Sara Korindro 5:1-13
5 No urongo wa so zamalua amuata wohorö*+ ba gotaluami, yaʼia daʼö so ndra matua sangai foʼomo namania. Fohorö* simane daʼö lö tesöndra ba gotalua soi böʼö.+
2 Hizaʼi, fayawa ami ba gamuata daʼö. Hadia tenga sabu tödö ami+ sindruhunia ba miheta niha samalua horö andrö ba gotaluami?+
3 Hewaʼae na lö yaʼo ba daʼö, hizaʼi so sa gera-eragu ba daʼö ba no uhuku niha andrö, hulö na so ndraʼo ba gotaluami.
4 Me owulo ami, fao gera-eragu khömi hegöi faʼabölö Zoʼaya yaʼita Yesu Keriso. Börö daʼö, ba döi Zoʼaya yaʼita Yesu,
5 mitouʼö ba danga Zatana niha simane daʼö,+ enaʼö lö tedönisi zato ba horönia andrö ba terorogö wamati mbanua niha Keriso sagötö ngaluo Zoʼaya.+
6 Lö sökhi na fayawa ami simane daʼö. Hadia lö miʼila, ha maʼifu ragi tola kamba hamo darigu ibeʼe?+
7 Mitiboʼö ragi si tohöna andrö enaʼö tobali ami hamo darigu si bohou, börö me no teʼefaʼö ami moroi ba ragi iʼotarai me tebeʼe Keriso ono mbiri-biri Wasa+ si tobali sumange.+
8 Börö daʼö, dataʼowasaini+ ia tenga faoma ragi si tohöna mazui ragi horö ba faʼalösökhi, hizaʼi faoma roti si lö mufaruka ragi, si no amaedola waʼatulö dödö hegöi sindruhu.
9 No usura zura khömi enaʼö lö fariawö ami ba niha samalua amuata wohorö.*
10 Eluahania, tenga tebai fariawö ami ba niha samalua amuata wohorö* ba gulidanö daʼa,+ mazui samaʼuʼu, sorabu, ba samosumange adu. Na simane daʼö saʼae, miheta manö ami moroi ba gulidanö andre.+
11 Iadaʼa, usura zura andre enaʼö lö fariawö+ ami khö ndra talifusö samalua amuata wohorö,* samaʼuʼu,+ samosumange adu, sangoʼaya,* tuka mabu,+ sorabu.+ Böi naʼi orudu manga ami khöra.
12 Hadia wa uhalö khögu wanguhuku niha baero? Hadia tenga yaʼami zanguhuku niha bakha,
13 ba Lowalangi zanguhuku niha baero?+ ”Miheta ba gotaluami niha si lö sökhi andrö.”+
Nisura ba gahe zura
^ Ba li Yunani: porneia. Faigi Geluaha Ngawua Wehede.
^ Ba li Yunani: porneia. Faigi Geluaha Ngawua Wehede.
^ Faigi duho ”Fohorö” ba Geluaha Ngawua Wehede.
^ Faigi duho ”Fohorö” ba Geluaha Ngawua Wehede.
^ Faigi duho ”Fohorö” ba Geluaha Ngawua Wehede.
^ Mazui ”si falele-lele”.