Sara Fetero 5:1-14
5 Uʼandrö khö* ndra satua sokubaloi si so ba gotaluami enaʼö lafalua daʼa börö me awögu satua sokubaloi ira, samaduhuʼö famakao Keriso, ba si fao ba wanöndra lakhömi nifaʼeleʼö:+
2 Mikubaloi mbiri-biri Lowalangi+ si no labeʼe ba dangami. Yatobali ami sondröniaʼö ba wondrorogö yaʼira, tenga nifaso hizaʼi si fao faʼaoha gölö föna Lowalangi+ ba faʼowölö-ölö, tenga ba wangalui hare si lö atulö,+
3 tenga samatörö ono mbanua Lowalangi,+ hizaʼi si tobali duma-duma ba nikubaloi.+
4 Ba ginötö tohare dania gubalo sebua+ na ifaʼeleʼö ia, mitema dakula lakhömi si lö irai tekiko.+
5 Simanö göi ami ira matua si bohou ebua, miʼoʼö li ndra matua si no alawa döfi.+ Yafaoma so khömi wangide-ngideʼö, börö me fatuwu khö Lowalangi niha si fayawa ba ibeʼe waʼasökhi dödö sebua* ba niha sangide-ngideʼö yaʼia.+
6 Andrö, miʼide-ideʼö ami barö danga Lowalangi sabölö, enaʼö teʼalawaʼö ami ba ginötönia.+
7 Mitouʼö ba dangania na so zabu dödömi gofu hadia ia,+ so so sa dödönia ami.+
8 Mirorogö wangera-ngerami ba miʼangelama!+ Itöröi sa danö si faʼudu khömi yaʼia Gafökha andrö, hulö zingo sindröndrö-ndröndrö, iʼalu-alui haniha niʼania.+
9 Ba milawa ia+ si fao famati saro. Simane si no aboto ba dödömi, fefu dalifusömi si sara lala wamati ba zi sagörö ulidanö, latörö göi wamakao simane daʼö.+
10 Me no mitaögö wamakao ba zi lö arara, Lowalangi safönu faʼasökhi dödö sebua,* sogaoni yaʼami enaʼö ha sambua ami ba khö Keriso ba samolakhömi yaʼami sagötö faʼara,+ iʼasiwai ba wamahaʼö yaʼami. Iʼabölöʼö,+ iʼabeʼeʼö,+ ba iʼaroʼö ami.
11 Khönia waʼabölö irugi zi lö aetu. Yaduhu.
12 Börö wanolo Ziliwano,*+ talifusö si lö faröi moloʼö yaʼo, andrö wa usura zura sadogo-dogo andre ba wangaʼaroʼö yaʼami, ba ufaduhuʼö khömi wa sindruhu waʼasökhi dödö sebua* andrö moroi khö Lowalangi. Miʼaroʼö wololohe.
13 Iʼowai ami talifusöda ira alawe* si so ba Mbabilona, niha nifili simane yaʼami. Simanö göi nonogu Mareko.+
14 Yafaoma miʼowai nawömi si fao faʼomasi.
Yamiʼokhögö waʼatulö dozi ami si hasara tödö khö Keriso.
Nisura ba gahe zura
^ Mazui ”Uʼamenesi”.
^ Faigi Geluaha Ngawua Wehede.
^ Faigi Geluaha Ngawua Wehede.
^ Töi böʼö khö Zila.
^ Faigi Geluaha Ngawua Wehede.
^ Ngawua wehede ”talifusöda ira alawe” te daʼö geluahania banua niha Keriso ba Mbabilona.