Ato ba gotaluada si no mangila hewisa me mufalua zi lö atulö ba niha si sökhi amuata, mazui ifakao ira niha si lö sökhi. Hadia so ginötönia dania tehori walöʼatulö hegöi faʼalösökhi?

So wanema linia ba Zura Niʼamoniʼö nisura ba Zinunö 37, sameʼe fanuturu lala khöda ba ginötö andre. Nehegö hadia manö niwaʼönia moroi ba wanofu-nofu sabölö moguna andre.

• Hewisa ita ba niha samakao yaʼita?—Ayati 1, 2.

• Hadia zalua ba niha si lö sökhi?​—Ayati 10.

• Hadia dotönafö niʼokhögö niha samalua satulö ba zi so miföna?​—Ayati 11,  29.

• Hadia zinangea tafalua iadaʼa?​—Ayati 34.

Fehede famarou dödö nisura ba Zinunö 37 zameʼe fanötöna si sökhi ba zi so miföna ba niha ’sanötöna khö Yehowa ba sanörö lala andrö khönia’. Omasi ndra Samaduhuʼö Yehowa wanolo yaʼugö ba wamahaʼö ba Zura Niʼamoniʼö, enaʼö aboto ba dödöu lala wanöndra faʼahono dödö ba waʼauriu ba zi so miföna hegöi ba waʼauri niha niʼomasiʼöu.