Hadia omasiʼö oya mbua nitemamö na öfalua wamahaʼö samösa? Tola tobali fanolomö wanuturu lala andre ba ginötö öfalua wamahaʼö samösa.

• Alui nahia sahono dödöu. Na tola, fili nahia si lö fawuka ba si haga. Tola öfahaʼö ndraʼugö ba zi so meza mazui ba nahia somasiʼö baero nomo.

• Fili nahia si lö nini-nini. Si toʼölönia mangandrö Yesu ba ”nahia si lö niha-niha” me ”sihulö wongi sibai”. (Mrk. 1:35) Na lö hadöi nahia si lö nini-nini ba nahia si toröi yaʼugö börö me ato nösi nomo mazui niha tanö böʼö, tola öfatunö khöra hawaʼara ginötöu wamalua famahaʼö samösa, ba andrö khöra enaʼö lö lagadu ndraʼugö.

• Forege enaʼö lö mangoloi wangera-ngeramö. Na HP mazui tablet niʼogunaʼömö, bunu notifikasi mazui beʼe mode pesawat. Na itörö tödöu wa so zinangea öfalua, sura daʼö ba garate enaʼö lö olifu ndraʼugö wamalua na no aefa öfalua wamahaʼö samösa. Na ibörögö mangoloi wangera-ngeramö, olombase sabata mazui öfageha mbotomö.