Na löʼö, te itaria öʼila alua daʼö ba niha böʼö. Asese tarongo wa so zi fatuwu ba niha böʼö börö me faböʼö soira, madora, mazui börö me faböʼö agamara. Lua-luania, oya gamakhoita nibeʼe ndra samatörö ba wanguhuku niha samalua faʼalösökhi börö watiusa.

Fatiusa andrö alio sibai iʼadonogö watiusa. Asese lasulöni watiusa börö me fatiu dödö niha khöra. Daʼö mbörö wa lö tebato watiusa.

Te no irai alua khöu walöʼatulö, fangoʼaya, lalele, ba manahö-nahö dödö niha khöu. Hizaʼi sabölö-bölönia nasa, niha si fatuwu ira andrö asese lafakao-kao, lafakiko gokhötania, lahoröni, labunu, lahori zi sambua soi mazui mado.

Ba majalah daʼa ibeʼe khöda wanema li moroi ba wanofu-nofu andre:

• Hana wa ato sibai niha ba gulidanö andre zi fatiu tödö?

• Hewisa lala ba wolawa fatiusa?

• Hadia so dania samuza inötö lö hadöi saʼae fatiusa, ba hewisa lalania?