Hadia Niwa’ö Zura Ni’amoni’ö?
Hadia nifazökhi niha agama?
SO ÖSA ZI FADUHU TÖDÖ wa agama nisöndra niha; tanö bö’önia göi lamane wa i’oguna’ö Lowalangi agama ba wanolo niha ena’ö tola ahatö khönia. Hewisa molo’ö ya’ugö?
HADIA NIWA’Ö ZURA NI’AMONI’Ö
So ”zi sökhi wamosumange Lowalangi, si lö si fabaya hadia ia, wamaigi Lowalangi Ama”. (Yakobo 1:27) Agama si lö ra’iö, mazui satulö, moroi khö Lowalangi.
HADIA NASA NIFAHA’Ö ZURA NI’AMONI’Ö KHÖDA
Ena’ö omuso dödö Lowalangi, sambua agama moguna te’odane-dane ba wa’asindruhu Zura Ni’amoni’ö.—Yohane 4:23, 24.
Agama si te’odane-dane ba nifakhoi niha no zaya-zaya gölö.—Mareko 7:7, 8.
Hadia moguna mu’okhögö agama?
HEWISA MOLO’Ö YA’UGÖ?
Ya’ia
Lö’ö
Tola manö
HADIA NIWA’Ö ZURA NI’AMONI’Ö
”Ba datafaoma tafaigi nawöda, ba wamarou tödö ba wa’omasi andrö, ba ba mbua-bua si sökhi.” (Heberai’o 10:24, 25) Omasi Yehowa na te’osambua’ö ba wa’owulo ono mbanuania ba zi sambua ngawawa ni’organisasi.
HADIA NASA NIFAHA’Ö ZURA NI’AMONI’Ö KHÖDA
Niha samosumange Lowalangi te’osambua’ö ba nifaduhusira tödö.—I Korindro 1:10, 11.
Ono mbanua ba agama zomasi Lowalangi so wahasara dödö wa’afatalifusöta ba zi sagörö ulidanö.—I Fetero 2:17.
