Me 24 Mbaŵa si Dua 2022 me sihulö wongi sibai, ira saradadu Rusia labörögö lasuwö Ukraina. Lö labato wamalua da’ö hewa’ae no laforege ira sondrönia’ö ba gulidanö ena’ö lö alua wasuwöta. Na simanö, hadia lua-lua wasuwöta andre ba zi sagörö ulidanö? Imane Sekretaris Jendral Perserikatan Bangsa-Bangsa sotöi António Guterres, ”Börö zalua andre, ato niha si tefakao, tekiko ngawalö hadia ia, ba lö hadöi fa’atulö ba Eropa hegöi ba zi sagörö ulidanö.”

•   No ifatunö Yesu Keriso ba ngaluo safuria andre ”Maoso dania zi sambua soi isuwö soi böʼö, simanö göi zalua ero sambu-sambua famatörö.” (Matai’o 24:7) Ena’ö oya ö’ila hadia niwa’ö Zura Ni’amoni’ö sanandrösa ba wasuwöta, ba so artikel ”Apa Saja Tanda ’Hari-Hari Terakhir’, atau ’Akhir Zaman’?”

•   Ba mbuku Wama’ele’ö si so ba Zura Ni’amoni’ö, fasuwöta andrö mu’amaedolagö ia simane si fakudo yawa ba kudo soyo si ”hulö wa’oyo galitö mbunia”, ba ”wangeheta fa’atulö ba gulidanö”. (Fama’ele’ö 6:4) Ena’ö oya ö’ila sanandrösa ba duho da’a, baso artikel ”Öfa zi Fakudo—Haniha Ira?”

•   No ifatunö ba mbuku Danieli wa so wa’udusa ba gotalua ”razo tanö yöu” hegöi ”razo tanö raya”. (Danieli 11:25-45) Ena’ö ö’ila hadia mbörö wa mufotöi razo tanö yöu Rusia hegöi si fao khönia, faigi video Alua zi No Mufa’ele’ö—Danieli Faza 11. a

•   Ifatunö göi buku Wama’ele’ö sanandrösa ba ”ngaluo wasuwöta sebua khö Lowalangi Fondrege Zabölö”. Lö ara tö alua wasuwöta andre. (Fama’ele’ö 16:14, 16) Hiza’i, fasuwöta da’a tenga simane fasuwöta ba gotalua soi simane ni’ilada iada’a. Ena’ö oya ö’ila sanandrösa ba wasuwöta nitutunö ba mbuku Wama’ele’ö, baso artikel ”Apa Perang Armagedon Itu?”

•   Ifatunö khöda Sura Ni’amoni’ö wa ”ibatogö wasuwöta ba zi sagörö ulidanö” Lowalangi. (Sinunö 46:9) Ena’ö oya ö’ila sanandrösa ba nifabu’u Lowalangi ba zi so miföna, baso artikel ”Harapan Cerah yang Pasti Terwujud”.

•   Ifaha’ö ndra solo’ö khönia Yesu, ena’ö la’angandröi wa’atohare Wamatörö Lowalangi. (Matai’o 6:9, 10) Famatörö Lowalangi ya’ia da’ö amatöröwa si so ba zorugo ba wamalua ohitö dödönia ba gulidanö, simane ba wanga’asogö fa’atulö ba gulidanö. Ena’ö oya ö’ila sanandrösa hadia manö nifalua Wamatörö Lowalangi, faigi video Hadia Mbanua Lowalangi Andrö?

 Töra 129.000 ndra Samaduhu’ö Yehowa ba Ukraina. Simane ira Samaduhu’ö Yehowa ba soi bö’ö, la’o’ö Yesu ba lö fa’awö dambai ira ba politik hegöi ba wasuwöta. (Yohane 18:36) Ira Samaduhu’ö Yehowa ba zi sagörö ulidanö, lö laböhöli wanuriaigö turia somuso dödö wa ha Famatörö Lowalangi dania zangeheta fefu gabula dödö niha gulidanö, farahu ba da’ö wasuwöta. (Matai’o 24:14) Na omasi’ö ö’ila sanandrösa ba dötönafö nifabu’u Lowalangi, tola hubungi ndra’aga.