SINUNÖ 152
Nahia si Möi Famolakhömi Döimö
(1 Razo 8:27; 1 Ngaʼötö 29:14)
1. Yehowa fondrege zalawa,
Fondrege zebua lakhömi.
Lö itaha’ö ulidanö,
Lö itaha’ö sorugo.
Owulo ndra’aga fönamö
Ba wamosumange töimö.
Ma’andrö be’e gehehamö
Ba wahasara dödöma.
(REFREIN SI DUA)
Fefu gokhötama
Si otarai dangamö.
Mafuli mabe’e khöu
Tobali sumange.
(REFREIN)
Soroi ba dödöma wanunö
Wangandrö khöu saohagölö.
No ö’asogö nahia da’a
Ba wamolakhömi töimö.
2. Yehowa no ötehe khöma
Alua nidöna-dönama:
Nahia samolakhömi töimö,
Sangaro’ö famatima.
Ya’alua gohitö dödömö
Irugi wondrege danö.
Be’e khöma wa’anau gölö
Wangomusoi’ö tödömö.
(REFREIN SI DUA)
Fondrege zi sökhi
Da’ö nibe’ema khöu.
Ha ya’ugö zinangea
Nifosumangema.
(REFREIN)
Soroi ba dödöma wanunö
Wangandrö khöu saohagölö.
No ö’asogö nahia da’a
Ba wamolakhömi töimö.
