Taʼameʼegö Tödö Waʼaurida Samösa
HANA WA MOGUNA?
Niha soʼameʼegö tödö faʼaurinia samösa, tola itaögö gabula dödö si fao fangera-ngera si sökhi ba lö alio awuwu.
-
Moloʼö sambua penelitian, niha sangokhögö fangera-ngera sambö tefaudu sanandrösa ba waʼaurinia samösa, alio sibai so khönia waʼaombö-aombö dödö, depresi, mazui lö tatu ginötö wemanga hegöi faʼoya manga. Tola manö alio tedönisi dödöra wangogunaʼö narkoba, ba oya göi labadu duo.
-
Niha soʼameʼegö tödö faʼaurinia samösa, lö ifaedo-faedogö ia ba niha böʼö. Buania, aoha khöra fariawö ba niha böʼö ba laʼokhögö zi fahuwu. Hizaʼi, niha sambö moʼameʼegö tödö faʼaurinia samösa, aoha manö khönia ba wotahigö niha böʼö. Lua-luania, tola tekiko wahuwusania ba niha böʼö.
-
Niha soʼameʼegö tödö faʼaurinia samösa lö tebulö aro ia. Ba ginötö so gabula dödö, lö ibaliʼö taha-tahania daʼö ba wogamö ohitö dödönia. Hizaʼi, niha sambö moʼameʼegö tödö faʼaurinia samösa, asese ibaliʼö abula dödö sebua gabula dödö side-ide. Lua-luania, alio awuwu ia.
SI TOLA ÖFALUA
Fili nawöu si tola mameʼe khö famarou dödö. Lau fariawö ba niha soʼameʼegö tödö niha böʼö. Tola tobali ira awöu soʼameʼegö tödö yaʼugö soroi ba dödöra ba sanolo yaʼugö tobali niha sabölö sökhi.
Tolo niha böʼö. Na öfalua zi sökhi ba niha böʼö ba lö ötötöna zulö, so khöu waʼomuso dödö börö me mamuala ndraʼugö hewaʼae na amuatamö si sökhi andrö hulö lö laʼameʼegö tödö.
Fahaʼö ndraonomö ba woʼameʼegö tödö faʼaurira samösa. Sambua lala si tola mufalua yaʼia daʼö beʼe khöra ginötö ba wangasiwai abula dödöra samösa moloʼö si sagu khöra. Na öfalua daʼö, tola aboto ba dödöra hewisa ba wanaögö hegöi ba wangasiwai abula dödö. Buania, tola iʼameʼegö tödö waʼaurinia samösa iʼotarai iadaʼa irugi ba waʼatuania.
NIFALUAMA
Angowuloa hegöi famahaʼö Zura Niʼamoniʼö nifalua ndra Samaduhuʼö Yehowa, möi fanolo niha ba wangokhögö faʼauri sabölö sökhi irege laʼameʼegö tödö waʼaurira samösa.
ANGOWULOA NIFALUAMA
Lö muʼandrö gefe na mufalua gangowuloama, ba tola laʼondrasi gofu haniha manö. Ero Migu, so huhuo sebua si teʼodane-dane ba Zura Niʼamoniʼö si tola manolo niha enaʼö laʼameʼegö tödö waʼaurira samösa. Duma-dumania, ba gangowuloama, tola öfahaʼö ndraʼugö enaʼö öʼila . . .
-
hana wa ebua sibai mbölimö föna Lowalangi
-
hadia lua-lua waʼauri
-
öʼokhögö wahuwusa saro sagötö faʼara
Tola göi falukhaʼö ba niha soʼameʼegö tödö awöra ba tola öbaliʼö ira si fahuwu khöu.—1 Korindro 12:25, 26.
Enaʼö öʼila nasa danö böʼönia sanandrösa ba gangowuloama, alui video Hadia Manö Nifalua ba Nahia Gorahua Mbanua Lowalangi? ba jw.org.
FAMAHAʼÖ BA ZURA NIʼAMONIʼÖ
Mafalua wamahaʼö Zura Niʼamoniʼö si lö muʼandrö kefe, maʼogunaʼö mbuku Lala ba Wanöndra Faʼohahau Dödö Sagötö Faʼara! Ba mbuku daʼa, tola öʼokhögö waʼaboto ba dödö si tefaudu moroi ba Zura Niʼamoniʼö sanandrösa ba ngawalö duho moroi ba wanofu sadöni dödöda, video si tofakha ba dödöda, hegöi gambara si sökhi. Famahaʼö ba Zura Niʼamoniʼö nifaluama tola möi fanolo niha enaʼö mofozu ira ba woʼameʼegö tödö faʼaurira samösa ba laʼokhögö waʼauri sabölö sökhi.
Enaʼö öʼila hadia mbuania na öfahaʼö ndraʼugö ba Zura Niʼamoniʼö khö ndra Samaduhuʼö Yehowa, alui video Hana Wa Moguna Tafahaʼö Ita ba Zura Niʼamoniʼö?
Te Göi Adöni Dödöu
SANANDRÖSA KHÖMA
Falukhaisi Ndraʼo
Omasido ufahaʼö ndraʼo ba Zura Niʼamoniʼö, mazui uʼalui nasa danö böʼö sanandrösa khö ndra Samaduhuʼö Yehowa.
SANANDRÖSA KHÖMA
Ondrasi Gangowuloa
Faha’ö ndra’ugö sanandrösa ba gangowuloama. Alui nahia gangowuloama sahatö ba mbanua si so ya’ugö.
