Oya zi tedou faʼatua-tua niha. Ba hadia tola so khöra wahasara dödö ba laʼosinangegö nawöra? Löʼö. Niha iadaʼa ha tana khöra laʼalui. Hizaʼi, ohitö dödö Lowalangi ba niha, sökhi moroi ba daʼö.​—Baso Yeremia 29:11; II Fetero 3:13.

Imane taromali Lowalangi, ba zi so miföna, teʼosambuaʼö fefu niha ba faoma laʼomasiʼö nawöra. Lö ametaʼuö ba niha, ba lö samalua si lö sökhi.​—Baso Yesaya 32:17, 18; Mikha 4:3, 4.

Meʼawena ifazökhi niha ba mböröta Lowalangi, lö hadöi amuata fakhögusa. Tobali, börö me lö laʼoʼö niwaʼö Yehowa niha si föföna, tobali ira niha si lö moʼahonoa. Börö ira wa so khöda gamuata fakhögusa. Hizaʼi, iʼogunaʼö Yesu Lowalangi ba wamuli yaʼita ba wamoʼahonoa.​—Baso Roma 7:18, 21, 24, 25.

Ihenaigö iʼera-era Lowalangi enaʼö mate Yesu tobali höli. Ba höli andrö zi tola manayaigö lua-lua horö niha si föföna. (Roma 5:19) Daʼö zameʼe fanötöna sahöli-höli dödö ba niha enaʼö aefa ira moroi ba gamuata fakhögusa so dönisi tödöra ba wamalua si lö sökhi.​—Baso Zinunö 37:9-11.