Sara Fetero 2:1-25
2 Miheta khömi ngawalö waʼalösökhi,+ falimosa, famini tödö, faʼafökhö dödö, hegöi fehede si möi fangoʼaya niha böʼö.
2 Hulö ndraono sawena tumbu,+ midouʼö waʼomasimi ba wamadu susu si lö mufaruka, yaʼia daʼö taromali Lowalangi, enaʼö itugu tedou ba teʼorifi ami,+
3 me no mirasoi samösa waʼasökhi dödö Zoʼaya.
4 Soʼaya yaʼita andrö kara sauri nitimbagö niha,+ hizaʼi nifili Lowalangi ba sebua böli.+ Me miʼondrasi ia
5 yaʼami si no amaedola gara sauri, no muʼotomosi ami tobali omo wamati+ ba wangaʼazökhi ngawawa gere niʼamoniʼö irege mibeʼe zumange wamati+ somasi Lowalangi, nifaʼemami ba döi Yesu Keriso.+
6 So ba zura, ”Ba Ziona ufataro gara nifiligu. Daʼö gara wondrasi si oföna ba sebua böli. Lö teʼailasi* niha samati khönia.”+
7 Andrö wa moguna sibai ia khömi börö me faduhu dödömi khönia. Hizaʼi, ba niha si lö faduhu tödö, ”kara nitimbagö zamazökhi omo,+ no tobali kara* sabölö moguna”+
8 ba ”kara nitendre si möi börö wangala ba niha enaʼö alabu”.+ Tobali fangala khöra börö me lö laʼoʼö daromali. Daʼö dania luo nitemara.
9 Hizaʼi, yaʼami ”mado nituyu, ere si tobali razo, soi niʼamoniʼö,+ ono mbanua si tohude khö Lowalangi,+ enaʼö mituriaigö lakhömi”* Lowalangi+ si no mangeheta yaʼami moroi ba zogömi-gömi numalö ba haga sahöli-höli dödö andrö khönia.+
10 Tenga ono mbanua Lowalangi ami me föna, iadaʼa ono mbanuania ami.+ Lö mitema waʼahakhö dödö me föna, hizaʼi no mitema iadaʼa.+
11 Yaʼami ira talifusö niʼomasiʼö, uʼandrö khömi me niha baero ami ba ha si fatewu,+ milawa gisö-isö mboto andrö+ sanao horö sanuwö yaʼami.+
12 Mihaogö mbua-buami ba gotalua niha gulidanö,+ enaʼö na laböbögö khömi zi lö sökhi, tola tobali ira samaduhuʼö ba mbua-buami si sökhi,+ ba lua-luania lasuno Lowalangi na luo wanguhuku.
13 Miʼoʼö nifakhoi ndra samatörö+ börö Zoʼaya yaʼita, he razo+ fondrege zalawa
14 hegöi ira gubernur nifataronia ba wanguhuku samalua si lö sökhi ba sanuno samalua si sökhi.+
15 Omasi Lowalangi na mifalua zi sökhi, enaʼö tola miduhö mbawa niha sambö tödö samöbögö khömi si lö duhu me lö khöra faʼaboto ba dödö.+
16 Enaʼö auri ami simane niha si no manöndra fangefa,+ ba böi miʼogunaʼö wangefami andrö si tobali dane-dane ba wamalua horö,+ hizaʼi enaʼö auri ami tobali sawuyu Lowalangi.+
17 Mifosumange fefu niha,+ miʼomasiʼö dalifusömi ba wamati,+ miʼataʼufi Lowalangi,+ ba mifosumange razo.+
18 Yaʼami enoni, miʼoʼö li zokhö yaʼami ba miʼataʼufi ira,+ tenga ha ba niha si sökhi amuata ba si lö fatandro, hizaʼi ba niha sanandra-nandrawa.
19 Na so zanaögö famakao ba abula dödö si lö atulö börö dödönia side-ide föna Lowalangi, omuso dödö Lowalangi khönia.+
20 Hadia gunania na mitaögö mbözi-bözi börö wamalua horö?+ Na mitaögö wamakao börö wamalua si sökhi, iʼomasiʼö ami Lowalangi.+
21 Sindruhunia, ba daʼö sa tekaoni ami me no itaögö göi wamakao Keriso salahimi+ ba me no iröi khömi duma-duma enaʼö mihaogö wanara lahenia.+
22 Lö nifaluania horö+ ba lö irai falimo ia.+
23 Me laʼoʼaya ia+ ba lö isulöni.+ Me lafakao ia,+ lö ifangaha wolawa. Hizaʼi, itouʼö fefu ba danga Zanguhuku+ satulö.
24 Iluʼi horöda+ me laʼosö ia ba döla geu,+ enaʼö aefa ita ba horö andrö ba auri ba wamalua satulö. Baero daʼö, ”no ifadöhö ami sokhonia”.+
25 Me mböröta, hulö mbiri-biri selungu ami.+ Iadaʼa, no mangawuli ami khö gubalo+ sondrorogö nosomi.
Nisura ba gahe zura
^ Mazui ”Lö afatö dödö”.
^ Kara daʼa labeʼe ba gamaudu watalinga nomo enaʼö aro.
^ Eluahania amuata hegöi nifaluania sinangea musuno.
