Sara Ngaʼötö 27:1-34
-
Ira sondrönia’ö sangai halöwö khö razo (1-34)
27 Daʼa waʼato ndraono Gizaraʼeli, ira sondröniaʼö moroi ba nösi nomo zatua ira matua, kumandru zi saribu ba kumandru zi daotu,+ ba ira sondröniaʼö sangai halöwö khö Razo+ ba wamöföʼö ngawalö zoʼamakhaita ba ngawawa si tohare ba sofanö ero waŵa barö zi döfi. So 24.000 niha ero sambua ngawawa.
2 Sondröniaʼö ngawawa si oföna ba mbaŵa siföföna yaʼia daʼö Yasobea+ ono Zabidieli, ba so 24.000 niha ba ngawawa si fao khönia.
3 Moroi ba nono Weresi,+ yaʼia gafalo zondröniaʼö ngawawa zohalöwö ba mbaŵa siföföna.
4 Sondröniaʼö ngawawa ba mbaŵa si dua yaʼia daʼö Dodai+ niha Gahohi,+ ba Mikoloto zondröniaʼö, ba so 24.000 niha ba ngawawa si fao khönia.
5 Sondröniaʼö ngawawa si tölu ba mbaŵa si tölu yaʼia daʼö Benaya+ ono Gafalo Gere Yehoyada,+ ba so 24.000 niha ba ngawawa si fao khönia.
6 Benaya andre samösa saradadu sabölö ba gotalua zi tölu ngafulu niha andrö, ba yaʼia zondröniaʼö. Sondröniaʼö ngawawa khöra yaʼia daʼö ononia Amisabada.
7 Si öfa ba mbaŵa si öfa yaʼia daʼö Azaheli+ talifusö Yoabi,+ ba ononia Sebadia zi tobali fangalinia, ba so 24.000 niha ba ngawawa si fao khönia.
8 Sondröniaʼö si lima ba mbaŵa si lima yaʼia daʼö Samihuti niha Yiseraya, ba so 24.000 niha ba ngawawa si fao khönia.
9 Si önö ba mbaŵa si önö yaʼia daʼö Ira+ ono Gike niha Dekoa,+ ba so 24.000 niha ba ngawawa si fao khönia.
10 Si fitu ba mbaŵa si fitu yaʼia daʼö Helesi+ niha Walono ngaʼötö Geferai, ba so 24.000 niha ba ngawawa si fao khönia.
11 Si walu ba mbaŵa si walu yaʼia daʼö Sibekhai+ niha Husa ngaʼötö Zera,+ ba so 24.000 niha ba ngawawa si fao khönia.
12 Si siwa ba mbaŵa si siwa yaʼia daʼö Abiezeri+ niha Ganatoti+ ngaʼötö Mbeniami, ba so 24.000 niha ba ngawawa si fao khönia.
13 Si fulu ba mbaŵa si fulu yaʼia daʼö Maharai+ niha Netofa ngaʼötö Zera,+ ba so 24.000 niha ba ngawawa si fao khönia.
14 Si 11 ba mbaŵa si 11 yaʼia daʼö Benaya+ niha Wiratono moroi ba nono Geferai, ba so 24.000 niha ba ngawawa si fao khönia.
15 Si 12 ba mbaŵa si 12 yaʼia daʼö Helidaʼi niha Netofa ngaʼötö Otenieli, ba so 24.000 niha ba ngawawa si fao khönia.
16 Daʼa zondröniaʼö mado ndraono Gizaraʼeli. Khö Rubeno: Eliezeri ono Zikhiri; khö Zimeoni: Sefatia ono Maʼakha;
17 khö Lewi: Hasabia ono Gemueli; ba ngaʼötö Gaʼaroni: Sadoki;
18 khö Yehuda: Elihu,+ samösa moroi ba gotalua dalifusö Dawido; khö Gisasari: Omeri ono Mikhaʼeli;
19 khö Zebuloni: Yisimaya ono Gobadia; khö Nafetali: Yerimoto ono Gaserieli;
20 khö Geferai: Hosia ono Gazasia; ba zi matonga mado Manase: Yoeli ono Wedaya;
21 ba zi matonga mado Manase ba Gileadi: Ido ono Zakharia; khö Mbeniami: Yaʼasieli ono Gabineri;+
22 khö Dano: Asareʼeli ono Yeroha. Yaʼira andrö zondröniaʼö mado ndraono Gizaraʼeli.
23 Lö iʼerai Dawido niha sambö 20 fakhe, börö me Yehowa zamabuʼu wa iʼoyaʼö ndraono Gizaraʼeli simane döfi ba dalu mbanua.+
24 Ibörögö halöwönia Yoabi ono Zeruya ba wangerai iraono Gizaraʼeli, hizaʼi lö sawai. Mofönu Lowalangi ba ndraono Gizaraʼeli ba wangerai daʼö.+ Lö si tesura hawaʼato ira ba waö-waö wamatörö Razo Dawido.
25 Samaigi-maigi naha wangiröʼö harato Razo+ yaʼia daʼö Asimaweti, ono Gadieli; naha wangiröʼö* ba nowi, ba mbanua sebua, ba mbanua side-ide, ba malige: Yonata ono Usia;
26 samaigi-maigi ira sohalöwö ba nowi: Eseri ono Gelubi;
27 ba kabu nagu: Simeʼi niha Rama; sangöhöna agu nibadu moroi ba kabu nagu: Sabidi niha Zifimoti;
28 ba kabu zaitu awö döla ara gatua+ ba Zefela:+ Baʼali-hanana niha Gederi; sangöhöna fanikha: Yoasi;
29 sokubaloi ngawawa zawi si manga duʼu ba Zarona:+ Siterai niha Zarona; sokubaloi ngawawa zawi ba ndraso: Safata ono Gadela;
30 sokubaloi ondra: Obili ngaʼötö Zimaʼeli; sokubaloi kalide:* Yedeya niha Meronoti;
31 sokubaloi nambi awö mbiri-biri: Yasisi niha Hegara. Yaʼira andrö fefu zamaigi-maigi harato Razo Dawido.
32 Yonata+ tana nono Dawido andrö samösa sanuturu lala, niha safönu faʼaboto ba dödö ba samösa sekretaris, ba Yehieli ono Hakhamoni andrö zondrorogö ono razo.+
33 Ahitofeli+ zanuturu lala khö razo, ba Huzaʼi+ niha Garakhi zi fahuwu khö* razo.
34 Aefa Gahitofeli, so Yehoyada ono Mbenaya,+ ba so göi Gabiataro;+ ba Yoabi+ zi tobali kumandru zaradadu khö razo.
Nisura ba gahe zura
^ Mazui ”naha wangiröʼö harato”.
^ Mazui ”kalide si alawe”.
^ Mazui ”niha nifaduhusi tödö”.
