Sara Ngaʼötö 9:1-44
9 Tefasuraʼö fefu döi ndraono Gizaraʼeli moloʼö ngaʼötöra ba no tesura daʼö ba Mbuku Razo-Razo Gizaraʼeli. Teʼoloiʼö Yehuda ba Mbabilona börö me faröi ira.+
2 Si oföna mangawuli ba mbanuara yaʼia daʼö iraono Gizaraʼeli ösa, ira ere, niha Lewi, ba enoni ba gosali.*+
3 So ösa moroi ba ngaʼötö Yehuda,+ ngaʼötö Mbeniami,+ ngaʼötö Geferai, ba ngaʼötö Manase si toröi ba Yeruzalema, yaʼia daʼö:
4 Utaʼi ono Gamihudi ono Gomeri ono Gimeri ono Mbani, ngaʼötö Weresi+ ono Yehuda.
5 Moroi ba ngaʼötö Zilo: Asaya nononia siaʼa awö ndraononia matua.
6 Moroi ba nono Zera:+ Yeueli ba 690 dalifusöra.
7 Moroi ba ngaʼötö Mbeniami: Salu ono Mesula ono Hodawia ono Hasinua,
8 Yibeneya ono Yeroha, Ela ono Usi ono Mikhira, ba Mesula ono Zefatia ono Regueli ono Yibeniya.
9 Moloʼö waö-waö ngaʼötöra, so 956 niha dalifusöra. Fefu oi sondröniaʼö ba nösi nomo zatuara ira matua.
10 Moroi ba gotalua ndra ere, so Yedaya, Yoyaribi, Yakhino,+
11 Asaria ono Hilikia ono Mesula ono Zadoki ono Merayoto ono Gahitobi, sondröniaʼö ba nomo* Lowalangi sindruhu,
12 Adaya ono Yeroha ono Wasuri ono Malakhia, Maesai ono Gadieli ono Yasera ono Mesula ono Mesilemiti ono Gimeri,
13 ba talifusöra, ira sondröniaʼö ba nösi nomo zatua ira matua, so 1.760 niha sagabölö, si tola mufaduhusi tödö ba si tola mangai halöwö ba nomo Lowalangi sindruhu.
14 Moroi ba niha Lewi, so Zemaya+ ono Hasubi ono Gasirika ono Hasabia ngaʼötö Merari;
15 Bakabakara, Heresi, Galala, Matania ono Mikha ono Zikhiri ono Gasafo,
16 Obadia ono Zemaya ono Galala ono Yedutuno hegöi Berekhia ono Asa ono Gelikana, si toröi ba mbanua side-ide ba Netofa.+
17 Sanaro bawa göli+ yaʼia daʼö Salumi, Akubi, Talamono, Ahima. Talifusöra Salumi zondröniaʼö yaʼira.
18 Irugi me luo daʼö, mangai halöwö ia ba mbawa göli gödo razo tanö ba gatumbukha.+ Yaʼira zanaro bawa göli nose niha Lewi.
19 Salumi ono Goresi ono Gebiasafo ono Gora, ba ira talifusönia moroi ba nösi nomo zatuania ira matua, ngaʼötö Gora, yaʼira zamaigi-maigi sanaro bawandruhö nose. Ira tuara mböröta zamaigi-maigi ose Yehowa, sanaro lala weʼamöi bakha.
20 Fineha+ ono Geleazari+ zondröniaʼö yaʼira ba zilalö. Fao khönia Yehowa.
21 Zakharia+ ono Mezelimia zanaro bawandruhö nose waʼowulo.
22 Faʼato fefu nifili si tobali sanaro bawa göli yaʼia daʼö 212 niha. Toröi ira ba nahiara zamösana moloʼö sura ngaʼötö khöra.+ Dawido ba Samueli sangiʼila+ andrö zamataro yaʼira ba halöwö nifaduhusi tödö khöra.
23 Yaʼira ba onora matua zanaro bawa göli ba nomo Yehowa,+ yaʼia daʼö ose Lowalangi.
24 So ndra sanaro bawa göli ba zi öfa watalinga nose andrö yaʼia daʼö tanö ba gatumbukha, ba gaekhula, tanö yöu, ba tanö raya.+
25 Ero-ero inötö, tohare ndra talifusöra moroi ba nahiara zamösana fao ira wangai halöwö ba zi fitu hari waʼara.
26 So daöfa gafalo zanaro bawa göli* si no mubeʼe halöwö nifaduhusi tödö. Yaʼira andre niha Lewi ba yaʼira zanarogö naha wangiröʼö harato ba nomo Lowalangi sindruhu.+
27 Manaro ira sara wongi waʼara, lafasui nomo Lowalangi sindruhu. Yaʼira zololohe ono kusi ba samokai bawandruhö ero sihulö wongi.
28 So ösa zanaro gama-gama+ niʼogunaʼö ba wamosumange Lowalangi. Yaʼira zangerai na laʼohe bakha hegöi na laʼohe baero gama-gama daʼö.
29 So göi nituyu ba wanarogö gama-gama, fefu gama-gama niʼamoniʼö,+ hamo darigu si sökhi,+ agu,+ fanikha,+ kumöyö+ ba fanikha famayoini.+
30 So ösa nono gere samaruka fanikha somuhua moroi ba wanikha famayoini.
31 Matitia niha Lewi, ono siaʼa khö Zalumi ngaʼötö Gora, daʼö zanema halöwö nifaduhusi tödö ba wanarogö fefu nibogö ba kuali.+
32 So ösa dalifusöra ngaʼötö Gahati sohalöwö ba wamaʼanö roti nifalaete,*+ lafaʼanö ero luo sabato.+
33 Yaʼira andrö sanunö, ira sondröniaʼö ba nösi nomo zatua ira matua, si so ba mbateʼe.* Lö labeʼe khöra halöwö tanö böʼö börö me mangai halöwö ira bongi maʼökhö.
34 Yaʼira zondröniaʼö ba nösi nomo zatua ira matua moroi ba niha Lewi moloʼö waö-waö ngaʼötöra. Toröi ira ba Yeruzalema.
35 Yeieli ama Gibeona, toröi ba Gibeona.+ Töi woʼomonia Maʼakha.
36 Ononia siaʼa yaʼia daʼö Abedono, ganetenia Zuri, Kisi, Baʼali, Neri, Nadabi,
37 Gedoro, Ahio, Zakharia, ba Mikeloto.
38 Mikeloto ama Zimeama. Toröi ira fefu ba zinga ndra talifusöra ba Yeruzalema, ba fao göi ndra talifusöra tanö böʼö.
39 Neri+ ama Gisi. Kisi ama Zaulo.+ Saulo ama Yonata,+ Malikhi-sua,+ Abinadabi,+ ba Esebaʼali.
40 Ono Yonata yaʼia daʼö Meribaʼali.+ Meribaʼali ama Mikha.+
41 Ono Mikha yaʼia daʼö Fitono, Melekhi, Tarea, ba Ahasi.
42 Ahasi ama Yaera. Yaera ama Galemeti, Asimaweti, ba Simeri. Simeri ama Mosa.
43 Mosa ama Mbinea. Ono Mbinea yaʼia daʼö Refaya, ono Refaya yaʼia daʼö Eleasa, ba ono Geleasa yaʼia daʼö Aseli.
44 So daönö nono Gaseli yaʼia daʼö Asirika, Bokhoru, Simaʼeli, Searia, Obadia, ba Hanani. Daʼö fefu nono Gaseli.
Nisura ba gahe zura
^ Mazui ”niha Netini”. Sin.: ”niha nibeʼe”.
^ Mazui ”ba gosali”.
^ Sin.: ”So daöfa zanaro bawa göli sagabölö”.
^ Daʼa roti nibaliʼö sumange.
^ Sin.: ”nahia wemanga”.
