Okhögö Waʼatua-tua moroi khö Lowalangi
”Fefu nösi Mbuku Niʼamoniʼö andrö ba eheha Lowalangi zameʼe ba dödö niha.” (2 Timoteo 3:16) Lowalangi Fondrege Zabölö zameʼe fanuturu lala ba niha sanura Sura Niʼamoniʼö enaʼö tola lasura mbua gera-erania.
Omasi Lowalangi na Tatema Mbua moroi ba Wamahaʼönia
”Yaʼo Yehowa . . . samahaʼö yaʼugö ba zi sökhi, sameʼe khöu fanuturu lala ba döröwau. Sindruhu-ndruhu omasido na öʼoʼö niwaʼögu, börö me tobali dania simane ungo nidanö waʼahono dödöu, ba simane dulu nasi dania fefu zi sökhi nifaluamö.”—YESAYA 48:17, 18.
Ikaoni ita Lowalangi enaʼö tafahaʼö ita khönia. Omasi ia wanolo yaʼita enaʼö taʼokhögö waʼahono dödö ba tasöndra waʼomuso dödö sagötö faʼara.
Faʼaboto ba Dödö Sanandrösa khö Lowalangi Tehenaigö ba Niha Fefu
”Hasambalö teturiaigö duria somuso dödö ba ngawalö soi.”—MAREKO 13:10.
’Turia somuso dödö’ farahu ba daʼö nifabuʼu Yehowa ba wangeheta abula dödö, ba wombaliʼö nahia si sökhi gulidanö andre hegöi tötönafö ba wanusugi zi fahuwu khöda hegöi ösi nomoda si no mate. Turia somuso dödö nifaʼema ndra Samaduhuʼö Yehowa ba zi sagörö ulidanö teʼodane-dane ba Zura Niʼamoniʼö.
Te Göi Adöni Dödöu
MANURIAIGÖ
Sura Niʼamoniʼö—Dane-Dane Zindruhu si Tola Mufaduhusi Tödö
Tola öfaduhusi tödö Zura Niʼamoniʼö börö me no sinangea mufaduhusi tödö nösinia.
