Sara Ngaʼötö 20:1-8
20 Me böröta ndröfi,* ba ginötö fasuwö ndra razo, Yoabi+ zondröniaʼö fasuwöta ba idudugö mbanua niha Gamoni. Möi ia ifaʼuʼu Raba+ ba toröi Dawido ba Yeruzalema.+ Isuwö mbanua Raba andrö Yoabi ba idudugö.+
2 Aefa daʼö, ihalö dakula moroi ba högö Malakama* Dawido ba ifake. Faʼabua dakula andrö 34,2 kilogram* anaʼa, ba so misa gara sebua böli. Oya sibai göi niʼohenia si no irabu ba mbanua daʼö.+
3 Iʼohe baero niha si so ba daʼö ba iwaʼö khöra wohalöwö,+ laʼogunaʼö garagazi wanaba kara, ngawalö ziʼöli satarö ba fato. Daʼö nifalua Dawido ba mbanua niha Gamoni maʼasagörö. Lö ara, mangawuli Dawido ba Yeruzalema hegöi ira saradadunia.
4 Lö ara aefa daʼö, ifuli zui fasuwö niha Wilisiti ba Gezeri. Me luo daʼö, ibunu Zifaʼi ngaʼötö Refaʼi+ andrö Sibekhai+ niha Husa, ba lakalaisi niha Wilisiti.
5 Ifuli zui fasuwö niha Wilisiti, ba maoso Gelehana ono Yaʼiri ibunu Lami talifusö Goliato+ niha Gata sololohe toho, faʼesolo ndranga dohonia simane faʼesolo geu famagaölö ba wanoso nukha.+
6 Ifuli zui alua wasuwöta ba Gata.+ So ba daʼö ndra matua sebua niha,+ 6 rozi duturu dangania fatambai awö gahenia ba fefu duturunia 24 rozi. Yaʼia andrö göi ngaʼötö Refaʼi.+
7 Lö iböhöli wangoʼaya+ iraono Gizaraʼeli, andrö ibunu ia Yonata ono Zimea+ talifusö Dawido.
8 Daʼö ngaʼötö Refaʼi+ niha Gata,+ si mate ba danga Dawido hegöi ba danga ndra sawuyunia.
Nisura ba gahe zura
^ Yaʼia daʼö baŵa woliwiö.
