Sara Fetero 4:1-19
4 Börö me no itaha wamakao Keriso ba waʼaniha,+ moguna göi mifaʼanö ami ba wangai angetula simane yaʼia börö me niha nifakao ba waʼaniha iforomaʼö wa no ibato wamalua horö,+
2 irege lö saʼae iʼoʼö wangisö niha andrö ba zi tosai nosonia ba waʼaniha, tenga ba woloʼö fangisö niha+ hizaʼi ba woloʼö somasi Lowalangi.+
3 Me föna, no ara mifalua wangisö niha andrö ba gulidanö+ yaʼia daʼö amuata si lö faʼaila,* fangisö si lö fanaha tödö, femabu-mabu, famalua owasa si lö sökhi, fatandrisa ba wamadu tuo, fanömba adu sogoro ita.+
4 Ahöli-höli dödöra börö me lö saʼae mitörö lala si lö sökhi andrö khöra, irege laʼoʼaya-aya ami.+
5 Hizaʼi, khöra dania isofu-sofu Lowalangi, sanguhuku niha sauri awö zi no mate.+
6 Sindruhunia, daʼö mbörö wa teturiaigö duria somuso dödö ba niha si no mate,*+ hewaʼae na tehuku ira dali wamaigi niha, hizaʼi tola auri ira ba wamaigi Lowalangi börö wanuturu lala moroi ba geheha niʼamoniʼö.
7 No ahatö gamozua fefu hadia ia. Andrö moguna miʼokhögö wangera-ngera si sökhi+ ba böi miböhöli wangandrö.+
8 Sabölö sökhi, faoma miʼomasiʼö nawömi soroi ba dödö,+ börö me oya ibalugö horö faʼomasi andrö.+
9 Böi abua gölömi wanemaʼö tome ba böi miʼokökö-kökö.+
10 Faoma mitolo nawömi balazi mbuala nitema zamösana, tobali sohalöwö si sökhi moroi ba waʼasökhi dödö sebua* khö Lowalangi, si no oya iforomaʼö.+
11 Na fahuhuo ami, yahulö zamaʼema fehede moroi khö Lowalangi, ba na mitolo niha böʼö, miʼodaligö waʼabölö Lowalangi+ ba wamalua yaʼia enaʼö tefolakhömi ia ba ngawalö fefu hadia ia+ ba khö Yesu Keriso. Khönia lakhömi awö waʼabölö irugi zi lö aetu. Yaduhu.
12 Yaʼami ira talifusö niʼomasiʼö, böi tokea ami ba galitö fanandraigö,+ hulö zawena alua khömi zimane daʼö.
13 Hizaʼi, yaʼomuso dödömi+ börö me tefakao ami simane Keriso,+ enaʼö sindruhu-ndruhu waʼomuso dödömi na ifaʼeleʼö lakhöminia Keriso.+
14 Na laʼoʼaya* ami börö döi Keriso, yaʼahowu ami+ börö me daʼö dandra wa no ahono ba khömi geheha lakhömi andrö, eheha Lowalangi.
15 Böi so ba gotaluami nifakao börö me no mamunu niha, managö, mamalua si lö sökhi, mazui ihalö khönia zi tenga urusania.+
16 Böi aila ami na tefakao börö me no tobali ami niha Keriso,+ ba böi miböhöli wamolakhömi Lowalangi börö döi andrö.
17 No irugi inötö wanguhuku andrö, tebörögö ba nomo Lowalangi.+ Na tebörögö ba khöda,+ hadia zalua ba niha si lö moloʼö turia somuso dödö moroi khö Lowalangi?+
18 ”Na niha satulö manö iforege wangalui fangorifinia, hadia zalua ba niha si lö mamosumange Lowalangi ba samalua horö?”+
19 Na tefakao ami börö wamalua somasi Lowalangi, mitouʼö ami ba danga Zomböi yaʼita si lö faröi ba böi miböhöli wamalua si sökhi.+
Nisura ba gahe zura
^ Mazui ”amuata si lö mangila wetahögö”. Ba li Yunani: aselgeia. Faigi Geluaha Ngawua Wehede.
^ Faigi Geluaha Ngawua Wehede.
^ Mazui ”laʼailasi”.
