Enaʼö tola taʼomusoiʼö dödö Yehowa moguna so khöda wamati. Hizaʼi, ifatunö khöda Sura Niʼamoniʼö wa ”lö dozi mamati niha”. (2 Te. 3:2) Me itutunö wehede daʼa Faulo, ifanandrösa wehedenia ba ”niha si lö sökhi hegöi safaito” samakao yaʼia. Manandrösa göi wehedenia ba niha böʼö. So ösa niha si lö omasi mamaduhusi tödö Lowalangi Somböi ngawalö hadia ia. (Rom. 1:20) So göi zangumaʼö wa faduhu dödöra khö Lowalangi. Hizaʼi, faʼafaduhu dödö simane daʼö tenga famati si möi fangomusoiʼö dödönia.

Moguna faduhu dödöda wa so Yehowa ba ifahowuʼö niha samati khönia. (Heb. 11:6) Enaʼö taʼokhögö wamati saro simane daʼö moguna khöda geheha niʼamoniʼö. Enaʼö so khöda geheha niʼamoniʼö moguna taʼandrö khö Yehowa ba wangandrö. (Luk. 11:​9, 10, 13) Lala böʼö enaʼö taʼokhögö geheha niʼamoniʼö yaʼia daʼö tabaso Zura Niʼamoniʼö, niʼehehaini Lowalangi ba niha sanura yaʼia. Börö daʼö, moguna taʼangerönusi hadia nibasoda ba tafalua ia ba waʼaurida. Na tafalua daʼa, no tatehegö geheha Yehowa ba wamatörö faʼaurida, sanolo yaʼita ba wangokhögö famati sangomusoiʼö tödönia.