Na tabaso Zura Niʼamoniʼö, tola taʼogunaʼö ngawalö wakake ba wamalua riset enaʼö itugu aboto ba dödöda hadia nibasoda. Hizaʼi, lö omasi ita na ha itugu monönö waʼonekheda. Omasi ita taʼalui gamuata si sökhi niʼokhögö Yehowa irege tedou waʼomasida khönia. Börö daʼö, datasofu khöda samösa, ’Hadia wamahaʼönia khögu ba ayati daʼa sanandrösa khö Yehowa?’

Duma-dumania, tandraigö alui hewisa Yehowa ba wangoromaʼö faʼomasinia, faʼatua-tuania, faʼatulönia hegöi faʼabölönia. Hizaʼi, tenga ha daʼö gamuata Yehowa. Oya nasa gamuata si sökhi niʼokhögö Yehowa sinangea öʼila. Hezo tola ösöndra waʼaboto ba dödö sanandrösa ba gamuatania andrö?

Faigi publikasi Fanuturu Lala ba Wamalua Riset khö Ndra Samaduhuʼö Yehowa. Alui subjek ”Lowalangi Yehowa”, aefa daʼö faigi duho ”Bua-Bua Yehowa”. Ba osambuaʼö dödöu ba gamuata Yehowa si no öbaso ba Zura Niʼamoniʼö.