SO ÖSA ZI FADUHU TÖDÖ wa famatörö Lowalangi da’ö si so ba dödö niha zamösana; tanö bö’önia lawa’ö wa da’ö sambua lala nifalua niha ena’ö so wa’atulö ba zi sagörö ulidanö ba so wahasara dödö ba niha. Hewisa molo’ö ya’ugö?

HADIA NIWA’Ö ZURA NI’AMONI’Ö

”Ba na luo razo andrö, ba i’asogö gamatöröwa Lowalangi ba zorugo, amatöröwa si tebai adudu, götö-götö wa’ara, . . . irasa dania gamatöröwa [niha] no mege fefu, ba ihori, ba ya’ia, ba lö tebulö, irugi zi lö aetu.” (Danieli 2:44) Sindruhu-ndruhu so gamatöröwa Mbanua Lowalangi andrö.

HADIA NASA NIFAHA’Ö ZURA NI’AMONI’Ö KHÖDA

• Mamatörö Mbanua Lowalangi moroi ba zorugo.​—Matai’o 10:7; Luka 10:9.

• I’oguna’ö Lowalangi gamatöröwania andrö ena’ö alua gohitö dödönia ba zorugo hegöi ba gulidanö.​—Matai’o 6:10.

HADIA WANEMAU LI?

• Samösa lö sangila

• Ba zi lö aratö

• Hasambalö lö tohare

HADIA NIWA’Ö ZURA NI’AMONI’Ö

”Ba teturiaigö dania Mbanua Lowalangi andrö, turia somuso dödö, ba gulidanö misa, ma’asagörö, ba wamaduhu’ö ba niha fefu, ba awena fa’atua danö.” (Matai’o 24:14) Na no teturiaigö Mbanua Lowalangi ba niha fefu, awena tohare Mbanua andrö ba wangohori si lö sökhi ba gulidanö.

HADIA NASA NIFAHA’Ö ZURA NI’AMONI’Ö KHÖDA

• Samösa lö sangila hawa’ara tohare Mbanua Lowalangi andrö.​—Matai’o 24:36.

• No ifa’ele’ö Sura Ni’amoni’ö wa ba zi lö aratö tohare Mbanua Lowalangi andrö.​—Matai’o 24:3, 7, 12.