1 Moze 23:1-20
-
Mate Zara ba mukoʼo (1-20)
23 Faʼanau noso Zara irugi 127 fakhe.+
2 Mate Zara ba Giriati-araba,+ yaʼia daʼö Heberona,+ banua niha Ganaʼana.+ Ibörögö abu dödö Gaberahamo ba iʼeʼesi Zara.
3 Ba mofanö Gaberahamo, iröi woʼomonia si no mate ba wamalukhaisi niha Kheti+ imane,
4 ”Yaʼodo andre niha si fatewu si toröi khömi.+ Omasido uʼöli sambua nahia tobali lewatö ba wogoʼo foʼomogu.”
5 Lamane ira niha Kheti khö Gaberahamo,
6 ”He Pa, fondrondrongo niwaʼöma. Ba wamaigima, yaʼugö andrö sondröniaʼö moroi khö Lowalangi.*+ Tola ökoʼo woʼomomö ba lewatö fondrege zi sökhi khöma. Samösa lö sanaha tanöra khöu na ökoʼo woʼomou.”
7 Ba maoso Gaberahamo, ituhi danö föna niha Kheti, niha mbanua daʼö,+
8 imane khöra, ”Na fao dödömi ukoʼo woʼomogu ba daʼa, mifondrondrongo niwaʼögu. Miwaʼö khö Geferona ono Zohara
9 enaʼö ifamawa dögi narö hili Makhefela tana khönia, si so ba lulu nowi khönia. Akha ifamawa khögu ba zanehe ami. Hasambalö uʼöli gofu hauga mböli+ enaʼö so lewatöma.”+
10 No modadao Geferona ba gotalua ndra niha Kheti andrö. Imane Eferona niha Kheti andrö khö Gaberahamo ba larongo göi ira niha Kheti tanö böʼö, simanö göi niha si möi bakha ba mbawa göli.+ Imane,
11 ”Böi saʼae Pa! Fondrondrongo niwaʼögu. Omasido ubeʼe khöu nowi hegöi tögi narö hili si so ba daʼö. Ubeʼe ia khöu maʼökhö ba zanehe niha sato. Ba daʼö koʼo woʼomomö.”
12 Ba mangalulu Gaberahamo föna niha mbanua daʼö
13 fahuhuo ia khö Geferona ba larongo niha sato, ”Uʼandrö khömi, mifondrondrongo wehedegu! Ubuʼa fefu mböli nowi daʼö faoma firö! Tema wirö nibeʼegu enaʼö tola ukoʼo woʼomogu ba daʼö.”
14 Imane Eferona khö Gaberahamo,
15 ”He Pa, fondrondrongo niwaʼögu. Böli danö daʼö 400 ngawua* firö, hizaʼi böi talafo öʼangeragö mbölinia. Koʼo manö woʼomomö.”
16 Me irongo Aberahamo niwaʼö Geferona, ikilo wirö moloʼö faʼabua nitötöi Geferona föna niha Kheti andrö, 4,5 kilogram* firö moloʼö suʼa-suʼa waʼabua niʼogunaʼö ndra sogale.+
17 Tanö niʼokhögö Geferona ba Makhefela sahatö ba Mamere, simanö göi dögi narö hili awö geu si so ba nola mbenua andrö, lafaduhuʼö
18 tobali tana khö Gaberahamo. Iʼöli mbenua daʼö föna niha Kheti ba fefu niha si möi ba mbawa göli mbanua andrö.
19 Aefa daʼö, ikoʼo woʼomonia Aberahamo ba dögi narö hili ba mbenua ba Makhefela sahatö ba Mamere, yaʼia daʼö ba Heberona, ba mbanua niha Ganaʼana.
20 Simane daʼö wameʼe niha Kheti benuara khö Gaberahamo awö dögi narö hili si so ba daʼö tobali lewatö tana khönia.+
Nisura ba gahe zura
^ Mazui te ”sondröniaʼö si tehöngö”.
