Sara Ngaʼötö 23:1-32
23 Me no atua Dawido ba arakhagö mate, ifataro nononia Selomo tobali razo ba ndraono Gizaraʼeli.+
2 Iʼowuloi fefu zondröniaʼö ba Gizaraʼeli, ira ere+ awö niha Lewi.+
3 Muʼerai samö-samösa niha Lewi si töra 30 fakhe,+ ba faʼatora 38.000.
4 Ba gotaluara so 24.000 zamaigi-maigi halöwö ba nomo Yehowa, 6.000 zondröniaʼö ba sanguhuku,+
5 so 4.000 zanaro bawa göli,+ ba 4.000 niha zanuno+ Yehowa samoli fakake zinunö, simane niwaʼö Dawido, ”Ufazökhi ia ba wameʼe fanuno.”
6 Iföföʼö* ira Dawido+ ba ngawawa ndraono Lewi, yaʼia daʼö Gereso, Kahati, ba Merari.+
7 Ngaʼötö Gereso yaʼia daʼö Laedana ba Simeʼi.
8 So datölu nono matua khö Laedana, yaʼia daʼö Yehieli si tobali sondröniaʼö, Setama, ba Yoeli.+
9 So datölu nono matua khö Zimeʼi, yaʼia daʼö Selomoto, Hazieli, ba Harana. Yaʼira zondröniaʼö ba nösi nomo zatua ira matua khö Laedana.
10 Ono Zimeʼi yaʼia daʼö Yahata, Sina, Yehusi, ba Beria. Yaʼira si daöfa andrö nono Zimeʼi.
11 Yahata zi tobali sondröniaʼö, ba Siza ganetenia. Hizaʼi, börö me lö ato nono matua khö Yehusi faoma khö Mberia, andrö wa ha sambua ösi nomo zatua ira matua wangerai yaʼira, ba ha sambua halöwöra.
12 So daöfa nono matua khö Gahati, yaʼia daʼö Ameramo, Yisihara,+ Heberona, ba Usieli.+
13 Ono Gameramo yaʼia daʼö Aʼaroni+ ba Moze.+ Hizaʼi, mufasambua Gaʼaroni awö nononia matua+ ba wangamoniʼö Nahia Wondrege Niʼamoniʼö, labeʼe zumange khö Yehowa, mangai halöwö ira, ba lafahowuʼö niha ba döi Lowalangi.+
14 Ono Moze enoni Lowalangi sindruhu andrö farahu ba ngawawa mado Lewi.
15 Ono Moze yaʼia daʼö Geresomo+ ba Eliezeri.+
16 Ba gotalua nono Geresomo, Sebueli+ zi tobali sondröniaʼö.
17 Ba gotalua ngaʼötö* Geliezeri, Rehabia+ zi tobali sondröniaʼö. Lö ono matua tanö böʼö khö Geliezeri, hizaʼi ato sibai nono matua khö Rehabia.
18 Ba gotalua nono Yisihara,+ Selomiti+ zi tobali sondröniaʼö.
19 Ba gotalua nono Heberona, Yeriya zi tobali sondröniaʼö, numero dua Amaria, numero tölu Yehazieli, ba numero öfa Yakameama.+
20 Ba gotalua nono Gusieli,+ Mikha zi tobali sondröniaʼö, ba Yisia ganetenia.
21 Ono Merari yaʼia daʼö Maheli ba Musi.+ Ono Maheli yaʼia daʼö Eleazari ba Kisi.
22 Mate Geleazari ba lö khönia ono matua. Ono alawe fefu nononia. Börö daʼö, talifusöra iraono Gisi zangai yaʼira tobali foʼomo.
23 So datölu nono Musi yaʼia daʼö Maheli, Ederi, ba Yeremoto.
24 Yaʼira nono Lewi si farahu ba döi-töi nösi nomo zatuara ira matua hegöi ira sondröniaʼö, si no muʼerai ba mutötöi ba wangai halöwö ba nomo Yehowa, si töra 20 fakhe.
25 No imane Dawido, ”No iʼefaʼö nono mbanuania Yehowa Lowalangi ndraono Gizaraʼeli ba danga nudu,+ ba toröi ia dania ba Yeruzalema sagötö faʼara.+
26 Baero daʼö, lö moguna lafazawa nose Lowalangi ira niha Lewi mazui gofu hadia gama-gama niʼogunaʼö ba wamosumange Lowalangi.”+
27 Simane fanuturu lala safuria nibeʼe Dawido, laʼerai niha Lewi si töra 20 fakhe.
28 Halöwöra yaʼia daʼö ba wanolo ono Gaʼaroni+ ba wangai halöwö ba nomo Yehowa, ba wamaigi-maigi olayama,+ nahia wemanga, fangehao ngawalö niʼamoniʼö, ba fefu halöwö soguna ba wangai halöwö ba nomo Lowalangi sindruhu.
29 Latolo göi wamaʼanö roti nifalaete,*+ hamo darigu si sökhi si tobali sumange niʼa,* roti sanifi-nifi si lö mufaruka ragi,+ roti nifazökhi ba kuali saloʼo, hamo darigu nifaruka,+ simanö göi ngawalö zuʼa-suʼa fangerai hegöi fanuʼa.
30 Ero sihulö wongi+ hegöi na bongi, laʼandrö saohagölö khö Yehowa ba lasuno ia.+
31 Latolo ba wameʼe sumange nitunu khö Yehowa ero ngaluo Sabato,+ ba mbaŵa si bohou,+ ba sagötö wamalua owasa,+ moloʼö amakhoita si no muhonogöi, ba lö laböhöli wamalua daʼö föna Yehowa.
32 Lafalua göi halöwö si tobali foʼömöra ba nose waʼowulo, nahia niʼamoniʼö hegöi khö ndra talifusöra ono Gaʼaroni, ba wangai halöwö ba nomo Yehowa.
Nisura ba gahe zura
^ Mazui ”Ibagi”.
^ Sin.: ”ndraono”.
^ Daʼa roti nibaliʼö sumange.
^ Mazui ”sumange bua nowi”.
