Hadia Niwa’ö Zura Ni’amoni’ö?
Hadia tola itolo ndra’ugö Sura Ni’amoni’ö ba wo’alösi fa’aombö-aombö dödö?
Hadia wanemau li?
Ya’ia
Tenga
Te ya’ia
Hadia niwa’ö Zura Ni’amoni’ö
”Mibe’e balazi ia [Lowalangi], na so zabu dödömi, gofu hadia ia, sososa dödönia ami.” (I Fetero 5:7) No ifabu’u Sura Ni’amoni’ö wa hasambalö itolo’ö Lowalangi moroi ba wa’aombö-aombö dödö.
Hadia nasa nifaha’ö Zura Ni’amoni’ö?
Moroi ba wangandrö wa tola ösöndra ’wa’ohahau dödö andrö, khö Lowalangi’ sangalösi fa’aombö-aombö dödö.—Filifi 4:6, 7.
Baero da’ö, tola göi möi fangalö stres na öbaso Daromali Lowalangi.—Matai’o 11:28-30.
Hadia tola taya wa’aombö-aombö dödö?
So ösa zi faduhu tödö . . . wa fa’aombö-aombö dödö hegöi stres no föfö zalua ba niha, ba so zi faduhu tödö wa tola taya wa’aombö-aombö dödö na no mate ita. Hewisa molo’ö ya’ugö?
Hadia niwa’ö Zura Ni’amoni’ö
Hasambalö ihori Lowalangi zi möi börö wa’aombö-aombö dödö. ”Ba lö fa’amate sa’ae, ba lö fa’abu dödö, ba lö fege-ege, ba lö fa’afökhö sa’ae.”—Fama’ele’ö 21:4.
Hadia nasa nifaha’ö Zura Ni’amoni’ö?
Ba Mbanua Lowalangi dania so wa’ohahau dödö hegöi fa’ahono dödö.—Yesaya 32:18.
Fa’aombö-aombö dödö hegöi stres hasambalö mu’olifugö.—Yesaya 65:17.
