MANURIAIGÖ No. 1 2023 | Faʼafawuka Wangera-ngera—Fanolo Moroi ba Zura Niʼamoniʼö
Ba zi sagörö ulidanö, so zuta niha sanaögö faʼafawuka wangera-ngera. Larasoi daʼa ira si bohou ebua hegöi si no alawa döfi, gofu hewisa waʼebua gefera hegöi faʼalawa zekolara, ba gofu hadia ia madora hegöi agamara. Hadia waʼafawuka wangera-ngera andrö, ba hadia lua-luania ba niha? Itutunö ba majalah daʼa hana wa moguna sibai perawatan medis ba niha sanaögö daʼö, ba hadia manö mene-mene nibeʼe Zura Niʼamoniʼö si tola möi fanolora.
Faʼafawuka Wangera-ngera Salua ba zi Sagörö Ulidanö
Faʼafawuka wangera-ngera andrö tola göna ba niha gofu hewisa waʼalawa ndröfira mazui si toʼölö lafalua. Alui hewisa mene-mene Zura Niʼamoniʼö möi fanolomö ba wanaögö faʼafawuka wagera-ngera.
Iʼameʼegö Tödö Ndraʼugö Lowalangi
Abölö aboto ba dödö Yehowa hadia niʼera-eramö hegöi nirasoimö töra moroi ba niha böʼö. Hana wa tola faduhu dödöu daʼö?
1 | Fangandrö—”Mitouʼö ba Dangania Na So Zabu Dödömi Gofu Hadia Ia”
Hadia sindruhu omasi Lowalangi na tatutunö khönia ba wangandrö fefu waʼaombö-aombö dödöda? Hadia mbua nitema niha sorasoi faʼaombö dödö na ilau mangandrö?
2 | Fondrara Dödö Moroi ba Zura Niʼamoniʼö
Ifabuʼu Sura Niʼamoniʼö wa ba zi lö ara tö, lö hadöi saʼae niha sorasoi faʼabu dödö.
3 | Möi Fanolomö Duma-Duma si So ba Zura Niʼamoniʼö
Ba Zura Niʼamoniʼö, so waö-waö waʼauri niha simane yaʼita. Na tabaso daʼö, lö tarasoi wa ha yaʼi-yaʼita zanaögö faʼafawuka wangera-ngera.
4 | Mene-Mene Moroi ba Zura Niʼamoniʼö
Tola örasoi waʼomuso dödö na öʼangerönusi ayati Zura Niʼamoniʼö ba ötatugöi gohitö dödö si tola ökhamö. Tola möi fanolomö daʼö ba wanaögö faʼafawuka wangera-ngera.
Lala ba Wanolo Niha si Fawuka Fangera-ngera
Tola ötolo zi fahuwu mazui ösi nomou sanaögö faʼafawuka wangera-ngera. Moguna sibai wanolo nibeʼemö.
