tanö böʼö, falulu fohalöwö ira khö Yehowa ba wanolo ndra Samaduhuʼö si findra ba Amerika Serikat börö me alua wasuwöta ba soira. Latolo niha si fatewu andrö ba wangalui omo hegöi gama-gama niʼogunaʼöra. Imane, ”Tefarou dödöma ba waʼomuso dödö hegöi foʼameʼegö tödö niforomaʼöra me larasoi waʼomasi moroi khö ndra talifusöra ba zi sagörö ulidanö. So ba wangera-ngera nösi nomo andrö wa yaʼaga zanolo yaʼira, hizaʼi sindruhunia yaʼira zabölö manolo yaʼaga. Faʼomasi, fahasara dödö, famati ba faʼafaduhu dödöra khö Yehowa, sindruhu-ndruhu möi fangaro waʼomasima khö Yehowa. Daʼa mbörö wa itugu maʼameʼegö tödö fefu zi no matema ba organisasinia.”
FOREGE BA WANGAI HALÖWÖ KHÖ YEHOWA
14, 15. (a) Hadia mbua-bua niʼokhögö Yesaya samaʼeleʼö? (b) Hewisa woloʼö niha Keriso mbua-bua niʼokhögö Yesaya?
14 Hadia omasiʼö öforege falulu fohalöwö khö Yehowa? Hadia ötehegö waʼaurimö findra ba mbanua sabölö ato Yesaya 6:8) Hadia tola ba ötehegö waʼaurimö ba wanolo organisasi Yehowa? Hadia zi tola öfalua?
moguna sanuriaigö? Tatu manö, tola oböwö ita hewaʼae lö findra ita ba nahia saröu. Hizaʼi, so ösa ndra talifusöda samalua daʼö. Laʼokhögö mbua-bua si fagölö simane Yesaya samaʼeleʼö. Me isofu khönia Yehowa, ”Haniha nifatengegu, haniha zi möi khöda?” imane Yesaya, ”Yaʼe ndraʼo, fatenge ndraʼo.” (15 Imane Yesu sanandrösa ba halöwö fanuriaigö hegöi fombaliʼö niha tobali nifahaʼö, ”Ebolo mbasitö, hizaʼi lö ato zohalöwö. Börö daʼö, miʼandrö khö Zokhö basitö enaʼö ato ifatenge zohalöwö.” (Mataiʼo 9:37, 38) Hadia tola tobali ndraʼugö perintis ba mbanua sabölö ato moguna sanuriaigö? Mazui, hadia tola ötolo zi samösa niha ba wamalua daʼö? Ato ndra talifusöda lawaʼö wa lala sabölö sökhi ba wangoromaʼö faʼomasi khö Lowalangi hegöi ba niha yaʼia daʼö na merintis ba mbanua sabölö ato moguna sanuriaigö. Hadia no irai öʼangeragö lala tanö böʼö ba wondrouʼö zi tola öfalua ba wangai halöwö khö Yehowa? Na öfalua daʼö, ösöndra waʼohahau dödö.
16, 17. Hadia nasa zi tola öfalua enaʼö tola öforege ba wangai halöwö khö Yehowa?
16 Hadia ötehegö waʼaurimö mohalöwö ba Mbetieli mazui ba wanolo halöwö konstruksi, tobali relawan si lö arara mazui fao ba wanolo ba zi hauga hari ba zi samigu? Moguna ba organisasi Yehowa niha sanehegö faʼaurira, somasi mangai halöwö gofu hezo labeʼe ira ba samalua gofu hadia halöwö, hewaʼae so khöra waʼatua-tua ba halöwö tanö böʼö. Iʼameʼegö tödö Yehowa niha sanehegö faʼaurira hegöi sangai halöwö khönia gofu hezo so muʼogunaʼö ira.—Zinunö 110:3.
17 Hadia omasiʼö nasa ötema wamomaha enaʼö itugu oya zi tola öfalua ba wangai halöwö khö Yehowa? Tola öfasuraʼö döimö ba Sekolah bagi Penginjil Kerajaan. Sekola daʼa zamomaha ndra talifusöda si no aro ba wamati sangai halöwö safönu inötö, enaʼö oya zi tola lafalua ba organisasi Yehowa. Yaʼira zi fao ba zekola daʼa, latehegö waʼaurira ba wangai halöwö khö Yehowa gofu hezo labeʼe ira. Hadia ötehegö waʼaurimö ba wamalua simane daʼa enaʼö oya zi tola öfalua khö Yehowa?—1 Korindro 9:23.
18. Hadia manö mbuania na falulu fohalöwö ita khö Yehowa ero maʼökhö?
18 Börö me yaʼita ono mbanua Yehowa, moguna so khöda waʼoböwö, faʼasökhi dödö, faʼomasi ba moguna göi baga laguda. Moguna taʼameʼegö tödö niha böʼö ero maʼökhö. Daʼö zameʼe khöda faʼomuso dödö, faʼohahau dödö ba faʼowua-wua dödö. (Galatia 5:22, 23) Gofu hadia zalua khömö, hasambalö ösöndra waʼowua-wua dödö na öʼoʼö waʼoböwö Yehowa ba tobali ndraʼugö samösa moroi ba niha si falulu fohalöwö khönia!—Gamaedola 3:9, 10.