Sara Ngaʼötö 4:1-43
4 Ono Yehuda yaʼia daʼö Feresi,+ Hezerono,+ Karemi, Huri+ ba Sobala.+
2 Reaya ono Zobala ama Yahata. Yahata ama Gahumai ba Lahadi. Yaʼira andre ösi nomo niha Zoreati.+
3 Ono nama Getama+ yaʼia daʼö Yezereʼeli, Yisima ba Yidibasi (ba töi dalifusöra alawe yaʼia daʼö Haselelifoni).
4 Fenueli ama Gedoro, ba Ezeri ama Husa. Yaʼira andrö ono Huri.+ Huri andre ono siaʼa khö Geferata ba ama Mbetilekhema.+
5 Darua woʼomo Gasihuri+ ama Dekoa,+ yaʼia daʼö Helea ba Naera.
6 Tumbu nono Naera yaʼia daʼö Ahusa, Heferi, Timeni ba Ahasari. Yaʼira andre ono Naera.
7 Ono Helea yaʼia daʼö Sareti, Yisihara ba Etano.
8 Kosi ama Ganubi, Sobeba, ba ösi nomo Gagareheli ono Harumi.
9 Abölö tefosumange Yabesi ba gotalua ndra talifusönia. Inania zameʼe töinia Yabesi* börö me imane, ”Uʼadonogö ia si fao faʼafökhö.”
10 Muʼao Yabesi khö Lowalangi Gizaraʼeli, ”Yaʼöfahowuʼö ndraʼo ba öʼeboloʼö danögu. Yafao dangau khögu ba wolumöʼö yaʼo moroi ba wamakao irege lö teʼala ndraʼo!” Börö daʼö, ifondrondrongo wangandrönia Lowalangi.
11 Kelubi talifusö Zuha, daʼö nama Mehiri ama Gesihono.
12 Esihono ama Mbeti-rafa, Fasea ba Tehina ama Giri-nahazi. Yaʼira andre niha Rekha.
13 Ono Genasi yaʼia daʼö Otenieli,+ Seraya, ba ono* Gotenieli yaʼia daʼö Hatata.
14 Menotaʼi ama Gofera. Seraya ama Yoabi tua ndra niha Ge-harasi.* Lafotöi ira daʼö börö me yaʼira tuka sogonekhe.
15 Ono Galebi+ ono Yefune yaʼia daʼö Iru, Ela ba Naʼama. Ono* Gela yaʼia daʼö Kenasi.
16 Ono Yehaleleli yaʼia daʼö Sifi, Sifa, Tiria ba Asereli.
17 Ono Gesera yaʼia daʼö Yeteri, Meredi, Eferi ba Yalono. Manabina ndra alawe daʼö* ba tumbu khönia Miriya, Samai ba Yisiba ama Gesemoa.
18 (Foʼomonia niha Yahudi, ba tumbu khönia Yeredi ama Gedoro, Heberi ama Zokho, ba Yekutieli ama Zanoa.) Yaʼira andre ono Mbitia. Bitia andre ono Waraʼo ono alawe sangowalu khö Meredi.
19 Ono si tumbu moroi khö woʼomo Hodia talifusö Nahamo ira alawe yaʼia daʼö ama Kegila niha Garimi ba Esemoa niha Maʼakhati.
20 Ono Zimoni yaʼia daʼö Amoni, Rina, Beni-hanana ba Tilono. Ono Yisei yaʼia daʼö Soheti ba Beni-zoheti.
21 Ngaʼötö Zela+ ono Yehuda yaʼia daʼö Ero ama Lekha, Laeda ama Maresa, ba ösi nomo zamazökhi nukha si sökhi moroi ba ngaʼötö* Gasebea,
22 ba Yokimi niha Goseba, Yoasi, ba Sarafa sangowalu ba ndra alawe Moabi, ba Yasubi-lehema. Iʼotarai me föna no tesura daʼa.
23 Yaʼira andrö tuka samöbözi tambu laʼuri si toröi ba Netaʼi awö ba Gedera. Ba daʼö toröi ira ba mohalöwö ira khö razo.
24 Ono Zimeoni+ yaʼia daʼö Nemueli, Yamini, Yaribi, Sera ba Saulo.+
25 Ono Zaulo yaʼia daʼö Salumi. Ono Zalumi yaʼia daʼö Mibisama. Ono Mibisama yaʼia daʼö Misima.
26 Ono Misima yaʼia daʼö Hamueli. Ono Hamueli yaʼia daʼö Sakuri. Ono Zakuri yaʼia daʼö Simeʼi.
27 Faʼato nono Zimeʼi ono matua 16 ba 6 nono alawe, hizaʼi lö ato nono dalifusönia matua. Samösa lö ba nösi nomora sangokhögö ono matua simane faʼoya niha Yehuda.+
28 Toröi ira ba Mbere-seba,+ Molada,+ Hasara-suali,+
29 Biliha, Esema,+ Tolada,
30 Betueli,+ Horama,+ Sikelagi,+
31 Beti-makaboti, Hasara-zusi,+ Beti-mbireʼi ba Saʼaraʼi. Daʼö mbanuara irege mamatörö Dawido.
32 Toröi ira ba Getama, Aʼina, Rimona, Tokhene ba Asana.+ Lima banua fefu,
33 simanö göi mbanua ba zi fasui daʼö ofeta ba Mbaʼali. Daʼö döi-töi ngaʼötöra hegöi nahia waʼatoröira.
34 Mezobaba, Yamilekhi, Yosa ono Gamasia,
35 Yoeli, Yehu ono Yozibia ono Zeraya ono Asieli,
36 Eliyoenai, Yaʼakoba, Yezohaya, Asaya, Adieli, Yezimieli, Benaya,
37 Sisa ono Zifei ono Alono ono Yedaya ono Zimeri ono Zemaya.
38 Fefu zi no mutötöi andrö, daʼö zondröniaʼö ba nösi nomora, ba monönö waʼato nösi nomo duara.
39 Möi ira ba lala numalö ba Gedoro tanö ba gatumbukha ndraso ba wangalui benua soduʼu balazo guriföra.
40 Ba lasöndra mbenua soduʼu satabö ba si sökhi ba danö sebolo, sahono ba si lö ametaʼuö. Si toröi ba daʼö mböröta yaʼia daʼö ngaʼötö Khamo.+
41 Tohare fefu niha si no musura töi andrö ba götö Hizikia+ razo Yehuda, ba ladudugö nose ngaʼötö Khamo awö niha Moini si so ba daʼö. Lahori fefu, hulö simane niʼila niha irugi maʼökhö, ba toröi ira ba daʼö börö me so mbenua soduʼu balazo guriföra.
42 So ösa niha Zimeoni faʼatora 500 niha si möi ba Hili Zeʼira,+ nidöniaʼö ndraono Yisei, yaʼia daʼö Felatia, Nearia, Refaya ba Usieli.
43 Aefa daʼö, lakalaisi niha Gamaleki+ si toröi ba laʼiagö daʼö irugi maʼökhö.
Nisura ba gahe zura
^ Töi Yabesi te so gamakhaitania ba li Heberaiʼo eluahania ”faʼafökhö”.
^ Sin.: ”iraono”.
^ Eluahania ”Daso Tuka Sogonekhe”.
^ Sin.: ”Iraono”.
^ Te eluahania Bitia ba ayati 18.
^ Sin.: ”nomo”.
