Sara Ngaʼötö 24:1-31
24 Daʼa ngawawa ngaʼötö Gaʼaroni: Ono Gaʼaroni yaʼia daʼö Nadabi, Abihu,+ Eleazari ba Itamari.+
2 Oföna mate Nadabi faoma Abihu moroi khö namara,+ ba lö hadöi khöra ono matua. Hizaʼi, lö laböhöli wangai halöwö gere ira Eleazari+ ba Itamari.
3 Dawido ba Sadoki+ moroi ba ngawawa nono Geleazari, ba Ahimelekhi moroi ba ngawawa nono Gitamari, labagi ngawawara ba halöwö nifaluara.
4 Börö me abölö ato zondröniaʼö ba gotalua nono Geleazari moroi ba nono Gitamari, labagi 16 ngawawa zondröniaʼö yaʼira ba nösi nomo zatua ira matua khö nono Geleazari, ba 8 zondröniaʼö ba nösi nomo zatua ira matua khö nono Gitamari.
5 Lafalua dahö-dahö+ ba wombagi ngawawa si dombua andrö. Moroi ba nono Geleazari ba moroi ba nono Gitamari, so zondröniaʼö nahia niʼamoniʼö ba sondröniaʼö sangai halöwö khö Lowalangi sindruhu.
6 Semaya ono Netaneʼeli sekretaris niha Lewi, isura döira föna Razo, föna ndra sondröniaʼö, Ere Sadoki,+ Ahimelekhi+ ono Gabiataro,+ ba sondröniaʼö ba nösi nomo zatua ira matua khö ndra ere hegöi ba niha Lewi. Lafili khö Geleazari sambua nösi nomo zatua ira matua ba sambua göi khö Gitamari.
7 Dahö-dahö si oföna aekhu khö Yoyaribi, si dua khö Yedaya,
8 si tölu khö Harimi, si öfa khö Zeorimi,
9 si lima khö Malakhia, si önö khö Miyamini,
10 si fitu khö Hakosi, si walu khö Gabia,+
11 si siwa khö Yesua, si fulu khö Zekhania,
12 si 11 khö Geliasibi, si 12 khö Yakimi,
13 si 13 khö Hufa, si 14 khö Yesebeabi,
14 si 15 khö Mbiliga, si 16 khö Gimeri,
15 si 17 khö Hesiri, si 18 khö Hafisi,
16 si 19 khö Wetaya, si 20 khö Yehesikeli,
17 si 21 khö Yakhino, si 22 khö Gamuli,
18 si 23 khö Delaya, ba si 24 khö Maʼasia.
19 Daʼa halöwö nifaluara+ me möi ira ba nomo Yehowa, moloʼö si no ihonogöi tuara Aʼaroni, simane sibai niwaʼö Yehowa khöra, Lowalangi ndraono Gizaraʼeli.
20 Moroi ba nono Lewi tanö böʼö: moroi ba nono Gameramo,+ so Zubaeli;+ moroi ba nono Zubaeli, Yedeya;
21 moroi khö Rehabia,+ yaʼia daʼö moroi ba nono Rehabia: Yisia zi tobali sondröniaʼö;
22 moroi ba ngaʼötö Yisihara: Selomoto;+ moroi ba nono Selomoto: Yahata;
23 moroi ba nono Heberona: Yeriya+ zi tobali sondröniaʼö, numero dua Amaria, numero tölu Yehazieli, ba numero öfa Yakameama;
24 moroi ba nono Gusieli: Mikha; moroi ba nono Mikha: Samiri.
25 Talifusö Mikha yaʼia daʼö Yisia; moroi ba nono Yisia: Zakharia.
26 Ono Merari+ yaʼia daʼö Maheli ba Musi; moroi ba nono Yaʼasia: Beno.
27 Moroi ba nono Merari, yaʼia daʼö Yaʼasia: Beno, Sohama, Sakuri, ba Iberi;
28 moroi khö Maheli: Eleazari, si lö ono matua;+
29 moroi khö Gisi, yaʼia daʼö moroi ba nono Gisi: Yerameli;
30 ba ono Musi yaʼia daʼö Maheli, Ederi, ba Yerimoto.
Yaʼira nono Lewi moroi ba nösi nomo zatuara ira matua.
31 Lafalua dahö-dahö,+ simane nifalua dalifusöra ono Gaʼaroni föna Razo Dawido, Sadoki, Ahimelekhi, ba sondröniaʼö ba nösi nomo zatua ira matua khö ndra ere hegöi ba niha Lewi. Moroi ba nösi nomo zatua ira matua, lö tohude zondröniaʼö moroi khö ndra talifusöra sagawuyu-wuyu.
