LALA BA WOLAWA FATIUSA
1 | Böi Faböʼö-böʼöni Niha
Famahaʼö Zura Niʼamoniʼö:
”Lö ifaigi mbawa niha Lowalangi, dozi samalua sindruhu ba sangataʼufi yaʼia moroi ba ngawalö soi, daʼö zomasi ia.”—HALÖWÖ ZINENGE 10:34, 35.
Eluahania:
Lö ihuku ita Yehowa * moloʼö soida, mado, laʼa-laʼa guli, mazui si toʼölö tafalua. Hizaʼi, iʼosambuaʼö dödönia ba zabölö moguna, yaʼia daʼö lala wangera-ngerada hegöi ösi dödöda. Imane Sura Niʼamoniʼö, ”Ha soroma ba hörö niʼila niha, hizaʼi tödö nifaigi Yehowa.”—1 Samueli 16:7.
Si Tola Öfalua:
Hewaʼae na tebai taʼila nösi dödö niha, tola taʼoʼö duma-duma Lowalangi ba lö tafaböʼö-böʼöni niha. Forege wamaigi niha moloʼö nifaluara zamösana, tenga moloʼö ngawawara. Na örasoi wa so khöu lala wangera-ngera si lö sökhi sanandrösa ba niha böʼö, te börö me faböʼö madora mazui soira, angandrö khö Lowalangi enaʼö itolo ndraʼugö ba wolawa lala wangera-ngera simane daʼö. (Sinunö 139:23, 24) Na öʼandrö khö Yehowa soroi ba dödö ba wameʼe khöu faʼabölö enaʼö lö öfaböʼö-böʼöni niha, hasambalö ifondrondrongo wangandröu ba itolo ndraʼugö.—1 Fetero 3:12.
^ par. 6 Yehowa yaʼia daʼö töi Lowalangi.—Sinunö 83:18.
”Ba zilalö, lö irai fasinga ndraʼaga wedadao niha safusi uli si fao faʼohahau dödö . . . Iadaʼa, no tefarahu ndraʼo ba waʼafatalifusöta sindruhu ba zi sagörö ulidanö.”—TITUS
