Hadia abua khöu ba wotöngöni zi no öfahaʼö yaʼugö? Ato ba gotaluada zorasoi simane daʼö. Hizaʼi sasesenia lö olifu ita gamaedola niʼogunaʼö Yesu. Hadia mbörö? Börö me takhalaigö gambarania. Simane daʼö göi, tola itugu oya nitöngönida na tafazökhi gambara ba ginötö tafahaʼö ita.

Si toʼölönia, niha samazökhi gambara ba zi no lafahaʼö yaʼira, lö alio olifu ira wamahaʼönia. Me lafalua daʼa, tola itörö tödöra ngawua wehede si no labaso hegöi tuho-tuhonia. Gambara nifazökhira tenga karya seni sabua. Daʼö ha gambara si no öna-öna. Moguna sibai daʼa ba niha si no alawa döfi.

Na öfahaʼö dania ndraʼugö, tandraigö fazökhi gambara ba zi no öfahaʼö yaʼugö. Te dania tokea ndraʼugö börö me oya zi tola ötörö tödö!