SINUNÖ 34
Böi Böhöli Waʼalöfaröi
-
1. Huku ndraʼo, yaʼugö Yehowa,
Fareso dödögu, faʼalöfaröigu.
Tandraigö ba sekhegö dödögu,
Amoniʼö lala wangera-ngeragu.
(REFREIN)
Ufabuʼu sagötö faʼara
wa lö uböhöli waʼalöfaröigu.
-
2. Lö fao ndraʼo ba zangumaö faya.
Fatuwu ndraʼo ba zangaoha sindruhu.
He Yehowa, böi faogö ndraʼodo
Na öhori fefu niha sebua horö.
(REFREIN)
Ufabuʼu sagötö faʼara
wa lö uböhöli waʼalöfaröigu.
-
3. Omasido nomomö Yehowa.
Ubeʼe zumange, ba lö uböhöli.
Ba zi fasui naha zumangemö,
Lö uböhöli ba wanuno yaʼugö.
(REFREIN)
Ufabuʼu sagötö faʼara
wa lö uböhöli waʼalöfaröigu.
(Faigi göi Zi. 25:2.)
