Noro dödö sebua niʼokhögö zatua yaʼia daʼö ba wamahaʼö iraonora sanandrösa khö Yehowa. (Ef. 6:4) No ihenaigö organisasi Yehowa ngawalö artikel, video hegöi sinunö ba wanolo ira satua. Hewisa wangogunaʼömi daʼö fefu ba wanolo iraonomi?

• Faigi hadia manö zi no tehenaigö ba JW.ORG. Oya zi no mufaʼanö soguna ba ndraono, simane video hegöi lembar kegiatan. a Ba wangalui yaʼia, mi-ketik ”anak-anak” mazui ”anak muda” ba kotak pencarian.

• Fili hadia zi tefaudu soguna khömi. Ba kategori ”Anak-Anak”, tola mifili hadia zi tefaudu ba ndraonomi. Tola göi ö-ketik ”Proyek Ibadat Keluarga” ba kotak pencarian.

• Beʼe ginötöu ba ndraonomö. Muhenaigö video hegöi lembar kegiatan ba JW.ORG tenga ha enaʼö arörö ndraonomö. Börö daʼö, mitutunö nösinia khö ndraonomi ba tolo ira enaʼö tobali si fahuwu khö Yehowa.