Sara Korindro 15:1-58
15 He yaʼami ira talifusö, omasido ufasugi ba dödömi sanandrösa ba duria somuso dödö si no uʼombakhaʼö khömi,+ si no mitema ba si lö tebulö miʼoʼö.
2 Na lö tebulö ami ba duria somuso dödö nifaʼemagu khömi, teʼorifi ami. Na löʼö, tobali zaya-zaya gölömi woloʼö Keriso.
3 Sabölö moguna si no utema ba no ufatunö khömi yaʼia daʼö, simane nisura ba Mbuku Niʼamoniʼö wa no mate Keriso börö horöda,+
4 ba no lakoʼo ia,+ aefa daʼö tesusugi+ ba ngaluo si tölu+ simane nisura ba Mbuku Niʼamoniʼö,+
5 ba no ifalukhaisi Gefa,*+ awö ndra sinenge si 12.+
6 Aefa daʼö, isamuzaigö wamalukhaisi ira talifusö si töra 500 niha,+ so ösa nasa ira ba gotaluada, tanö böʼö no mörö ira ba waʼamate.
7 Aefa daʼö, ifalukhaisi Yakobo,+ awena ira sinengenia fefu.+
8 Yaʼo zafuria ifalukhaisi,+ hulö nono sawuyu sambö baŵa.
9 Yaʼo zinenge fondrege zide-ide, ba tenga sinangea lafotöi ndraʼo sinenge börö me no ufakao mböröta mbanua niha Keriso khö Lowalangi.+
10 Wa tola tobali simane daʼa ndraʼo iadaʼa börö waʼasökhi dödö sebua* moroi khö Lowalangi. Tenga zaya-zaya gölö waʼasökhi dödönia andrö börö me no uforege wangai halöwö khönia töra moroi ba nifalua niha böʼö. Hewaʼae simanö, tenga börö waʼabölögu daʼa, hizaʼi börö waʼasökhi dödö sebua niforomaʼö Lowalangi khögu.
11 Tobali, gofu haniha zanuriaigö he yaʼo mazui yaʼira, fagölö nituriaigöma, ba daʼö zi faduhu dödömi.
12 Na taturiaigö wa no tesusugi Yesu moroi ba gotalua zi mate,+ hana wa so ba gotaluami zangumaʼö wa lö tesusugi niha si no mate?
13 Na sindruhu lö fanusugi ba niha si no mate, lö göi tesusugi me mböröta Keriso.
14 Na lö tesusugi Keriso, zaya-zaya gölö wanuriaigöda, ba zaya-zaya gölö göi wamatimi.
15 Baero daʼö, na sindruhu lö tesusugi niha si no mate, lö göi isusugi Keriso Lowalangi, ba no tobali ita samaduhuʼö sofaya khö Lowalangi+ börö me tafaduhuʼö wa no isusugi Keriso.+
16 Na sindruhu lö tesusugi niha si no mate, lö göi tesusugi Keriso.
17 Aefa daʼö, na lö nisusugi Keriso, zaya-zaya gölö wamatimi ba lö tebulö wa niha sebua horö ami.+
18 Eluahania nasa, tekiko göi niha si no mörö ba waʼamate si ha sambua ba khö Keriso.+
19 Na ha ba götöda andre manötöna ita khö Keriso, ba no fondrege zi numana ita moroi ba niha böʼö fefu.
20 Iadaʼa, no tesusugi Keriso ba yaʼia ziaʼa nisusugi moroi ba gotalua niha si no mörö ba waʼamate.+
21 Börö zi samösa niha wa so waʼamate,+ ba börö zi samösa niha göi wa tola tesusugi zi no mate.+
22 Börö Gadamo wa mate fefu niha,+ ba börö Keriso wa tesusugi.+
23 Hizaʼi, dozi nisusugi dania ba oi niföfögö: Keriso ziföföna,+ aefa daʼö sagötö feʼasonia tesusugi niha si no tobali okhöta Keriso.+
24 Ba gafuriata, me no ihori fefu wamatörö, faʼakuaso, ba faʼabölö, awena itouʼö Wamatörö andrö ba danga Lowalangi, Amania.+
25 Mamatörö ia tobali razo irege ahori fefu ibeʼe Lowalangi barö gahenia zi faʼudu khönia.+
26 Udu safuria niheta yaʼia daʼö faʼamate.+
27 Lowalangi ”zameʼe barö gahenia fefu hadia ia”.+ Hewaʼae no muwaʼö ’barö gahenia fefu hadia ia’,+ lö farahu Lowalangi ba daʼö börö me yaʼia zameʼe fefu barö gahe Keriso.+
28 Hizaʼi me no tebeʼe fefu barö gahenia, mangalulu göi Nono khö Lowalangi, sameʼe fefu barö gahenia+ irege ha Lowalangi Zamatörö ba ngawalö fefu hadia ia.+
29 Na lö tesusugi niha si no mate, hewisa niha nibayagö idanö si tobali niha si mate?+ Hadia gunania wa tebayagö ira idanö simane daʼö?
30 Hadia gunania göi wa ero inötö tefakao ndraʼaga?+
31 Ero maʼökhö utörö lumö waʼamate. Fehede daʼa simane si no irai uwaʼö wa tobali faʼomuso dödögu ami, yaʼami ira talifusö nifahaʼö ba khö Keriso Yesu Soʼaya yaʼita.
32 Hadia gunania khögu na fataru ndraʼo ba wolawa urifö samuʼi ba Nefeso+ simane nifalua niha böʼö?* Na sindruhu lö tesusugi niha si no mate, ”datalau manga-manga ba mamadu-madu, börö me mate ita mahemolu”.+
33 Böi telimo ami. Ifakiko mbua-bua si sökhi fariawösa si lö sökhi.+
34 Böi miförö ba mifalua zatulö, böi mitohugö wamalua horö. So ösa ba gotaluami zi lö faʼaboto ba dödö sanandrösa khö Lowalangi. Uwaʼö daʼa enaʼö aila ami.
35 Hewaʼae simanö, te so zanofu, ”Hewisa wa tesusugi niha si no mate? Hewisa mbotora na tesusugi ira?”+
36 Lö miʼila wetahögö! Lö ifuli auri danömö nifazaewemi na lö obou sakali.
37 Nitanömi andrö tenga sinanö si no tumbu, hizaʼi tanömö, simane hunö gandru mazui tanömö böʼö.
38 Lowalangi zameʼe khönia boto moloʼö somasi ia, ba ero sambua tanömö sambua mbotonia.
39 Lö fagölö-gölö nagole. So nagole niha, nagole gurifö, nagole wofo, ba nagole giʼa.
40 Faböʼö mboto si so ba zorugo+ ba faböʼö mboto si so ba gulidanö,+ oi so lakhömira zamösana.
41 So lakhömi luo, so lakhömi mbaŵa,+ ba so göi lakhömi ndröfi. Sindruhunia, ero sambua ndröfi so lakhömira zamösana.
42 Simanö göi wemaoso zi mate andrö: Sobou nitanö, ba si lö obou nisusugi.+
43 Lakoʼo ba waʼaila, tesusugi ba lakhömi.+ Lakoʼo ba waʼambö faʼabölö, tesusugi ba waʼabölö.+
44 Boto tanö nikoʼo, ba boto eheha nisusugi. So mboto tanö ba so mboto eheha.
45 So ba zura, ”Niha siföföna sotöi Adamo no tobali sonoso.”+ Ba Adamo safuria no tobali eheha sangorifi.+
46 Boto siföföna tenga boto eheha. Si oföna andrö boto tanö ba aefa daʼö boto eheha.
47 Moroi ba gulidanö niha siföföna ba tewöwöi moroi ba dambu,+ niha si samösa moroi ba zorugo.+
48 Fefu niwöwöi moroi ba dambu fagölö ira niha niwöwöi moroi ba dambu, ba fefu zi so ba zorugo fagölö ira zi otarai zorugo andrö.+
49 Fakhili-khili ita simane niha si no tewöwöi ba dambu,+ ba fakhili-khili ita göi dania simane si otarai ba zorugo.+
50 Simane daʼa yaʼami ira talifusö, tebai möi ba Wamatörö Lowalangi ndro hegöi boto. Ba si tekiko, tebai laʼokhögö zi tebai tekiko andrö.
51 Mitöngöni zi tobini niʼamoniʼö andre nifaʼemagu: Lö fefu moroi ba gotaluada ahori mörö ba waʼamate, hizaʼi tefaböʼöni ita fefu+
52 ba zi lö arara, ha mamöʼi hörö, sagötö moli dorofe safuria. Na terongo li dorofe,+ tesusugi niha si no mate faoma boto si tebai tekiko ba tefaböʼöni ita fefu.
53 Boto si tola tekiko andrö lö tola löʼö tobali boto si tebai tekiko,+ ba boto si no mate tobali boto si tebai mate.+
54 Na tefaböʼöni mboto si tola tekiko andrö tobali boto si tebai tekiko, ba boto si tola mate tobali boto si tebai mate, awena dania alua ayati daʼa me imane, ”Lö hadöi saʼae faʼamate andrö sagötö faʼara.”+
55 ”Hezo öbeʼe waʼamönau faʼamate? Hezo zöfumö faʼamate?”+
56 Söfu waʼamate andrö yaʼia horö,+ ba mamatörö horö börö Goroisa Moze.+
57 Hizaʼi, taʼandrö saohagölö khö Lowalangi me no ibeʼe khöda waʼamöna ba khö Zoʼaya yaʼita Yesu Keriso!+
58 Börö daʼö yaʼami ira talifusö niʼomasiʼö, yaʼaro+ ba miʼabölöʼö ami, yaʼowölö-ölö ami+ ba wangai halöwö Lowalangi,* börö me no miʼila wa tenga zaya-zaya gölö+ waʼerege dödömi ba wangai halöwönia.
Nisura ba gahe zura
^ Töi böʼö khö Wetero.
^ Faigi Geluaha Ngawua Wehede.
^ Mazui te ”moloʼö famaigi niha”.
^ Mazui ”Soʼaya”. Ba li Yunani: Kyrios.
