Sara Korindro 13:1-13
-
Faʼomasi, lala sabölö sökhi (1-13)
13 Hewaʼae fehede niha mazui fehede malaʼika wehedegu, ba na lö khögu faʼomasi, amaedola garamba ndraʼo mazui siʼöli nifaondra wamözi.*
2 Na so khögu mbuala ba wamaʼeleʼö, uʼila fefu zi tobini niʼamoniʼö awö waʼaboto ba dödö andrö fefu,+ ba so khögu wamati saro irege tola ufawuʼa hili, hizaʼi na lö khögu faʼomasi ba si lö eluaha ndraʼodo.+
3 Na uʼogunaʼö fefu gokhötagu ba wanolo niha böʼö,+ ba utehegö waʼaurigu irege so khögu waʼomuso dödö, ba na lö khögu faʼomasi+ ba lö hadöi haregu.
4 Faʼomasi+ andrö ba no sebolo tödö,+ si sökhi tödö,+ lö iʼafökhöi tödö nawönia,+ lö isuno ia, lö asiliyawa,+
5 lö ilau zi lö moadu,+ lö iʼalui dana khönia,+ lö alio mofönu,+ lö itanö ba dödönia zi lö sökhi.*+
6 Lö omuso dödönia ba zi lö atulö,+ hizaʼi omuso dödönia ba zatulö.
7 Itaögö fefu hadia ia,+ faduhu dödönia fefu hadia ia,+ idöna-döna fefu hadia ia+ ba lö faröi ba ngawalö hadia ia.+
8 Si lö mamalö-malö waʼomasi andrö. Hizaʼi, tebato dania mbuala ba wamaʼeleʼö, fangila ngawalö li, hegöi faʼatua-tua,
9 börö me lö soʼahonoa waʼaboto ba dödöda,+ simanö göi wamaʼeleʼöda.
10 Ba na so dania zoʼahonoa ba tebato fefu zi lö moʼahonoa.
11 Me ide-ide ndraʼo, fahuhuo ndraʼo simane iraono side-ide, ba fangera-ngeragu simane iraono ba uhalö gangetula simane iraono. Me no alawa ndröfigu, tenga simane iraono ndraʼo.
12 Iadaʼa, ha lumö-lumö si ndrundrumö niʼilada ba zörömi, ba tola anehe ita dania, simane na faʼila bawa ita ba niha. Iadaʼa, lö soʼahonoa nasa waʼaboto ba dödögu, hizaʼi dania awena afönu wangiʼilagu sanandrösa khö Lowalangi, fagölö simane fangiʼilania yaʼo.
13 Hewaʼae simanö, lö tebulö zi tölu ngawalö andre: famati, fanötöna ba faʼomasi. Ba sebuara waʼomasi.+
Nisura ba gahe zura
^ Mazui ”simbal”. Daʼa alat musik moroi ba ziʼöli, si hulö wiga niʼogaolo, lafaondra wamözi yaʼia na muʼogunaʼö.
^ Mazui ”lö fahöʼö ia”.
