1 Moze 14:1-24
14 Me luo daʼö, Arambeli razo Zineara,+ Ariokhi razo Gelasara, Kedorolaʼomoro+ razo Gelama,+ ba Tidala razo Goʼi
2 fasuwö ira lalawa Mbera razo Zodoma,+ Birisa razo Gomora,+ Sinaba razo Gadama, Semeberi razo Zeboʼi,+ ba razo Mbela nifotöi Soara.
3 Laʼosambuaʼö waʼabölöra ba Ndraso Zidi+ yaʼia daʼö Asi Sasi-asi.*+
4 Razo si dalima andrö no mangai halöwö ira khö Gedorolaʼomoro ba zi 12 fakhe waʼara. Hizaʼi me no irugi 13 fakhe, mamadaö ira.
5 Ba me no irugi 14 fakhe mamatörö ia, möi fasuwö Gedorolaʼomoro, iʼohe awönia ndra razo ba wokalaisi niha Refaʼi ba Gasaroto-karanai, niha Zusi ba Khamo, niha Gemi+ ba Zawe-kiriataʼi,
6 ba niha Hori+ si toröi ba Hili Zeʼira,+ ofeta ba Geli-farana ba danö si mate.
7 Aefa daʼö, mangawuli ira ba Geni-misefa, yaʼia daʼö Kadesi,+ ba lakalaisi fefu mbanua niha Gamaleki+ hegöi niha Gamori+ si toröi ba Hazaso-tamara.+
8 Me luo daʼö, möi fasuwö razo Zodoma, fao khönia razo Gomora, razo Gadama, razo Zeboʼi, ba razo Mbela yaʼia daʼö Soara, ba lafaʼoli zaradadura ba Ndraso Zidi
9 ba wolawa Kedorolaʼomoro razo Gelama, Tidala razo Goʼi, Arambeli razo Zineara, ba Ariokhi razo Gelasara,+ daöfa lawa zi dalima.
10 Ba Ndraso Zidi, oya sibai dögi safönu asipala. Me moloi razo Zodoma faoma Gomora, aekhu ira bakha ba daʼö. Ba moloi danö böʼö lasawa mbanua si so ba hili.
11 Me no möna razo si daöfa andrö, larabu fefu gokhöta hegöi ngawalö gö ba Zodoma faoma Gomora, ba mofanö ira.+
12 Ba laʼoloiʼö göi Loti tana nono Gaberamo, si toröi ba Zodoma me luo daʼö.+ Lahalö gokhötania, ba latohugö wofanö.
13 Me no alua daʼö, so samösa zoloi ba möi ia iʼombakhaʼö khö Gaberamo niha Heberaiʼo andrö. Me luo daʼö, toröi Gaberamo* ahatö ba geu segebua okhöta Mamere niha Gamori,+ talifusö Gesikoli ba Aneri.+ Yaʼira zi faʼawö khö Gaberamo.
14 Me no irongo Aberamo laʼoloiʼö dana nononia,*+ idöniaʼö niha si fao khönia si no toʼölö fasuwö 318 niha waʼato, sawuyunia si tumbu ba nomonia. Mofanö ira ba lagohi ofeta ba Dano.+
15 Ba zi bonginia, ibagi ndra saradadu khönia. Möi ia isuwö nudu ba iʼohe ndra sawuyunia irege ikalaisi ira fefu, ba igohi ira ofeta ba Hoba tanö yöu Ndramaseko.
16 Iʼefaʼö Loti tana nononia ba ifuli ihalö gokhötania si no larabu. Ifuli göi irabu fefu gama-gama, ba iʼefaʼö ndra alawe awö niha niʼoloiʼö tanö böʼö.
17 Mangawuli Gaberamo me no ikalaisi Gedorolaʼomoro awö razo-razo si fao khönia. Aefa daʼö, ifalukhaisi ia razo Zodoma ba ndraso Zawe yaʼia daʼö Daso Razo.+
18 Ibeʼe önia roti faoma agu Melekhisede+ razo Salema.+ Yaʼia andrö ere Lowalangi Fondrege Zalawa.+
19 Ifahowuʼö Gaberamo,
”Yaʼifahowuʼö Gaberamo Lowalangi Fondrege Zalawa,Samazökhi banua si yawa awö danö;
20 Yatesuno Lowalangi Fondrege Zalawa,Si no mameʼe ba dangau si faʼudu khöu!”
Ba ibeʼe khönia Aberamo zi sambua niʼofulu fefu hadia ia.+
21 Ba imane razo Zodoma khö Gaberamo, ”Halö khöu gokhöta daʼö, hizaʼi fuli khögu ndra niha daʼö.”
22 Imane Aberamo khö razo Zodoma, ”Ufazawa dangagu weʼamöi ba hölu khö Yehowa Lowalangi Fondrege Zalawa, Samazökhi banua si yawa awö danö,
23 wa lö uhalö hadia ia khöu, iʼotarai zi sara bana irugi mböbö zandrala, faböi öwaʼö wa börö ndraʼugö wa kayo ndraʼo.
24 Lö uhalö hadia ia khöu, baero zi no laʼa iraono matua daʼö. Hizaʼi, niha si fao khögu yaʼia daʼö Aneri, Esikoli hegöi Mamere,+ tehegö akha lahalö dana khöra.”
Nisura ba gahe zura
^ Eluahania Asi si Mate.
^ Mazui ”toröi Gaberamo ba nose-ose”.
^ Sin.: ”dalifusönia”.
