Tola Ösöndra Waʼohahau Dödö—Hewisa Lalania?
”Abu sibai dödögu me urongo ngawalö zi lö sökhi salua ba gulidanö andre simane fasuwöta, faʼanumana, fökhö hegöi ngawalö zi lö sökhi nifalua ba ndraono. Hizaʼi, aboto ba dödögu wa samuza inötö dania tebulö zalua andrö.”—RANI. *
Sindruhu-ndruhu awena isöndra waʼahono dödö Rani me no aboto ba dödönia Zomböi yaʼita, Lowalangi Fondrege Zabölö. Ibeʼe khöda waʼaboto ba dödö hegöi mene-mene Somböi yaʼita enaʼö tasöndra waʼohahau dödö ba waʼauri. Ba majalah daʼa, itutunö khöda hewisa lala enaʼö . . .
ohahau dödöda ba nösi nomo
atulö ita ba niha böʼö
tasöndra waʼohahau dödö ba faʼahono dödö ba zi no so
aboto ba dödöda hadia mbörö wa tefakao niha ba mate
faduhu dödöda wa samuza inötö dania itugu sökhi zalua ba gulidanö andre
aboto ba dödöda Zomböi yaʼita ba tobali ita si fahuwu khönia
Baero daʼö, ifatunö khöda ba majalah andre wa faʼaboto ba dödö sanandrösa khö Zomböi, tehenaigö daʼö ba niha fefu tenga ha ba zi sambua ngawawa.
^ par. 2 No mufaböʼöni döi-töi niha ba majalah daʼa.
