Tola Ötema Howu-Howu si Lö Aetu moroi khö Lowalangi
Hadia omasiʼö toröi ba gulidanö si lö hadöi fasuwöta, faʼalösökhi ba fatitisa?
Hadia ödöna-döna waʼauri si lö hadöi fökhö, famakao ba faʼamate?
Hadia omasiʼö aheta moroi ba waʼaombö-aombö dödö ba faʼataʼu?
Hadia omasiʼö toröi ba nahia si lö hadöi bencana alam?
Iʼomasiʼö sibai niha gulidanö Lowalangi. Ifazökhi gulidanö si sökhi ba ifabuʼu wa hasambalö toröi ira ba daʼö si fao faʼahono dödö ba faʼowua-wua dödö sagötö faʼara. Hasambalö mofozu daʼö.
Ba artikel-artikel aefa daʼa, haogö önehegö:
Hadia dandra zangoromaʼö wa iʼomasiʼö ita Somböi yaʼita?
Hadia nösi Daromalinia?
Hadia manö niwaʼö ndra samaʼeleʼö sanandrösa ba mbuʼusa li Lowalangi?
Hewisa enaʼö tola tarasoi waʼowua-wua dödö ba waʼauri iadaʼa hegöi ba zi so miföna?
Si oföna, datafaigi hadia dandra zangoromaʼö wa iʼomasiʼö ita Somböi yaʼita.
