Hadia Niwa’ö Zura Ni’amoni’ö?
Hadia ifondro-ndrongo fefu wangandrö Lowalangi?
HADIA ÖMANE TÖDÖU WA IFONDRO-NDRONGO WANGANDRÖ . . .
Fefu niha
Mato hadauga niha
Samösa lö’ö
HADIA NIWA’Ö ZURA NI’AMONI’Ö
”No ahatö Yehowa, ba zi angaröfi li ya’ia, fefu . . . soroi ba dödö.”—Zinunö 145:18.
HADIA NASA NIFAHA’Ö ZURA NI’AMONI’Ö?
Lö ifondro-ndrongo Lowalangi fangandrö niha solawa ya’ia. (Yesaya 1:15) Hiza’i, tola atulö ira khönia na labulö’ö gamuatara.—Yesaya 1:18.
Awena ifondro-ndrongo Lowalangi wangandrö zi samösa niha na ifaudugö wa’aurinia ba gamakhoitania si so ba Zura Ni’amoni’ö. —I Yohane 5:14.
Hadia no mutatugöi hewisa wetaroda na mangandrö?
SO ÖSA ZI FADUHU TÖDÖ wa moguna latuhi tou danö, lafakö’u högöra, mazui lafatahö dangara ba ginötö lalau mangandrö. Hewisa molo’ö ya’ugö?
HADIA NIWA’Ö ZURA NI’AMONI’Ö
He na ”mudadao” mazui ’musindro’ mazui ’lafalögu ira tou ba danö’ mazui ’labalöduhini tou zalo’ na mangandrö ira, hasambalö ifondro-ndrongo Lowalangi wangandröra. (I Nga’ötö 17:16; II Nga’ötö 30:27; Gesera 10:1; Halöwö Zinenge 9:40) Lö nitatugöi Lowalangi hewisa wetaroda na mangandrö ita.
HADIA NASA NIFAHA’Ö ZURA NI’AMONI’Ö?
Ifondro-ndrongo Lowalangi niha zangide-ngide’ö ya’ia.—Zinunö 138:6, Terjemahan Dunia Baru.
Tola mangandrö ndra’ugö ba ngawalö li mazui ölau mangandrö bakha ba dödö.—II Nga’ötö 6:32, 33; Nehemia 2:1-6.
